ما رأيكم هل أتركه - الصفحة 2

النجمة القطبية · 2013-09-17, 20:57

اقتباس:

المشاركة الأصلية كتبت بواسطة نسائم الهدى

السلام عليكم
بدون اطالة و كثرة كلام
بكل بساطة تأخر الحمل عندي
فذهبت للطبيبة وبعد تحاليل وتحاليل وتحاليل
حتى فلست راجلي مسكين
قالتلي الطبيبة صعييييب باش نحمل
نسبة امكانية الحمل عندي 11 حتى 15 بالمئة
راجلي ما قالي والو استغفر وحمد الله و خلاص
مي انا قلتلوا نعطيك الحرية تتزوج
و بما انوا ما يقدرش على فتح بيتين
اذا ننفصلو و يتزوج من اخرى
هو قال لي
لوكان تروحي و تخليني نهبل والله غير نهبل ولكن انا لا اريد ان اظلمه معي
لديه الحق في ان يصبح اب
لديه الحق في ان يكون لديه ولد من صلبه
لديه الحق في ان يكون له خلف صالح يذكر به
ما رأيكم إخوتي وأخواتي
هل اتركه حتى لو لم يقبل بذلك؟
ام ابقى معه حتى يمل مني و يتركني هو؟
و في الحقيقة انا اكيييدة بأنه لن يفعلها
فماذا أفعل
ساعدوني
و بارك الله فيكم جميعا
سلام

السلام عليكم ورحمة الله وبركاته
واش راكي صديقتي
موضوعك حيرني عليك ولو انو الثقة فى الله سبحانه وتعالى انو ربي يرزق والحمد لله
اللي حيرنى شوية تفكيرك بهذه السلبية واستعجالك
اولا انتى على حد علمي مكملتيش عام زواج يعني يا اختى بسم الله حتى علميا وطبيا منحكموش على الامر حتى بعد سنتين على الاقل
ثانيا حكاية كلام الاطباء ننصحك متبعيش عند طبيب واحد ومتسمعيش كلام اي واحد انا عندى خالتى كان عندها اربع اشهر برك زوج صرالها نفس الموضوع مع الطبيبة وشهر بالضبط بعدها كانت حامل فى المولود الاول ثم الثاني والحمد لله
يعني يا حبيبتى لازم تفكري بايجابية وتحوسي على الحلول مباشرة وانتى ايضا من حقك تكوني ام لاولاد وحتى لو العملية تكلف بزاف من حقك وتستاهلي اكثر يا حبيبتى بنات الفاميلية يتلقاو دايما ولا واش
يعنى التفكير فى الانفصال او الزواج الثاني سابق لاوانه واصلا مش راح يكون قرارك يعني اصلا الرجل راح يفكر فى نفسه متخافيش
يا حبيبتى فكري فى نفسك ورحمة ربي واسعة وابدي خطوات العلاج والحمد لله عندك امل والثقة فى ربي سبحانو
ومتكبريهاش لو كان كل واحد يتزوج بواحدة متولدش من العام الاول يطلقها او يتزوج عليها واش يبقى
عندك وقت باذن الله وربي راح يرزقكم ولازم توقفى مع زوجك وقفة ايجابية والحمد لله انه يحبك مالا كوني فىمستوى الثقة والحب اللي عطاهملك واحمدى ربي على النعمة وبعدي على الافكار السلبية
وربي يفرحك

* الحلم سكر * · 2013-09-17, 21:17

توثقي في رحمة ربي سبحانه و في قدرته و تصبري مع زوجك و ترفع يديك تدعي الكريم من فضله هوما قالو الأمل 11-15 " مع انها جاجة ايجابية " مي نقلك 100 بال 100 ربي سبحانه قادر على كل شيء
حبيبة خليك ايجابية خذي بالأسباب و ان شاء الله يا رب تفرحي و تفرج ربي سبحانه اذا قال للشيء كن فيكون
نأكدلك عن تجربة الصدقة و الدعاء تفتح فعلا ابواب سبحان الكريم ما أعظمه
ربي معاك و امانة راح ندعيلك فقط اياك تجزعي و تخلي الشيطان يأسك رحمة رب العالمين اصبري و ادعي و راح تفرج باذن الرحمن
ربي معاك

محمد جديدي التبسي · 2013-09-17, 22:07

اصبري واسع لأن تخطبي له أفضل من أن تطلبي الإنفصال
أعرف رجلا من الإخوة هنا تزوج فتاة لم تنجب لفترة فثنى بأخرى فأنجبتا في عام واحد وصار لكل منهما أولاد وهو بخير حال وليس بالغني وقد سافر بأسرته وأبنائه الصغارإلى اليمن لطلب العلم... لذلك أختنا كريمة لا تيأسي ولا تحمّلي نفسك ما لا تطيق ولا تلومي نفسك فالأمر كله بيد الله والدعاء يغير القدر فما بالك بكلام الأطباء؟!!! ربي يفتح عليك عاجلا غير آجل

Some1 · 2013-09-17, 22:10

انت مريضة من مخك ايضا
كيفاه هو مطلبش الزواج و قالك تروحي عليا نهبل وانتي تفكري باش تروحي عليه ؟
يخي هو راضي بقضاء الله وقدره وصابر,واش تحوسي فوق هذا ؟؟
عيشو حياتكم وماتقنطوش من رحمة ربي الواسعة, الزواج مش غير باش تجيب الاولاد,وحاولي تبتعدي عن الروتين
واذا ماكانش ربيو طفل ,كفالة اليتيم فيها اجر كبير (يوجد حديث شريف)

نسائم الهدى · 2013-09-17, 22:39

السلام عليكم
بارك الله فيكم
فردا فردا
من اعرفه و من لا اعرفه
من يعرفني و من لا يعرفني
فكرت في الانفصال لان زوجي لا يقدز على فتح بيتين اولا
و ثانيا لوكان يقول لباباه بلي حب يعاود زواج
و الله غير يحفرلو في لا كاف و يدفنو
لانو زوجي قال لوالديه بلي هو اللي مريض و راه يداوي
قالي هكدا خير نعرفي النسا و نخاف يما تقيسك بالكلام ولا توجعك ولا تمعني عليك
يعني كي قاللها بلي هو السبب راهي شايفتني بطلة و بنت فاميليا
الله يستر ادا عرفت الصح
و بخصوص كفالة يتيم
انا عايشة في فيلا وحدة مع اهل زوجي
و نعرف ناس كفلو يتيم و اهل الزوج عقدوهم
ربما ادا سكنا وحدنا في يوم من الايام
عذرا منكم اخوتي و اخواتي
النت راه ثقيل بزاااااااااااااااااف
و بالسيف باش كتبت هدا الرد
بارك الله فيكم
وجزاكم كل الخير
لان كلامكم رفع معنوياتي و واساني بعض الشيء
سلام

داعي الله ياسين · 2013-09-17, 22:54

سلام الله كريمة

راني فتحت موضوعك مع خالي " الإمام " وهو ماش مفتي ولكنه نــاقل للفتوى وقالّي منردّش عليك دوكا هو يستشير المجتهدين في الفتوى

يعني غدوة بإدن الله راح يفتيني في أمرك ... وقتلو أن زوجها راض عليها يعني لم يوافق بالطلاق

غدوة أخت كريمة وإدا فيها امتناع عن تفكيرك عليكي بالطاعة ورب هو علاّم الغيوب ومسيّر الأمور ومغيّر الأحوال

رب يجعل خير أن شاء الله ...............

راجي عفو ربه · 2013-09-17, 23:19

اللهم يارب السماوات والأرض يامن بيده ملكوت كل شئ ،اللهم إن كنت تعلم أن هذين الزوجين متحابين حق الحب فارزقهما ذرية صالحة تمتن علاقة الحب بينهما ،وإن كنت تعلم أن أحدهما لا يحب الآخر ففرق بينهما بما هو في صالحهما

ilosa23 · 2013-09-18, 00:09

اقتباس:

المشاركة الأصلية كتبت بواسطة نسائم الهدى

السلام عليكم
بدون اطالة و كثرة كلام
بكل بساطة تأخر الحمل عندي
فذهبت للطبيبة وبعد تحاليل وتحاليل وتحاليل
حتى فلست راجلي مسكين
قالتلي الطبيبة صعييييب باش نحمل
نسبة امكانية الحمل عندي 11 حتى 15 بالمئة
راجلي ما قالي والو استغفر وحمد الله و خلاص
مي انا قلتلوا نعطيك الحرية تتزوج
و بما انوا ما يقدرش على فتح بيتين
اذا ننفصلو و يتزوج من اخرى
هو قال لي
لوكان تروحي و تخليني نهبل والله غير نهبل ولكن انا لا اريد ان اظلمه معي
لديه الحق في ان يصبح اب
لديه الحق في ان يكون لديه ولد من صلبه
لديه الحق في ان يكون له خلف صالح يذكر به
ما رأيكم إخوتي وأخواتي
هل اتركه حتى لو لم يقبل بذلك؟
ام ابقى معه حتى يمل مني و يتركني هو؟
و في الحقيقة انا اكيييدة بأنه لن يفعلها
فماذا أفعل
ساعدوني
و بارك الله فيكم جميعا
سلام

اختي اتصلي بي على الخاص
عندي كلام مهم نقولهولك

قَاسِمٌ.قَاسِم · 2013-09-18, 00:22

اقتباس:

المشاركة الأصلية كتبت بواسطة نسائم الهدى

بارك الله فيكم اخوتي و اخواتيو
مي انا لوكان جات منو نقبل بيه و نصبر معاه
مي كي عاد البروبلام فيا انا ننفصلوا دركة بيد ما راه صغير
و يعاود يبني حياتو من جديد
و بخصوص التلقيح الصناعي
تعرفي اختي كم سيدفع من اجل ذلك؟
20 مليون
10 ملايين للحقن والدواء
و 10 ملايين للعملية
ماشي 20 مليون يعاود يتزوج بيهم ويجيب 10 اولاد؟

سبحان الله
وما أدراك أن الزوجة الجديدة ستنجب؟!!

tarek1987 · 2013-09-18, 00:38

صبر جميل ......ودعاء لرب السماء .....ولا تتخدي قرار قد تندمين عليه فعين العقل ان تتبعي راي زوجك ....والله يرزقك النين والبنات اجلا ان شاء الله

عبد الله 22 · 2013-09-18, 08:21

السلام عليكم ياخت الله يلطف بكم، صبرا جميل، طبية قالت احتمال 11و 15 بالمئة باختي كاين لقالوا الطبيب ماعندكش أمل بصحة دار الامل في الله يأخت حاولي مع الادوية الشعبية والادوية الطبية المهم الياس مايحب حتي حل ، وعودي دئما تجديد ظنك بالله لآن الانسان مرات يضعف ويحتاج الدعم والله يرزقكم إن شاء الله بالذرية الصالحة

اِشراقـة أمل · 2013-09-18, 08:35

السّلام عليكم
الصّبر فهذا إمتحان
الله يفرّج عليك
ويرزقك الذريّة الطيّبة
أكثري من الدّعاء

zaki4 · 2013-09-18, 08:52

اكثري الاستغفار فهو قال لك 15/100 وليس انك عاقر

safa beng · 2013-09-18, 09:15

اْختاه عليك بالدعاء تقني بالايجابة

أم رومان · 2013-09-18, 09:19

meme لوكان الطبيبة قاتلك 1% مالازمش تفقدي الأمل فما أدراك ب 15%؟؟!!!!
اسألي الله الذي لا يعجزه شيء في الأرض ولا في السماء اسأليه وأنت موقنة بالاجابة .. إذا أراد أمرا إنما يقول له كن فيكون .. ألحي عليه بالدعاء
هناك مقطع في اليوتوب للشيخ المغامسي يحكي تجربته مع الانجاب (لا أستطيع وضع الرابط)
ابحثي عنه (تجربة المغامسي مع الانجاب) .. يقول فيها أنه حرم من الذرية 4 سنوات ..فاكتشف الرقم 40 في القرآن فكرر هذا الدعاء في سجوده 40 مرة ( رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ )

فرزق بعدها ،والكثير جربها ونجحت معهم ..

أسأل الله أن يرزقك عاجلا غير آجل.