التصويت لافضل طلة عيد ......خـــاص..للاطفال

[صاحب الامل]

الأطفال زينة الحياة الدنيا ..
ولأنهم يتركولنا الأثر العميق في المحبة على تفاصيل حياتنا ,
يستحقون منا إهتمام أعمق !

وبالتالي قررنا من خلال هذا العيد فتح موضوع مخصص

لاناقتهم طيلة ايام العيد

ولكن للاسف الموضوع لم ينل الاهتمام الكافي

ولكن مع ذلك نشكر الاخوات اللي وضعوا صور اولادهم او ابناء اخوتهم ...الخ

واللي ما حطش نقولو مازال الوقت لانو اخر اجل هو

الخميس قبل 20.00

وهذا الموضوع خصص للتصويت لافضل طلة

************************
والبداية مع فريولة

ايييييييييييييييه شوف شوف شوف الزين ولاطاي كيفاه
الازرق السماوي راهو خرج عليها فوووور والابتسامة الطفولية والصبيانية
الله يبااااااااارك خمسة وخموس عليك

واكيد اللي عجباتو فريولة ماذابيه يصوت عليها
هكذا باه تربح معانا








والان نكملوا مع ثاني اطلالة

للشاب الوسيم
الراجل اللي معانا
اويس
والله تقول فنان ...شوفوا شوفوا كيفاه راهو مصور ومسقم روحو
الله يبارك
ولبستو ماشاء الله تهبببببببببببل
هيا اللي حابة يجي يخطب بنتها تصوتلو من ضرك
هكذا باه يربح معانا








ونكملو اطلالة العيد الثالثة
مع سمسومة
اكيد مع نقولو سمسومة نقولوا سطايفية وكي نقولوا سطايفية نقولوا سمسومة
فهمتوا علاه
على خاطر ديما لاصقين في بعضاهم
وكل محضر يحضروا الاثنين
بصح الشيئ اللي يعجك
كي سطايفية كي سمسومة
الاثنين ديما متالقين
وسمسومة راكم تشوفو هذا الابيض مع الروز
راهي تخلي الواحد يحب يعضها واللبسة الثانية الله الله
والشيئ اللي يعجبك الوقفة نتاع فنانين
واجدين ديما

واذا عجبتكم سمسومة وباه تربح معنا صوتوا عليها







ونكمل مع الطلة الرابعة
مجموعة من الكتاكيت
الله يبارك وجوه بريئة
وكسوة جميلة
منوعة بين الاحمر والرمادي
والاسود
الله يبارك حكيمو واماني ولينا راهم فوووووور
هيا ياجماعة
هاذو راهم تلاثة ماعجبكش الاول يعجبك الثاني
ماعجبكش الثاني يعجبك الثالث
هيا صوتوا عليهم اه يربحو




والان مع الطلة الخامسة
مع براد بيت الاطفال
الشاب الوسيم والجذاب
مكسر قلوب البنات
والوقفة الله الله
انه الوسيم
عبد الرؤوف
بلا ما نكثرو
علابالي عجبكم
مالا صوتولوا




والان مع الطلة السادسة
مع الاميرة الصغيرة
دعاء
شوفوا هاذيك النظرة
suuuur راهي تقولكم
صوتولي
واذا ما صوتوليش راني نبكي
مالا غير ازرابو صوتولها




الطلة السابعة
مع العصفورة الصغيرة
الشيئ اللي يعجبني في اطفالكم
الجلسات نتاعهم
راهم يجيوها جوست جوست
هيا يا جماعة افهموا رواحكم
قبل ماتزعف منكم ماماها
صوتولها باه تربح
هديييييييييييل




والان مع الطلة الثامنة
اليوم اليوم اليوووووووم.....اليوم نديرو حالة
راهم ثلاثي
شاب وبنتين
شوفو ابتسامة انس هاذي سبيسيال للبنات معانا في المنتدى
وهازار الله يارك الموف عليها فووووور
اما الكتكوتة الصغيرة اريج
راهي تهبلللللل
هيا مالا
ازربو صوتولهم
وما تنساوش راهم ثلاثة
شوفوهم وزيدو مليح
وخمسة وخموس عليهم



والان مع الطلة التاسعة
انها الكتكوتة
ابتسام
هاذ الكتكوتة ماهيش حابة تكثر معاكم الهدرة
وقالتلكم من الاخير
صوتولي
باه نحبكم



نتابع مع الطلة العاشرة
والان مع الشلة
المتكونة من
صهيب ريان عيسى صلاح الدين ودعاء
رغم انو الملابس ماهيش باينة مليح
بصح ماعليش صوتولهم
باه يربحو
هاااا...خيرلكم...راني نحرشهم فيكم
غير صوتو
هيا ازربو




الطلة التالية وهي الحادي عشر
متميزة
لانو اطفالها راهم بالزي التقليدي
ومن صنع الوالدة نتاعهم
القفطان والقندورة
الله الله ....عليكم
هيااااااا يا جماعة ما تحشموهمش
وماذابيكم تصوتولهم باه يربحوا
ريحانة وادم


ونكمل مع طلة الاطفال خلال ايام العيد
مع الطلة الثانية عشر
مع الكتاكيت
نبداو مع غزلان لاطاي والحطة تقول مانكان من الكبار
وشوف شوفو مايا الحبوبة تعبتوها من لي فوطو بزاف
عفيف ...راجل نتاع الصح والقفة يا دلالي نتاع واحد بروفيسونال
تقي الدين الله الله يبارك
ربي يحفظهم كامل
واكيد اذا حبيتوهم او ما حبيتوهمش
لازم تصوتولهم
وعلابالي راهم عجبوكم
مالا ازربو صوتوا وش تستناو



الطلة الثالثة عشر
مع الكتكوتة الاء
الااء الله يبارك jube jeans
والبراءة باينة على وجهها البريئ
ربي يحفظها ان شاء الله
هيا ازربو ازربو ازربو
صوتوووووولها
بزاااااااااف راهي حابة تربح



والختام اكيد مع الطلة رقم 14
مع البطل محمد امين
ومحمد امين عندو ميزة وهي لاكوب نتاع شعرو
يعني راهو مميز بين صحابو كامل
سوووووور ماراحش تتخلطو فيه
وتصوتولو
مالا ازربو
صوتوا للحبوب محمد امين

في انتظار بقية الصور
يرجى ارسالها قبل 20.00 من نهاراليوم




*******************************
*******************
*********
*****
**
*
اما التصويت
فسيكون كالتالي

يتم التصويت لطفلين بدل واحد

يعني ممكن نصوت لاويس وسمسومة
او مثلا ابتسام واريج

والتصويت يكون عن طريق ارسال رسالة خاصة الى المشرف
omar007
يتم كتابة فيها الاسماء الي صوتوا عليها