ادخلوا كلكم - الصفحة 2

bill02 · 2013-09-27, 23:29

فعلا اختي بين الحقيقة و السراب بارك الله فيك حتى انا لفت انتباهي هذا الاسم بين الحقيقة و السراب ههههههههههههه

orkidah25 · 2013-09-29, 23:10

حبيبتي انا نقولك حاجة صغيرة ....ما ندخلكش في الدين و علم النفس او شي آخر.....حطي في بالك انك في اخر السنة عند ظهور نتئج البكالوريا رايحة اما تذوقي طعم اكبر سعادة في الحياة الدراسية و اعظم سعادة في العائلة خاصة الوالدين....مكانش احساس يعادل الفرحة تاع الباك....و لكن......امممممممممممممممم كون تخسري الباك ما نقدرش نوصفلك الحسرة و الحزن اللي رايحة تحسي بيه و الكسر اللي تشوفيه في قلوب والديك خاصة كي تشوفي صحاباتك نجحو. البنت تقرا باش تتربى لان العلم تربية و باش تعلي قدرها و قيمتها لاداعي ان تثيري اهتمام الشاب كوني غالية بعلمك و تربيتك و فخرك بنفسك و هو وحدو ينتبه ليك...و ثاني ماكيش في وقت و عمر الحب لانك مع الزمن و التجارب اللي رايحة تمري بيها رايحة تعرفي ان هناك امور اهم من هذا.....استدركي اللي فات لان الباك توجديلو يوميا كون تتاخري يوم يروحلك الخيط....ربي يقدرك...و يسترك.ويوفقك.

bill02 · 2013-09-29, 23:17

نعم الاخت من قسنطينة بارك الله فيك كلام في محلو و زيد لوكان ما تجيبيش لباك الناس يصيبو لك سبة و يهدموك نفسيا خليك من الخرافات اختي العلم هو الصح وو الله و الله هاذي الامور و العلاقات ما فيها فائدة اصلا كزملاء في الدراسة عادي لكن ان تدخلي في تمور و تروحي بعيد رايحة تخسري كل شي و كي تولي بدارك صحاباتك كل وحدة وين وصلت و انتي برك تقلقتي اقراااااااااااااااااااااااااااااااااااااااااااااي اختي اقراااااااااااااااااااااااااااااااي و نزعيه من بالك

ilbeldelmondo · 2013-09-29, 23:55

دخلت لهذا القسم و قريب نبكي على اولاد الجزائر غير الحب و العشق و تزيدو تسميواه مشكل المشكل انك تضيعي الباك المشكل انك ضعيفة قدام شيطان الحب الغبي نحي عليك هذه التفاهات في الليسي وين تعرفو واش معناه حب زعمة و تحابيتو ما المغزى زوااااااج بدون باك
يوما ما راح تموتي على روحك بالضحك على هذه الايام اذا ديتي باك
او تبكي اذا رسبتي خلي شبابك ذكريات جميلة احسن اتلاقاي صديقاتك اضحكن العبن ادرسن و تقربن من الله عيشي عمرك أختي
هذه الحلة لي تصيبك كي تشوفيه هي ردة فعل تعود عقلك فعلها المرة القادمة كي تشوفيه قولي في نفسك هو مثل كل التلاميذ 10 مرات بنظرة كيما تشوفي بيها الكل حتى توالفي

yousra14 · 2013-09-30, 08:44

لو كنت أمامي لأعطيتك كفاّااااااا أي سقلة أو ضربة على وجهك كي تستفيقي أنت تائهة وستستفيقين عندما تسمعين الزغاريد في بيوت الناجحين نهاية السنة لحظتها ستبكين بدل الدموع الدم وقوليلو تعالى امسح دموعي .وطبعا لن يأت لانه سيكون في الجامعة يدرس .......

كادي12 · 2013-09-30, 09:02

الوقت يمر بسرعة والبكالوريا بعد اشهر معدودات استغلي وقتك في بناء مستقبلك وربي يوففقك انشاء الله

bill02 · 2013-09-30, 09:30

شفتي اختي يسرى و الله غير عندك الحق مسكينة راهي راقدة و ستندم و تبكي الدم و من بعد و ليس الدموووووووووووووووووووووع