المدرسة العليا للاساتذة ام بكالوريا حرة ..أجركم على الله - الصفحة 2

ratil talin · 2013-09-16, 12:16

اقتباس:

المشاركة الأصلية كتبت بواسطة hadjerelina

يا اخواتى انا تانى كيما نتوما 100/100 بعتونى للقبة ولاد فايت رانى حايرة كليم نبكى على حطى حتى انى لم اجد مع من اقيم فى لاشمبر رانى خايفة ليحطونى مع وحدا مانتفهمش معه وانتوما شاهو الرقم تاع لشمبر ليعطاوهلكم بلاك نتعاونو معا بعض ونقراوا للباك 2014 ان شاء اللة

هلا بهاجر لينا شكرا على مرورك والادلاء بدلوك في الموضوع
انا رقم غرفتي k124 ان شاء الله نلتقي

ratil talin · 2013-09-16, 12:17

اقتباس:

المشاركة الأصلية كتبت بواسطة fatat7

اختي انا مثلك تماما و فنفس الاقامة حابة نتعارفوا و نتناصحو على خاطر راني حااايرة

ان شاء الله اختي نلتقي لنرتقي بتفكيرنا عسى ان نرضى بما قدر لنا

lake Hadjira · 2013-09-16, 12:57

ربي يوفقكم انشاء الله

latifa smail · 2013-09-21, 00:41

hadjer mm ana rani kifek haba nawed bac w rani khayfa w malgitch m3amn ndir chambre rslili ton fac svvvp

warm heart · 2013-09-21, 10:12

عليك بالإستخارة وربي يوفقك

ENGLISH1lover · 2013-09-21, 10:45

عاوديه احسن وربي يوفقك العام يعقب في رمشة عين صدقيني وربي يوفقك

حساني اسامة · 2013-09-21, 11:55

انا اعطاولي بتروشيمي محروقات في بومرداس 2012
وباك 2013 اعطاولي صيدلة ولا طبيب و جراحة الاسنان بيسك كان المعدل شباب 16.96
بصح تخيلو مزال مدخلتش نقرا راهم عندي باك 2012وباك2013 مزالني قاعد حاب 2014 لازم معدل ان شاء الله 18
نتمنى لك التوفيق

REHEME · 2013-09-21, 11:55

سلام
صح راني شوي متاخرة باش شفت الموضوع تاعك بصح نقلك المدرسة العليا على طول يدير بالدمة امتحانات السداسي الثاني مع الباك باش ماكان لاه تجوزوه خاصة تاع قسنطينة
كامل كيجوزنا الباك كنا حاقرين التعليم وحالمين بكلية الطب ولو بتفرعاتها بصح ظرك الحمد لله درنا تعليم .والحق خدمة وكان فيها تعب بصح ماكانش خدمة فيها عطل وحجم ساعي متوازن شوي كيما التعليم وزيد تناسب المراة اكثر ماراكيش راح تكملي عمرك عايشة وحدة خممي شوي للقدام

* طالبة الرضى* · 2013-09-21, 11:56

سلام خيتي لعزيزة

و الله حالتي كي حالتكم و تقدرو تقولو بلي أنا مام مدرسة عليا ما صحتليش بصح قدر الله و ما شاء افعل

أنا تاني كنت نحلم بالمدسين و بارابور لمستوى الدراسي تاعي جامي لا خممت مانلحقوش بصح الخير فيما اختاره الله

انا تاني درت صلاة إستخارة و توجهت لدراسة رياضيات و إعلام آلي و راني حابة نعاود لباك حرة

و مازال حاندير صلاة إستخارة و نتوكل على ربي

كاينين لي نصحوني بالباراميديكال مي أنا مانيش مقتنعة بيها و ما راحش نقتنع

نوصيك أختي كيفي دري صلاة إستخارة و توكلي على ربي و لي فيها خير ان شاء الله يجيبها

حبيت نرد على موضوعك لي قيت فيخ ردود مشابهة لموقفنا كامل

ربي يعينا و يوفقنا و يوجهنا لكل ما فيه خير و صلاح لينا

مسلمة وأفتخر* · 2013-09-21, 16:23

الحمد لله على كل حال ، علينا أن ننظر دوما الى من هم أسوأ حالا منا ، أرجو لك التوفيق وأنصحك بصلاة الاستخارة ، أنا أيضا أعاني من مشكلة تؤرقني جدا ولم أجد لها الحل الى الان ...لكني املك لها ثقتي ربي...أنا أدرس لغة انجليزية ا ل م د ، وأريد اكمال الدراسة حتى الدكتوراه ان شاء الله ولكن لدي باك ثاني وجهوني فيه مدرسة عليا ادب عربي ، هي فيها جانب ايجابي كبير من حيث فرصة العمل وكثيرون نصحوني بها ولكني لا ارغب في ان اتخلى عن هدفي...أن أكون دكتورة في اللغة الانجليزية ان شاء الله ..انا محتارة وأرجو أن يوفقني الله لكي لا أخسر كليهما طريقة ما ...وفقك الله أختي الكريمة ...عليك بالاستخارة والدعاء

chouchita1993 · 2013-09-22, 00:34

Oukti nheb n9oulk beli 9adra t3awdi tbloki ou mateleh9ich kima sratli ana oukolchi rahou mektoub rebi ou lwahed yehmed rebi ou yerda bweh kteblou mm ana knt sakhfa 3la la médecine bseh drk ki khememt chwi lb3id tbeli lwahd maytebe3ch ghir le titre khemi fi la médecin ou te3b te3ha ou lwe9t li lazm tetkherji fih ou blasstek mbe3d

sehamralin · 2013-09-22, 09:11

اختي الحياة نعيشوها ملاة واحدة فقط مادام ماراكيش مقتنعة مشكل كبير غدوة تندمي وتقولي لوكان عاودت الباك راني طبيبة ننصحك عاوديه وبلوكي العام باش مايكونلك حتى مشكل الانسان بطبيعتو يندم على الماضي ويحن ليه دونك ابلوكي العام وركزي للباك وربي ولي التوفيق

ratil talin · 2013-09-22, 11:29

اقتباس:

المشاركة الأصلية كتبت بواسطة warm heart

عليك بالإستخارة وربي يوفقك

و نعم بالله اختي شكرا على المرور

ratil talin · 2013-09-22, 11:30

اقتباس:

المشاركة الأصلية كتبت بواسطة english1lover

عاوديه احسن وربي يوفقك العام يعقب في رمشة عين صدقيني وربي يوفقك

جازاك الله خيرا اختي على المرور
لازلت لليوم محتارة

ratil talin · 2013-09-22, 11:32

اقتباس:

المشاركة الأصلية كتبت بواسطة حساني اسامة

انا اعطاولي بتروشيمي محروقات في بومرداس 2012
وباك 2013 اعطاولي صيدلة ولا طبيب و جراحة الاسنان بيسك كان المعدل شباب 16.96
بصح تخيلو مزال مدخلتش نقرا راهم عندي باك 2012وباك2013 مزالني قاعد حاب 2014 لازم معدل ان شاء الله 18
نتمنى لك التوفيق

بسم الله ماشاء الله موفق اخي في بكالوريا 2014 لكن قل هل قمت بتعليق السنة الدراسية ام انك استطعت ان تدرس في الجامعة و تحضر للبكالوريا؟؟؟