|
|
|
|||||||
| قسم أرشيف منتديات الجامعة القسم مغلق بحيث يحوي مواضيع الاستفسارات و الطلبات المجاب عنها ..... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
|
|
أدوات الموضوع | انواع عرض الموضوع |
|
|
2013-11-03, 22:58
|
رقم المشاركة : 1 | |||||
|
اقتباس:
المهم حلو 40 بوست على اساس الاولوية ليهم ومن بعد حنا والتخصص الاخر عندهم تخصص واحد اخر يعني عندهم زوج المهم تكلونا وحكمو علينا الدوسيات لكن في الاخير جبدو بينا لساط ومدخلو منا حتى واحد بسبب انهم سكتو التخصص الاخر باش يدخبو معارفهم لي معندهمش معدلات مليحة في التخصص الثاني يعين التخصص الول مدوه كامل لليهم باش في التخصص الثاني تاع الماستر يدخلو معارفهم وكي جينا نريكلاميو قالونا معندكمش نيفو ومعندكمش اولوية وكي جينا نطلعو الامر للسلطات عليا في الجامعة دخلو منا الاولى نتاعنا وهكا قلبو علينا الطابلة ودارو فينا قانون الاولوية للتخصص الثاهي هل فهمت الان بيروقراطية بتوقيع قانوني
|
|||||
|
2013-11-03, 23:21
|
رقم المشاركة : 2 | ||||
|
اقتباس:
شغل بغاو يديرو فيكم خير امبعدا بطلوا خخخخ . لا اسمحيلي اختي السطايفية انتوما حالة خاصة . تخصص مهني نورمالمو كنتوا عارفين بلي مكانش ماستر بصح نورمالموا ادا كان تخصص الاخر حتى هما ليسانس مهني مايحلولهمش باش يكون كاين هناك تساوي الفرص بصح على مادا نتكلم ؟؟ تساوي الفرص ؟؟ فنحن لسنا في اوروبا . يعني ما تفهم والو كاين اختلافات غي فالجامعات كل احد يخدم بقوانينه وتجد اشخاص حصلوا على معدلات كبيرة في الباك يدرسون تخصصات اصحاب معدلات 10 . او قد تجد شخص تحصل على 11 في هده الولاية ودخل ماستر و شخص تحصل على 13 في ولاية اخرى ولم يسعفه الحظ للدخول للماستر نظرا لان هناك عدد كبير . يعني تبقى حظ ومن سوء حظكم ماحلولكمش انتم . معلييييش والله ما نهاية العالم .التخصص نتاعك مليح ومطلووووب من العامة يعني عاجلا ام ىجلا غادي يستحقوكم ويديرولكم كاش حاجة بالاك انتي تعرفي القطاع خير مني باسكو عندي معلومات سطحية زيدي حوسي وحاولي تتعلمي .. العمل و الخبرة و الاحتكاك مع العاملين هو الخبرة الحقيقية و الصح . اصبروا ربي يفرجها عليكم . وانتوما ماام مازال مالقاولكم حل يعني تدي ماستر ولا ليسانس غير كيف كيف في المجال الوظيفي . |
||||
|
2013-11-04, 11:24
|
رقم المشاركة : 3 | ||||
|
اقتباس:
+ ياسيدي قلت ليسانس مهني اوك نمشي معاك في الفكرة وبلي معدناش حق في ماستر اكاديمي علاش محلوناش ماستر مهني كيما دارو للتخصص الاخر ولا هوما طلبة وحنا متشردين ولي تغيضك انو نهار قالونا ادخلو التخصص طلبوا لكلاسمون واحسن طلبة الدفعة دخلوه يعني لبلاد تحوس تعدل التعليم ولا تفسدوا لانو اذا احسن طلبة الدفعة يرماو برا شكون لي يكمل + قلتو بلي تخصصنا حالة خاصة في التعليم نروح لطلبة الاعلام الالي والرياضيات وعلوم المادة ثلثا تخصصات في الل م د نورمالمن يدخلو الماستر بلكلاسمون تاع ثلاث سنوات لانو القانون العام لل م د ينص على هذا لكن هوما دارولهم مسابقة على اساس قانون داخيلي لللفاكيلتي تاع العلوم المهندس كيفاش يديرو قانون يتناقض مع القانون الوزاري العام ارواح انت وحلها + علاش اي حاجة تصرا في بلاد نقولو حظ لا مش حظ اخي ياسين بل تلاعب بالقوانين من طرف ايادي تدعي انها طاقم متحضر ومتعلم + تخصصي الحمد لله راضية عليه ومندمتش اني درتو والحمد لله قريتو من قلبي وبلاك انت علابالك وشحال ساكريفيت على جالو وكون معطاوناش ماستر بلا ظلم كنت نتقبل الامر عادي لكن لي مش عادي انك لما تخرج وطالب بحقك بطرق حضارية يخرجو فيك قانون لا اسا له من الصحة ومخالف لقانون ال م د العام و يقول عليك كريمينال ويقول لطلبة لي مزالو يقراو متبعوهمش معندهمش نيفو وراهم مش مطالعين على القوانين وحاابين يغلطوكم وانهم من اسر متخلفة لانهم مراحوش يكملو في وهران انا تفورميت في سطيف ومن حقي تحلي ماستر في سطيف وعلاش نروح لجامعة وهران ونعاود نفس لقراية لي قريتها في لاليسونس ولبير لي زادت تمت علينا وزارة الصحة معلابالهاش مام با واش قرينا واش تفورمينا دارت فينا قانون بلي ممنوع علينا لاقريمون لانو حنا مناش تخصص طبي مالا كي حنا مناش تخصص طبي وشا قرينا 3 سنين ولا كنا نروح نزورو حيوط الجامعة ونكتبو عليها ابيات شعر في الاطلال + بلاك وجعتلكم راسكم بتخصصي حسبنا الله ونعم الوكيل |
||||
|
2013-11-04, 14:50
|
رقم المشاركة : 4 | ||||
|
اقتباس:
اخت سطايقية حاب نقولك لا تاسفي كثيرا على الشعبة لي خيرتيها فلعله خير ان شاء الله كاين بعض الشعب في بعض الجامعات غير معترف بها في الوظيف العمومي و ما زالت لحد الساعة تدرس وهذا مما يدل ان اللي حاكمينها ................. المهم بالنسبة للتخصص نتاعك راه باذن الله تحل مشاكله و لكن كوني ديما في اتصال بالجامعات و المعاهد ممكن راح تلقاي صعوبات كبيرة و لكن شوية صبر فقط و اذا كان جديد في العاصمة هنا عندوا علاقة بالتخصص نتاعك راني نقلك ان شاء الله |
||||
|
2013-11-04, 11:36
|
رقم المشاركة : 5 | |||
|
a dollm kabir wa allah akbar |
|||
|
2013-11-04, 14:43
|
رقم المشاركة : 6 | ||||
|
اقتباس:
لا اخ هذا كلام خطير جدا منقدرش نتاكدوا منوا صح المعريفة كاينة لكن ماتوصلش انك تنجح و يقولولك اعطيينا رشوة المهم الرجاء عدم تكرار هذا الكلام من فظلك اخي |
||||
|
2013-11-04, 11:41
|
رقم المشاركة : 7 | |||
|
مكانش منها على ولات القائة بالرشاوي بكري ياخي كانت معارف |
|||
|
2013-11-05, 07:45
|
رقم المشاركة : 8 | |||
|
a dolm kabir wa allah akbar |
|||
|
2013-11-05, 16:13
|
رقم المشاركة : 9 | ||||
|
اقتباس:
واش ديري نهار تروح البيروقراطية ثما تسقم لبلاد |
||||
|
2013-11-05, 19:20
|
رقم المشاركة : 10 | ||||
|
اقتباس:
إن العبيد كلما تعب جلاد من جلدهم حملوا العصي لجلاد جديد يلهب ظهورهم اختي انتم خليتوا هذا الوضع يصرا بسبب المنظمات الطلابية لي راهي تقظي في صلاحها على ظهر الطالب انتم تصفقون و تهللون و المنظمات الطلابية تجركم و تتمسخر بيكم و انتوما تفرحوا غير للاحداث الفوضي و تحبسوا القراية راني نقول و نزيد نعاود واحد ما يبكي عليك انت اللجيبي حقك بقرايتك و بالتعب و سهر الليالي ماشي نمشي في مسيرات طلابية و التنظيمات تقضي في صلاحها راهم دايرينكم درع واش رايح نزيد نقلك ربي يوفق ان شاء الله و حكاية الاستاذة يطلب رشوة في مسابقة ماجيستر ما تزيديش تعاوديها لان كلام خطير بالتوفيق |
||||
|
2013-11-05, 16:20
|
رقم المشاركة : 11 | |||
|
مباقلي غير نقلكم ربي يجب لخير للبلاد وتسقم |
|||
| الكلمات الدلالية (Tags) |
| التعليق |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
