لا صوت يعلو فوق صوت.................

[طارق القبطان]

المشاركة الأصلية كتبت بواسطة amal jijel

السلام عليكم ورحمة الله وبركاته :

" إقتربت الساعة وانشق القمر "والله يا أخي نور الدين لا تتصور حالتي راني نستنى بفارغ الصبر حتى هذه الساعات راهي تمشي ببطىء كبير و8:30 ماحباش تلحق في رأيك الجزيرة الرياضية رايحة تحط الماتش ويعلق عليه حفيظ ولا لا يا لوكان يخدموها يديروا فينا الخير خاطر التعليق التاعنا حالتو حاله أنا في ليماتش نخاف بزاف من الدقايق الأخيرة كيما صرى في تونس مع الفريق التاعنا محبتش نكمل الماتش مي هاذي المرة رايحة نكملو كامل حتى ولو كلفني سكتة قلبية الإذاعة تاعنا من الصباح وهي تديع في الأغاني الرياضية والعلامات راهم معلقين في السيارات والحيطان في كل بلاصة برك راهم يستناو وقتاش يربحوا وإن شاء الله يكون ربي معاهم ومايخدموش كيما كل مرة كل واحد يديه الغرور ويحوس هو لي يدخل ربي يوفقهم ويفرحهم ويفرحنا يارب شكرا لك لأنك فتحت لنا صفحتك نخط عليها خواطرنا في هذه الساعات القليلة على موعد المقابلة آسفة لأني أطلت الكلام .

ياو الماتش مستخيل تنقلوا الجزيرة الرياضية لأن آرتي تحتكر نقل مباريات التصفيات الخاصة بمنطقة إفريقيا
ينعتوه غير في الجزاير وآرتي ومصر ممكن الأأرضية عندهم

[صالح القسنطيني]

[chouan]

أخشى أن تنقلب الأمور ..
صراحة ثقتي في المنتخب الوطني ليست كبيرة جدا ..
ومع ذلك كلي حواس صاغية .. للترقب المكثف ..

[طارق القبطان]

واش صالح راها عجباتك تاع جمهور النار والإنتصار
آلي يييييييي آاييييييييييييييييييييييي مطمور زيانيييي
يالشبكاااااااااااااااااا يا بوعزةةةةةةةةةةةةةةةةةةةة
مع المصري عقلية دبزة يالربحة ولا القيرةةةةةةةةةةة

[صالح القسنطيني]

ههههههههههههههههههههههههههه

لالا شريكي خوك خطيه الغاني مطلقا و خاصة مثل هذه الأغاني نارية


و اك تعرفني منيش مريض بالبالو غير المنتخب

بصح خبرني كفاه تخلفت و مرحت للبليدة


انا امس خبرني واحد قالي تذكرة جد غالية البارح فاتت 200 الف معرف اذا صح و لا لا

[س..ع..ي..د]

الربحا لينا ان شاء الله وانا راني وجدت العلامات نتاع الجزائر والسيارة جاهزة ناقص غير تصفيرة الحكم والفوز فقط ونرج لعهد الافراح كيف زمااااااااااااااااااااان

[طارق القبطان]

المشاركة الأصلية كتبت بواسطة صالح القسنطيني

ههههههههههههههههههههههههههه

لالا شريكي خوك خطيه الغاني مطلقا و خاصة مثل هذه الأغاني نارية


و اك تعرفني منيش مريض بالبالو غير المنتخب

بصح خبرني كفاه تخلفت و مرحت للبليدة


انا امس خبرني واحد قالي تذكرة جد غالية البارح فاتت 200 الف معرف اذا صح و لا لا

عندي سانتاز غدوة يبدى
بالنسبة للتذكرة تكون 200ألف عادي جدا
هنا في سطيف في نهائي كأس العرب مع الفيصلي الأردني
تباعت مابين 120ألف إلى 250ألف والناس اللي جاو من الولايات الأخرى هما اللي شراوها بهذا المبلغ
انا نشري المسكاني برك ههههههه

[صالح القسنطيني]

ههههههههههههههههه

واش يا سعيد اك زاهي يا ربي و دوم فرحة تاعنا

انا و الله عندي أمل و احساسا بلي نربحو


و انت يا شريكي انا غدوة و الله عندي امتحان و الله لحد ساعة مشت فيه شيء

و كون نخسرو علبالي بلي روح نجيب 00 و نرجع هههههههههههههه

مخلي حتى لليل و راجع يا ربي نربحو باه راجع و انا فرحان هههههه

[وردة الجزائر كوثورة]

الجزائر الجزائر
والله ما لقيت ما نهدر وما لقيتش كيفاش نعبر

[صالح القسنطيني]

قادر يفوت واحد يقرا واش نكتبو يقول هذو مجانين

و حنا قاعدين نعبرو على شعورنا و ما فتانين

يا ربي و نربحو و نعشوا كلنا زاهيين

و لمصاروة خاوتنا و منا لهم معاديين

بصح نحب فوز بلادي و رايتنا ترفع و حنا عاليين

يا ربي و نربحو و نزهو و نشعوا فرحانين

نفرحو من الشرق للغرب كبار و صيبان

[المهندس79]

انشاء الله خير

[نورالدين17]

واش راه داير المورال نتاعكم انا الخلعة بدات تحكم في......................

[س..ع..ي..د]

وشحال تتوقعو النتيجة ؟؟؟؟؟

[نورالدين17]

1-0........................ان شاء الله

بصح راني مقلق التلفزيون الجزائري لا تحليل ولا استوديو ........ولا هم يحزنون

[ratibal]

ههههههههههههههههههههههههههه ياك انا فرحانة
وراني ندير في البسبوسة باه نكلوها في السهرة تاع الماتش
ربي يفرحونا ان شاء الله
وتفرحوا كامل
راهم بقاو 2 سوايع برك
ربي يلطف
في قسنطينة الدنيا رايحة تقلب