لماذا ترفض؟

[feriel1989]

اشكركم على ردكم

المشكل داخليا لا اتقبل نفسي لكن لا اابدي هذا لغيري و لمن حولي
بالعكس انا امرءة مرحة ذو قلب كبير و الكل يقولون لي ان دمي خفيف و حلوة.......
حتى زوجي المستقبلي يحبني ما انا عليه و الحمد لله

لكن المشكل مع نفسي شخصيااا

[كاميلا]

رح تهبلي؟
اعذريني مي نهدر معاك هكذا باش تفطني شوية واشبيك بالاكي تحشمي بروحك ديري الثقة في روحك ولوكان تكوني واش تكوني لانك اذا درتي الثقة رح تولي عندك سلام داخلي متسمعيش لهدرة الناس انت اذا كنتي قادرة تضعافي ديري الرياضة اما اذا كانت مشكلة وراثية قولي الحمد لله انا استغربت من بعض الردود ياك احنا دول متخلفة وعالم ثالث من وقتاش يحبوا الرقيقة انا نوزن 60 وعجوزتي ديما تلعبلي على المورال مع اني سمن عليها ههههه شوفي هذا جسمك واحد مدخلو فيه وزيد الناس كي تشوفك واثقة من نفسك رح يهابوا منك وقويلي شوية من شخصيتك اكي تشوفي فيهم هاذوا الرجال حاشا خليقة ربي كاين الي متحمليش تشوفي مع وجه وداير في روحو حويجة اتذكر حادثة صراتلي في الليسي مر من امامي واحد يدير في الطول متر و 50 انا اطول منه عاكسني كنت صغيرة 16 لما تشنفت عليه مر وراه واحد قالي واش حاسبة في روحك راهو راجل والراجل خيرمنك راهو راجل ههههههه عندهم عقلية خامجة حاشاك قالك الراجل ميتعيبش لا لا يتعيب كيفه كيف المرا كون جا ميتعيبش كون ربي خلقهم كيف بعضاهم تلقايه خنونة في نيفه الريحة في رجليه ويقولك انا راجل منتعيبش ياو مرتبة انسان ملحقتلهاش روح دوش يرحم والديك باه ترقى لانسان يعني تلقايهم لا مظهر ولا نظافة ولا عقل ولا اخلاق ويتكسلوا على فارغة ومافيهاش وانت هنا درتيلنا حكاية ياو راكي مليحة متكسريش راسك احبي نفسك قبل متحوسي يحبوك ويقبلوك وفي خصوص مسألة الزواج اظن ان اخوانا الشاوية مشهورين بحبهم للمراة السمينة يعني وينو المشكل مكانش

[khalwi]

يا اختي كي عاد المشكل نفسي خير .......... و هذا يزيدك ارادة و اصرار ما عليك غير تشري فيلو فيكس و تخدمي بيه في الدار........... مع شوية ريجيم نتع كرمب و ليمون..........في بضعة اسابيع تولي مانكان و هذا عن تجربة و اذا امكن ادخلي صالة ايروبيك مليحة و تشوفي النتيجة بلا ما تنساي ديما الكرمب راهو 444444444444444

[يوسف الجزائر]

السلام عليكم
يا اختي الكريمة، أنا حسب رأيي بدل البكاء على الأطلال ورثاء حالك ، لماذا لا تجعلين من نظرة الناس إليك او من نظرتك لنفسك (لأنك بطبيعة الحال غير راضية عن حالك) دافعا من أجل أن تنحفي قليلا وتصلي بجسمك إلى الصفة التي تنشدينها

[(( هبة الرحمن ))]

لماذا تعالجون المشكل بمشكل اخر القضية ليست ثقة او حتى تعجبي الرجل القضية ان البدانة مرض راهي جيب القلب والمراة البدينة ما تحملش بلخف

[nibrasse 76]

لان الناس يربطوا بين السمنة مع الغباء والبلاهة ....وهو الى حد ما صحيح ....يعني النحيف ممكن يبذل كل جهده ولا يستطيع زيادة وزنه ..اما السمين مستحيل ما يقدرش .

[hazar dz]

المشاركة الأصلية كتبت بواسطة كاميلا

رح تهبلي؟
اعذريني مي نهدر معاك هكذا باش تفطني شوية واشبيك بالاكي تحشمي بروحك ديري الثقة في روحك ولوكان تكوني واش تكوني لانك اذا درتي الثقة رح تولي عندك سلام داخلي متسمعيش لهدرة الناس انت اذا كنتي قادرة تضعافي ديري الرياضة اما اذا كانت مشكلة وراثية قولي الحمد لله انا استغربت من بعض الردود ياك احنا دول متخلفة وعالم ثالث من وقتاش يحبوا الرقيقة انا نوزن 60 وعجوزتي ديما تلعبلي على المورال مع اني سمن عليها ههههه شوفي هذا جسمك واحد مدخلو فيه وزيد الناس كي تشوفك واثقة من نفسك رح يهابوا منك وقويلي شوية من شخصيتك اكي تشوفي فيهم هاذوا الرجال حاشا خليقة ربي كاين الي متحمليش تشوفي مع وجه وداير في روحو حويجة اتذكر حادثة صراتلي في الليسي مر من امامي واحد يدير في الطول متر و 50 انا اطول منه عاكسني كنت صغيرة 16 لما تشنفت عليه مر وراه واحد قالي واش حاسبة في روحك راهو راجل والراجل خيرمنك راهو راجل ههههههه عندهم عقلية خامجة حاشاك قالك الراجل ميتعيبش لا لا يتعيب كيفه كيف المرا كون جا ميتعيبش كون ربي خلقهم كيف بعضاهم تلقايه خنونة في نيفه الريحة في رجليه ويقولك انا راجل منتعيبش ياو مرتبة انسان ملحقتلهاش روح دوش يرحم والديك باه ترقى لانسان يعني تلقايهم لا مظهر ولا نظافة ولا عقل ولا اخلاق ويتكسلوا على فارغة ومافيهاش وانت هنا درتيلنا حكاية ياو راكي مليحة متكسريش راسك احبي نفسك قبل متحوسي يحبوك ويقبلوك وفي خصوص مسألة الزواج اظن ان اخوانا الشاوية مشهورين بحبهم للمراة السمينة يعني وينو المشكل مكانش

بارك الله فيك على الكلام نتاعك وهاد الهدرة نتاع الراجل خير من المرا خليهم يأمنو بيها غير هوما ...ربي لي خلقنا و قيمنا من فوق سبع سموات مانحتاجوش لي يقيمنا ...الحمد لله ......وللأخت نقولك ونعاود ثيقي في نفسك و زيدي ديري شوية رياضة إدا مانفع والو تقبلي روحك كيما راكي .....واحمدي الله على النعم الأخرى .

[imane bela]

لا حول ولا قوة إلآ بالله
ربي يهديكم على هذه الردود الغير إنسانية
الصح فالقلب الحنين و النية الصافية شحال من وحدة شابة و عندها une belle tailleبصح ما فيهاش الرحمة
اختي العزيزة هذا ماشي عيب أنا نقولك واش أديري
1ـــنقسي الماكلة يعني ماتاكليش حتى تشبعي
2ــديري رياضة و كتري الحركة أخدمي شغل الدار
3ــحاولي ماتتعشايش كولي الفاكهة الي قادرة تشريها
4ــبالنسبة للسكر اشري السكر الخاص بمرضى السكري مايسمنكش
5ــديري عصير الليمون ٱشربيه في مكان الماء
6ــو هذي تيزانة اشربي منها 3مرات فاليوم ـــنعناع+ملعقة زنجبيل+ملعقة كمون+ملعقة قرفة+ربع ليمونة+شاي ــــ خليهم يغليو مع بعض و أشربيهم
موفقة

[أمة الله 12]

الاخوة الدين سبقوني كفو و وفوا, لكن حبيت نقلك طريقة ساهلة لتفقدي الوزن الزائد و راهي مضمونة باذن الله,

تعلمي انك توكلي ف الوقت, ماتجيبيش يوم كامل و انتي توكلي, لا لا

افطري مليح, وقت الغداء و العشاء, اوكلي ما تبخليش روحك, بصح نقصي من الخبز و العجائن,

بعد الماكلة (العذاء و العشاء) نص كاس ماء ديري فيه مغرفه صغيرة خل التفاح,

الوجبات الصغيرة في غير وقت الغداء و العشاء انسيها, اذا جعتي و كليتي بعدها نص كاس ماء فيه الخل

ربي معاك

[*سيرتا *]

انا لن اقول على المراة السمينة تقبل شكلها فلو كان الامر متعلق بالطول او القصر او شئ اخر فسيكون علينا ان نحب ما وهبنا الله اياه .. اما السمنة فهي بيد المراة انا ما لا افهمه كيفلها ان لا تحرص على الحفاظ رشاقتها كحرصها على الاكل (بغض النظر عن الحالات الخاصة بعض الامراض لربما او الادوية التي تؤدي الى السمنة) .. ..والله لا اراها بمشكلة كاين الريجيم .. الحل سهل

[**د لا ل**]

السلام عليكم

طبعا بعض الردود تجيب الضغط بالله عليكم أهذا كلام يقال لشخص يطلب دعمكم ؟؟؟

لا حول و لا قوة الا بالله

**عطر اللّسان طيب الكلام ايها الاعضاء المحترمون**

اختي الكريمة

هي نصيحة لوجه الله

احبي نفسكِ كي يحبكِ غيركِ ...وكلما رأيت نفسكِ جميلة يراكِ الاخرون كذلك

فالانسان مرآة نفسه وكما يرى نفسه يراه غيره

ولا تدعي احدا ينتقص من قيمتك فالله خلقنا في احسن صورة

وما تعانيه تستطيعين التخلص منه بالاستعانة بالله والارادةو الصبر وتغير نظام حياتك

وفقك الله

[بنت النخلة]

يلزم على النساء مايراعوش للرجال واش يحبوا نحيلة بدينة بين البنين وما الى ذالك تراعي كل وحدة على صحتها لان البدانة اعتبرت عالميا مرض وهو سبب في الكثير من الامراض الاخرى كذالك النحافة المفرطة التي تتنافس عليها البنات الآن هي مرض اعتبر نفسيا اكثر منه عضويا كما يجلب امراض عضوية كثيرة كفقر الدم وامراض المعدة وغيرها من الامراض الهرمونية
فالتوسط هو الامثل سواء للرجال اوالنساء
ياو حتى النساء ما يحبوش الراجل الي عندو كرشويحبون الرجل الرشيق

[hamdanhamdod]

كاين اناس متزوجين بسمينات وعكس دلك رجل سمين متزوج بمراة نحيفة جدا قضية تكمن في مفاهمة

[hodahodahoda]

من شروط نجاح الزواج قبول الزوجين ببعضهما من ناحية الشكل الخارجي و الجمال الداخلي

من حق المراة ان تتزوج برجل يعجبها شكلا
و من الرجل كذلك بل لازم لان بعذ سنوات يدخل الملل و يتسرب و يصبح الرجل ينظر يمينا و شمالا لانه في نظره لم يتزوج بامراة جميلة
اما البدينات
الكثيرات منهن جميلا ت و يمكنهن بذل جهد لانقاص وزنهن و سيصبحن باحلى صور