هل اخبره بماضي؟شوروا عليا!!!!

[مواطنة]

السلام عليكم اختي علاش تعمري في راسك
انت تبت لله عز وجل و هذيك الحكاية خلاصت و فرات
اذا سقساك وانت مش حابة تكذبي قوليلو بلي انا كيما البنات يخطبو 10 و يدي واحد و تاني قوليلو انا ما نحبش العلاقات هذي و من فضلك مزيدش تهدر على الاشياء لي ما تفيدناش اذا زاد سقساك قوليلو مباشرة نعم معك اذا شفتيه يكثر خليه يسقسي وانت ضلي على نفس الاجوبة
اختي الله سترك قدام الناس وانت علاش تفضحي نفسك بما انو قصتك ليس لديها تاثير باقي يضر بالخاطب الجديد
اختي الكريمة الراجل كي تحكيلو على علاقتك بشاب بريئة عمرو ما يفهم بلي بريئة يدير في بالو حوايج بزاف الا من رحم ربي وخصوصا اذا كان شكاك يبقى ديما يفكر بلي كيما خنت اهلك تخونيه او في كل دورة يجبدلك واش حكيتو
و تاني غلطت في السابق هذي مشي نهاية العالم و هذا كلو من الانفتاح و الدراسة في الجو المختلط و شكون لي ما يغلطش الا القليل لانو متعودين نتكلمو مع الاولاد في القسم منذ الصغر لا حياء ولا شي و تستمر الى الجامعة وكل وحدة وقتاش تفيق للخطا
وحدة نعرفها المسكينة تخطبت مع قريب ليها كانت تحكيلو على لي تعرفهم في الجامعة من باب ما تخبي والو تعرفي بلي صرعها كل يوم يسالها مع من هدرت اليوم من بعد هددها لوكان زيدي تهدري مع واح ما تقوليليش خلاص نفسخو و لحق يطلب كلمة مرور البريد الالكتروني لي كانت فيه رسائل لم تقم بحذفها ليست هي من ارسلتها بل زملاء لها البنت تخاف الله ولم تكن تعلم بتاثير الاختلاط ولو كان بريء وخطيبها كرهلها حياتها امالا خذي العبرة و لا تقعي في الخطا

[ام الاء وسدن]

سمعت قصص كثيرة كيما انت سؤلو الشيوخ في القنوات الفضائية وكان الرد لا تخبريه لانك تائبة وانت الان في سن يجب عليك الزواج
لا تفضحي نفسك وكانك درتي المنكرات ربما هدا عوضك من ربي تجنبي المصارحة ان سالك قولي جا واحد اخطبني وما كتيش ربي فقط

[karim.dz]

شوفي الاخت انا مراح ننصحك باي شيء فقط اقول لك ان الرجل الجزائري بصفة عامة يحب المراة الصريحة واللي ماتخبي عليه والو ........وشوفي للبعد ماذا لو عاد الماضي فجاة عندما تتزوجون باذن الله ....الاكيد انه ستحدث كارثة ....

[hodahodahoda]

اذا اردت ان لا تكذبي
و اذا سالك قولي له ان شاب اراد خطبتي و ابي رفضه لانه من خارج الولاية
و انتهى

[أم أسيل الاثرية]

اختي ننصحك ما تقوليلوش باسكو ممكن يبطل ما يديكش ولا حتى ادا اداك مايديرش فيك كونفيونس فهمت حنونة ومهما واش سقساك قوليلو انت اول واخر واحد عرفتو عندك تقوليلو

[ذكرى أبي]

ردي بالك تخبريه أصلا ما كان كاين والو و الله غير تندمي لاخاطر يبدا يشك فيك و ما راحش يامن بلي ما كان كاين والو
انتي و انساي هاذ العلاقة العابرة

[السي ياسين]

لا تخبريه ...........

[جويرية الإيمان]

صحيح

كما نصحك الإخوة

إياك أن تصاريحه بالحقيقة

و إن تطلب الأمر الحلف بالكذب فهو يجوز في هذه الحالة إن لم يصدقك .

و هو أصلا لماذا يسأل عن ماضيك .

فماضيك حق لك وحدك مهما فعلت فيه.

نصيحتي لك كوني قوية الشخصية و لا تفكري أنك في أل 30 سنة و أنك كبرت .

أرج من الله أن يبارك لكما و يهدي خطيبك و ينزع من قلبه بذرة الشك .

[فريال88]

اختي ماتقوليلوش الشرع يمنع الانسان باش يسقسي خوه على الماضي مهما كان كل واحد يغلط و لوكان تقوليلو اعرفي بلي تطيحي من عينو و يولي يعايرك

[hamdanhamdod]

تخبريه ضيعي روحك

[pro24]

المشاركة الأصلية كتبت بواسطة طريق الهدى

السلام عليكم و رحمة الله و بركاته

رجاء لمن لديه راي ان لا يبخل عليا و اجره على الله و الله اني حائرة جداااااااااااااااااااااااااااا

انا اقارب الثلاثين من العمر تعرفت على شاب ذو خلق انسان محترم ماشاءالله طلب ان يتعرف على والدي بغرض الخطبة الى هنا لا مشكلة طبعا..

المشكلة فيا انا:

في العام 2010 كنت على رغم كبر سني ساذجة تعرفت على شخص و دخلت غي علاقة معه رغم اني لم افت الحدود معه ، و كنا قليلا جدا لما نلتقي في الجامعة او الاتصالات الهاتفية الخالية من اي نوع من انواع قلة الادب و لكن كان من ولاية اخرى و ابي يرفض اي شخص من خارج الولاية فلم يكتب لنا نصيب مع بعض منذ 2012.

بعد ذلك انا لم اتكلم مع اي شخص مطلقا بالعكس تبت لله(والله اعلم ما في صدري) صليت و صمت و بكيت لاني لم ارضى يوما عن علاقتي بهذا الشخص

انا الان خائفة من ان يسالني الخاطب هل كانت لي علاقات سابقة فماذا اقول؟؟؟؟؟؟؟؟لانه سالني قبل ذلك و لكن الهانا موضوع اخر لكني متاكدة انه سيعيد السؤال ..

اصبح هذا السؤال هاجسا لي؟؟؟؟؟؟؟

رجاء شوروا عليا هل اقول الحقيقة و ربما لن يتقبل و ان تقبل ممكن ان لا ينساها لي ابدا(كما حصل مع الكتيرات)

او هل انكر و اكذب عليه؟؟؟؟؟؟

و الله انا في حيرة من امري

رجاء لا اريد ردودا جارحة اريد اراء و و اجركم على الله مسبقااااااااااا

هذا اصل الجنون المصارحة في هكذا امور يعني الانتحار
بالطبع لا توجد مصارحة في هكذا امور
حوايج كيما هذام غير انسايهم
ربي يجيب الخير

[ٱولادي ٱحبابي]

يا اختي انا ننصحك ماتقوليلوش لي فات مات و ربي سترك ماتنسايش بلي الرجل يحكم في قلبو و لو بعد سنين راح يقعد و يفكرك و ماكانش لي ماغلطش ربي يسترك و يكملك بكل خير انشاء الله

[bellaluna]

لا تخبريه بماضيك و حتّى شرعيا كلّ الشيوخ ينصحون الفتيات بأن يسترن على أنفسهنّ و حتّى الكذب في مثل هذه الحال جائز.بالتوفيق.