خطيبي هو مشكلتي

[الفاتحة]

حاولي تفهمي منو السبب وإن قال لتجنب المشاكل قولي له سنتكلم في حدود المعقول يعني فقط بما فيه الكفاية ليتعارف أحدكما على الآخر بما يسمح للتوافق فقط وحاولي أن تسألي عنه أكثر فقد يكون صعب جدا لدرجة أنه لن يستطيع التفاهم معك أما مسألة الاهمال فلا أظن والله أعلم

[محمد جديدي التبسي]

الله يهديك هناك رجال كثيرون مثله وأتمنى أن أكون مثله وأوَفق هكذا
لا تكثري من التساؤول والالحاح ان كان الرجل على دين وخلق فالمفروض أن لا ينجر للحديث في الهاتف ولو لدقائق معدودات
يوجد أناس معقدون من الهاتف أنا مثلا كلما يتصل بي أحد أقلق ولا احب سماع صوت رنينه خاصة المكالمات التي تطول وفيها الأخذ والرد والقيل والقال أغلبها يزيد في المشاكل لذلك ابق هانية وكلكما شوق لما بعد الزواج كما نصحك أخي داعي الله ياسين مشكورا

[ASYA84]

اختي العزيزة خطيبك فقط من النوع الحشششششششششششام بزاف هذه هي عقليتو انت قلبتيها مشكل و فكرت تفسخي ووو.... واحد يقولك منافق لا حول ولا قوة الا بالله ربي يهديك و علاه تاع بكري كانو ما يعرفوش التيليفون هذا خلاص و تزوجو نورمال وعايشين لاباس عليهم و بيناتهم الاحترام خير من تاع ذرك وانا عندي صحبتي محامية قاتلي حالات الطلاق راه قاعدة تزيد غير بسبب حكايات التيليفون ننصحك ما تزيديش تقوليلو نحكي معاك في التيليفون يقول عليك ملهوفة عليه او مالفة تحكي في التيليفون (لا سمح الله) اذا بغى يحكي معاك احكي معاه و اذا ما حبش براحتو و ماهيش سبة باه تخليك تفسخي لانو عند ربي راح تكوني ظالماتو وما علابالكش واش كاين في قلبو ربي يهنيك اختي و ربي يكون الخير ان شاء الله امين .

[ZORRO__DZ]

الصح الصح مافهمت والوووووووو من هذا الشعب

الي يتكلم في الهاتف يقولو راك متعدي ويبدواااا سجسيو في الأحاديث والفتااوي

الي مايتكلمش يديروه معقد ويبداو ينشرو ويمنشرو

انا رأسي حبس من الشعب الجزائري خلو الناس تعيش
كامل تعرفو الدين والدينا لكن الكلام الزايد لالا

[minomido]

مشكلتنا احنا النسا اللي يقيمنا ويخاف علينا وبغينا نحوسوله اي عدر باه ما نتجاوبوش معاه يا اختي الله يهديك هدا لكان عينه في الحكايات نتاع الهاتف ميرسلش امه عندكم للدار وتخطبك وينويك للحلال هاد ناويك للمستقبل ماشي ليلة وفايتة لكان عينه في الحكايات البنات راهم يقطعو طريق وقوليلي واش ناوية تحكي معاه مثلا الا عيطلك غي الفيش حاجة متصلح وبلاك توصلو لهدرة تندمي اللي احكيتي قاع زواجك يبدا نهار تدخلي داره وهداك هو الصح اما هدرة التلفون الكدب كثر من الصح كونك واقعية وصبري حتى تدخلي لداره باه تعيشي حياتك مع الراجل اللي اختارك زوجة وتبنيها على الصح واخطيك من الخرطي واحكايات التلفون هديك خليها للبابيشات 15 او 16 راها عادا تلعب عرايس

[romina_auxanne]

سبحان الله لوكان ملاااااك ينزل من السّماء يخطبكم تشكّوا فيه

كيفاش حابِّـين تبنوا أُسَر ..

تسمحولي مي بزّاااف

سبحان الله !!!!!!!!!!
اللي ما يهدرش في الهاتف أصيح منافق !!!!
رأي شخصي فقط أختي المشاكل تحتاج عقل راجع باش نحلوها ماشي بالعاطفة وكيما جات جات

السلام عليكم و رحمة الله
اخوتي انا نصائحي تم توجيهها لصاحبة المشكلة يعني ماكاش داعي تردوا عليا انتوما
ثانيا هذا رأيي الشخصي لازم تحترموه يعني مايليقش كل واحد مانتفقوش معاه فالافكار ننزلو عليه بالتعليقات الزائدة و نحكمو عليه انو مايقدرش يبني اسرة !!!! أو انو يحكم بناء اً على العاطفة !!!!؟؟؟؟
اسمحولي مع كل احتراماتي لوكان كل اعضاء المنتدى كيما نتوما يغلقوه
صاحبة المشكلة استسمحك عذرا على هذا الازعاج
"اللهم اهدنا وثبتنا وغلبنا على شرور انفسنا يارب آمين اجمعين"

[athmen29]

المشاركة الأصلية كتبت بواسطة romina_auxanne

السلام عليكم و رحمة الله
اخوتي انا نصائحي تم توجيهها لصاحبة المشكلة يعني ماكاش داعي تردوا عليا انتوما
ثانيا هذا رأيي الشخصي لازم تحترموه يعني مايليقش كل واحد مانتفقوش معاه فالافكار ننزلو عليه بالتعليقات الزائدة و نحكمو عليه انو مايقدرش يبني اسرة !!!! أو انو يحكم بناء اً على العاطفة !!!!؟؟؟؟
اسمحولي مع كل احتراماتي لوكان كل اعضاء المنتدى كيما نتوما يغلقوه
صاحبة المشكلة استسمحك عذرا على هذا الازعاج
"اللهم اهدنا وثبتنا وغلبنا على شرور انفسنا يارب آمين اجمعين"

هذا رأي شخصي فقط، يحتمل الخطأ والصواب !!!!
" كيما نتوما" !!!!!! لم يكن هناك داعي لإستعمالها لأنكي حكمتي علنا بها
سبحان الله العظيم اسمحلي يلا كاش ما فهتي أختي والله ما ني قاصد حاجة وإن جات على غلق المنتدى أنا أتركه والله يسهلكم إن شاء الله

[athmen29]

سبحان الله العظيم

[kamel76]

اصبري . ربما يكون معه حق