كيفاش نخلي السجادة او الزربية دائما نظيفة

[nono msila]

شكرا على النصائح

[ام امير]

انا عندي الزرابة في الصالون وفي غرفة القعاد اللي في الصالون ماكانش اللي يدخلوالزربية نظيفة ونفوت عليها مرة في الاسبوع ريسبيراتور يدوي صغير نوع من الشيتة ثمنه حوالي 120دج اما في غرفة الجلوس فممنوع الاكل والدراسةوالدخول بالحداء ورغم دلك اكنسها بالمكنسة العادية واغسلها كل 3اشهر وعلى فكرة الزربية الي في غرفة الجلوس عمرها 14سنة ومازالت مليحة نصيحتي فرشي الزرابي لولادك ولاسرتك لما تتوسخ اغسليها ولا تحرمي الاسرة الدفء وخاصة الشتاء على الابوب

[سيرين8]

المشاركة الأصلية كتبت بواسطة ام امير

انا عندي الزرابة في الصالون وفي غرفة القعاد اللي في الصالون ماكانش اللي يدخلوالزربية نظيفة ونفوت عليها مرة في الاسبوع ريسبيراتور يدوي صغير نوع من الشيتة ثمنه حوالي 120دج اما في غرفة الجلوس فممنوع الاكل والدراسةوالدخول بالحداء ورغم دلك اكنسها بالمكنسة العادية واغسلها كل 3اشهر وعلى فكرة الزربية الي في غرفة الجلوس عمرها 14سنة ومازالت مليحة نصيحتي فرشي الزرابي لولادك ولاسرتك لما تتوسخ اغسليها ولا تحرمي الاسرة الدفء وخاصة الشتاء على الابوب

راني مفرشتهم بالغمرمن اني حاصلة معاهم
انا مشكلتي يا اختي انو عندي الضيق عندي غير f2 وحدة غرفة نوم والاخرى دايرتها صالون وفي نفس الوقت دار قعدة يعني كلش فيها حتى الضيف الا جاء والمشكل الاكبر من هذا انو اكرمكم الله الصرف الصحي عندي فاسد ما يديش يعني مانقدرش نغسلها ديما يعني مرة كل شهرين على الاكثر على هذا نحاول لوكان نلقى طريقة نخليها نقية اكبر وقت ممكن
كما انو لافاج مهوش كامل يغسل مليح كاين اللي ينعثهالك ريحتها .................:confuse d:

[لآلئ]

السلام عليكم ورحمة الله وبركاته
السجاد كما قالت بعض الاخوات زينة الدار
انا عن نفسي مفرشتهم شتاء وصيف بباش اولادي ما يمشوش على الارض بالحفا يمشو غير فوق الزرابي ومفرشة الدار كاملة
غير مانعة الدخول بالاحذية على الكبير والصغير والضيف
واكثر حاجة مساعدتني هي الاسبيراتور انجع شيء لازالة الغبار اللي ما يقدرش ينزعو حتى الغسيل
سبحان الله لما شريته تفاجأت من مقدار الغبار الذي ينزعه
وثاني نقص عليا التسياق كل يوم والدار الحمد لله دائما وبإذن الله نظيفة
تبقى البقع والاماكن اللي تتسخ ننظفها فورا باسفجة او اجاكس مليح واذا كانت قهوة او اي سائل احضر كروانة واضعها اسفل البقة واسكب الماء حتى ينزل السائل المتسخ تماما
مع استعمال اي منظف شامبو او سائل الأواني وانظف المكان جيدا ثم اضع اسفله النشاف ليشرب باقي الماء
مع التهوية الدائمة
أعانكن الله أخواتي

[amouni amouni]

[quote=لآلئ;1054829593]السلام عليكم ورحمة الله وبركاته
السجاد كما قالت بعض الاخوات زينة الدار
انا عن نفسي مفرشتهم شتاء وصيف بباش اولادي ما يمشوش على الارض بالحفا يمشو غير فوق الزرابي ومفرشة الدار كاملة
غير مانعة الدخول بالاحذية على الكبير والصغير والضيف
واكثر حاجة مساعدتني هي الاسبيراتور انجع شيء لازالة الغبار اللي ما يقدرش ينزعو حتى الغسيل
سبحان الله لما شريته تفاجأت من مقدار الغبار الذي ينزعه
وثاني نقص عليا التسياق كل يوم والدار الحمد لله دائما وبإذن الله نظيفة
تبقى البقع والاماكن اللي تتسخ ننظفها فورا باسفجة او اجاكس مليح واذا كانت قهوة او اي سائل احضر كروانة واضعها اسفل البقة واسكب الماء حتى ينزل السائل المتسخ تماما
مع استعمال اي منظف شامبو او سائل الأواني وانظف المكان جيدا ثم اضع اسفله النشاف ليشرب باقي الماء
مع التهوية الدائمة
أعانكن الله أخواتي[/quo

اكبر مشكل في الزرابة هو الغبااااااااااااااااااااااااااااااااااااااااااااار اما الاتساخ بالشياء الاخرى فهي قليلة نسبيا اذا كنت محاذرة عليها وما تخليهمش ياكلو او يشربو فوقها يا ريت تحطيلنا صورة الريسبراتور وايضا بشحال شريتيها وواش من ماركة

[لآلئ]

اكبر مشكل في الزرابة هو الغبااااااااااااااااااااااااااااااااااااااااااااار اما الاتساخ بالشياء الاخرى فهي قليلة نسبيا اذا كنت محاذرة عليها وما تخليهمش ياكلو او يشربو فوقها يا ريت تحطيلنا صورة الريسبراتور وايضا بشحال شريتيها وواش من ماركة

هذه هي صورة الاسبيراتور نتاعي





شريته سنة 2010 ب مليون وست مئة الماركة

aspirateur samsung hepa h13 قوته 2000واط

[Omrihem]

شوفي اختي انا مرة لقيت طريقة في النت و راني جربتها وهي ناجحة لحد ما وهي تجيبي اسفنجة (بونجة) وتديري في كاش حاجة شوي ماء مع البكاربونات وتزيدلو كاش معطر موجود عندك في الدار وتشمخي الاسفنجة في هذاك الماء وتعسريها وتمسحي الزربية كلي راكي تشيتي فيها رايحا تلاحظي كمية الغبار و الشعر لي يتلايم وراح تشوفي الزربية كانها مغسولة وما ننصحك بغسيل الزرابي بزاف يفسدهم برك جربي اختي ورديلنا الخبر وانشا الله تستفادي

[ام آدم باتنة]

والله انا عندي ليسبراتور بصح ما هوش عاجبني الاستعمال انتاعو انا نفضل ننفض بصح ما عنديش وين ننفض بصح عندي طريقة مليحة وهي نحكم نشافة حاشاكم مبلولة شوية ونشف الزربية تبقى نضيفة ولماعة ان شاء الله تفيدكم

[Daylight]

شكرا لكم جميعا على النصائح

[aboayoub]

مساء النور انا الزربية كانت قاتلتني بالغيسل والعام الي فات شريتلها نيلون خشين بالميترا ينباع غلفتها كامل قعدتلي شتا كومبلي وماتوسختش

[ام ملاك.]

والله نفس المشكل حتان كرهت منها
في الصيف مانفرشهمش خلاص
بصح في الشتا لازم الارض باردة بزاف وبنتي نهار طول هي تتمرغ في الارض وتلعب
نكنسهم صباح يوميا وكي نشوفها خلاص تعمرت بالتراب ننفضها وتولي هايلة
ونغسلها حتى للصيف
خاطرش عندي 2 زربيات في نص الشتا نبدلها باش ماتفسدليش

[ام ملاك.]

نسيت نضيف حاجة كي نشوف زربيتي تغبرت بزاف وراحلها اللمعان نحكم الشيتة نتاع الحوايج وبيدون فيه الما نبلللها ونبدا نكنس فيها
تولي تشعل
وزيد تلايم كل الشعر والخيوط اللي لاسق فيها

[قطر الندى13]

مشكوووووووووورة

[جلالي بلخير]

انا نستعمل ماء وخل وبواسطة مكنسة عادية نكنس السجاد جيدا يرجع يلمع

[فانيسا]

انا احسن طريقة انك تفرشي زربية خفيفة فوق الزربية تاعك راهم النياء كامل يخدمو هكدا