عشا نهار العيد الاضحى - الصفحة 2

مرام 1987 · 2013-10-09, 13:06

السلام عليكم
أختي تقصدي نهار الذبيحة؟؟؟
حنا في الغدا نقلوا الكبدة والرية والقلب ولعشيا في العشا نزيدو نقلوا لي بقا منهم وبالاك نديرو بربوشة تاع المزيت يمييييييييييي تهبل تهبل ضرك نحطلك صورتها إذا ما تعرفيهاش

mereyoucef · 2013-10-09, 13:12

لا اختي مانعرفهاش و في الاصل اهل زوجي من شرشال وهما عوايدهم يديرو الرشتة بالعصبان في الحقيقة اكلة غريبة وانا ماقدرتش ناكلها خلاص لدا حبيت اندير حاجة اخرى

ام محمد انيس · 2013-10-09, 15:25

حنا في النهار نديرو الملفوف الكبدة داخل الشحم على الجمر + الدوارة مقلية في الكوكوط تجي روعة + سلاطة و في العشاء نديرو اللحم محمر في الكوشة مع البطاطا مقلية او لابيري
صحا عيدكم مسبقا

ام اريام · 2014-08-28, 11:14

اختي الكريمة حنا في الغداء نديرو مفرمسة ولا شخشوخة وفي العشاء نطيبو بوزلوف ونقليو الكبدة
صح قريب يلحق العيد الكبير وقتاش صمنا وقتاش جا العيد الكبير الايام تجري سعدك يا فاعل الخير

مرام 1987 · 2013-10-09, 13:13

هاذي هي بربوشة المزيت تهبل تهبل باللحم تاع الخروف يمممممممم

laila amouna · 2013-10-09, 14:39

حنا نديرو اللحم في اللكوشة

أم ماجد · 2013-10-09, 15:23

اول يوم نديرو الشوا في الليل
لحم مشوي
وفي الغدا كبدة مقلية مع القلب والكلى و
واليوم الثاني كسكس باللحم

غزة في عيوني · 2013-10-09, 15:30

كل عام وانتم بخير حنا نهار العيد نديرو الكبدة كيما كامل الجزائريين وفي العشا نديرو الشواء نتاع الطاجين

الأمنيات · 2013-10-09, 15:31

انا في الغدا ندير الكسكس الطعام بالمرقه واللحم
العشاء ندير مشوي وممكن نغير حسب الظروف
البوزلوف مانديرهش حتى واحد ما ياكله

mereyoucef · 2013-10-09, 15:47

لكن انا نعرف انو في نهار الدبيحة اللحم مايتكلش لازم انعلقو الكبش باش يقطر مليح من الدم و غدوى انقطعوه و انطيبوه

مرام 1987 · 2013-10-09, 15:53

اقتباس:

المشاركة الأصلية كتبت بواسطة mereyoucef

لكن انا نعرف انو في نهار الدبيحة اللحم مايتكلش لازم انعلقو الكبش باش يقطر مليح من الدم و غدوى انقطعوه و انطيبوه

ايه أختي يقولو لازم حتى تنشف بصح احنا كنا ما نطيبوش في النهار الأول اللحم ما يا كلوهاش يكونوا شبعانين ناكلوا غير الكبدة والرية والقلب والطحال بصح العام لي فاتقطيبنا البربوشة في الليل ونص خاوتي ما كلاوهاش يحبو المقلي برك هههههههه ربي يدخلو علينا بالصحة والهنا ان شاء الله.

بريق الامل& · 2013-10-09, 16:12

كل عام وانتم بخير
الغداء دوارة مقلية وملفوف ولعشا
زلوف نفورو بالثوم والكمون والملح
والكتف الايمن في الفور وسلاطة خضرا بالبصلة ومطلوع نعجن من صبا ح وللغدا ولعشا
اليوم الثاني شوا على لفحم غدا
ولعشا عصبان اوكفتة مشوية

hadjer mascara · 2013-10-09, 17:12

سلام عليكم
بحكم أننا من الغرب. إذن من عاداتنا نديروا الشواء في الفطور.
أما العشاء. اناا نتعشاا في بيت شيخي ههههههه. محمر او حميس (مرقة بالحمص و اللحم)

meryem rose · 2013-10-09, 17:20

نديرو بوزلوف و المخ بلاصوص طوماط

الدنيا · 2013-10-09, 17:22

احنا نديرو في النهار المقلي و المشوي و الملفوف
بشرط يكون في مجمر تاع نار و فوق سطح البيت هذيك العادة هههههه
و الليل العصبان