تم قبولي في المدرسة العليا - الصفحة 2

بهجة الزمان · 2013-09-16, 18:58

سلام...
مبروك ...بصح دير في بالك بي راك بالمعريفة ديت بلاصة واحد أحق منك أن يدخل المدرسة العليا ...
وش تحب نقولك ...هاذي هي حال بلادنا

sehamralin · 2013-09-16, 19:05

ما تقولش الحمد لله ...قول استغفر الله راك واعي وعارف ورضيت بالظلم ....خمم غدوة ربي مايبركلكش في رزقك وتوكل اولادك الحرام وتدي ذنوب وذنوب انا جبت لامويان 11 وعندي خالتي اشتاذة جامعية كانت راح تدخلني لغات في الجزائر معدل 13.82 وصدقني ماقبلتش باسكو نخاف ندي بلاصت انسان اقرا وتعب خيرمني وقررت نعاود الباك ليبر ونتوكل على ربي
خمم مليح وربي يهدي ماخلق

sehamralin · 2013-09-16, 19:10

ما تقولش الحمد لله ...قول استغفر الله راك واعي وعارف ورضيت بالظلم ....خمم غدوة ربي مايبركلكش في رزقك وتوكل اولادك الحرام وتدي ذنوب وذنوب انا جبت لامويان 11 وعندي خالتي اشتاذة جامعية كانت راح تدخلني لغات في الجزائر معدل 13.82 وصدقني ماقبلتش باسكو نخاف ندي بلاصت انسان اقرا وتعب خيرمني وقررت نعاود الباك ليبر ونتوكل على ربي
خمم مليح وربي يهدي ماخلق

Tawba_19 · 2013-09-16, 20:02

مبروك عليك اخي صح حبذا لو دخلتها بعرقك و لكن ممكن انت تكون تعبت و هذاك ماقدرت تجيب و كيما يقول البير كامو لاتحكم على اختياراتي اذا لم تعرف اسبابي و لا تحكم على اسبابي اذا لم تعش حياتي المهم انت ادرى بنفسك
بالتوفيق للجميع

Soleil Soleil · 2013-09-16, 20:43

أول حاجة نقولهالك هي مبروك عليك خويا مام يكون معدلك صغير ما هوش تاع مدرسة عليا مي نورمال أنت زير روحك برك وراح

تكون استاذ ناجح في المستقبل ان شاء الله.....
الحاجة الثانية اللي حابة نقولها هي يا خاوتي ما تلموهش هو ....البروبلام ماشي فيه البروبلام فاللي شادين البلاد و قاعدين يخدموا بالمعريفة و التمسخير ...علبالي بلي كاين عباد يستاهلو كثر منو مي الله غالب هذا ما كتب ربي ....بالاك حتى هو يكون قرا و تعب ووجد روحو مليح للباك و كان معول على معدل مليح مي ما توفقش و جاب هذا المعدل 10و ربي بغا يعوضو سهلو فالدخول للمدرسة العليا....كل واحد و الظروف تاعو حنا ما علابالنا في حتا واحد كيفاه راهو عايش ولا كيفاه فات عليه هذا العام تاع الباك المهم مام انا وحدة ملي ما حالفهمش الحظ لا في معدل مليح فالباك ولا في توجيه مليح ذرك فالجامعة ...انا وحدة تعبت و قريت و كنت معولة على معدل كبير مي ما كتبش ربي و جبت غير 14.14 هذا المعدل اللي حرمني ندخل و لو حتى جراحة اسنان ولا مدرسة عليا في قسنطينة و راني ضركا في رياضيات و اعلام الي مع جماعة 10 و11 .. مانيش نستهزا بيهم مي و الله النيفو ماشي كيف كيف . الله غالب قدر الله و ما شاء فعل و نقول الحمد لله على كل حال و خلاص

بهجة الزمان · 2013-09-17, 18:03

اقتباس:

المشاركة الأصلية كتبت بواسطة sehamralin

ما تقولش الحمد لله ...قول استغفر الله راك واعي وعارف ورضيت بالظلم ....خمم غدوة ربي مايبركلكش في رزقك وتوكل اولادك الحرام وتدي ذنوب وذنوب انا جبت لامويان 11 وعندي خالتي اشتاذة جامعية كانت راح تدخلني لغات في الجزائر معدل 13.82 وصدقني ماقبلتش باسكو نخاف ندي بلاصت انسان اقرا وتعب خيرمني وقررت نعاود الباك ليبر ونتوكل على ربي
خمم مليح وربي يهدي ماخلق

سلام ..
ديري في بالك ختي بلي درتيه هو الصح ...ربي يوفقك ان شاء الله و تجيب الباك بتفوق و تخيري التخصص لي حبيتيه
تحياتي

نتــــــــــاشا · 2013-09-17, 20:49

bs7teeeeeeeeeeeeeeek kho wlh mn 9elbi

JILNAR-16 · 2013-09-17, 21:29

مبروك لاجيال المستقبل معلم مثلك انتظر بفارغ الصبر كيف ستعطيهم محاضرات حول عدم الغش في الامتحان بينما انت كلك مغشوش