حياتي ضاعت وضاع المستقبل نتاعي كلش راح

[nibou]

و علاه ما فكرتش يا أخي أنك تقرا في معهد و لا مركز للتكوين أتعلم كاش حرفة مثل la plambrie أو أنك تخدم التريسيتي و كاين تاني تاع اللي يخدمو التبريد هادوا الحوايج ملاح ومفيدين ليك نظن و تقدر كي تكمل تخدم عند روحك و قادر دير شوية materiel و تبدا و كي تحب الصنعة تاعك راح تنجح بإذن الله و الحلول كثيرة أنت فقط اللي قافلها في وجه روحك و ماكش حاب تفكر أصلا خاطر راهن حياتك بين 2 حوايج:الباك ولا العسكر،لاه،لاه هاد الشي و زيد اللي خلق ما يضيع و بلاك هادو مافيهمش خير ليك،وين شفت روحك كي تروح واش قادر يصرا و ماتقولش صحابي صلحتلهم و أنا لا خاطر لا خيرة فيما إختار الله و تأكد بلي هاد الشي فيه خير و زيد ما عجبتنيش عبارة حياتي ضاعت و ضاع مستقبلي،أنا كنت حاطتك 60 سنة و كي لقيتك خسرت الباك غير ف 2011 تشوكييييييييييييييييت،سما راك هذا وين جاي لدنيتك واش شفت فيها حتى تحكم على روحك،يا ولدي مزال الخير لقدام،أتوكل على ربي و صلي صلاة الإستخارة و روح و أخططيييييييييييييييك من الأفكار السوداوية خاطر كل واحد يدي قسمو في هاد الدنيا و كل واحد و كيفاه كاتبلو ربي،قادر غيرك ما ينجحش في حاجة أنت تنجح فيها يعني ما نقدروش نعمموا و ربي يوفقنا للخير

[dadi1986]

المشاركة الأصلية كتبت بواسطة modritch

السلام عليكم

انا من ولاية وهران خسرت الباكالوريا في 2011 دفعت دوسيات في الشرطة و الحماية المدنية و الجمارك و الدرك الوطني

ودفعت في الجيش في سيدي بلعباس و في وهران و في قالمة و في خنشله 3مرات وربي ماكتبليش راني نعاني

و نقاسي وحدي في صمت كرهت ومليت الدوسي لي دفعته ما قبلونيش عندي صحابي نصهم يقروا في الجامعة و النصف

راحوا للجيش و الدرك الوطني بقيت وحدي لا قراية ولا خدمة واش ندير الله اعلم الدنيا راها كحلة قدامي المستقبل مظلم

رغم انني نصلي و نصدق لكن حتى حاجة ماصدقتلي

السلام عليك ياأخي الصلاة فرض عليك ماشي حاجة راك تقايض بيها الله سبحانه و تعالى و الصدقة كدلك وأما الرزق و المنصب نهار يكتبك الله سبحانه و تعالى كن فيكن و حاجة وحدخرا ننصحك بيها استغفر الله على هاد الكلام لي قلته و تب الى الله و السلام

[zvingi]

يا أخي أغلبية الشباب الجزائري راها هاك مش غي انت
أنصحك بالدخول إلى جامعة التكوين المتواصل راهم بداو يسجلو هادو الأيامات
لأن الشباب ب الشهادات و ما سواوش في هادي البلاد فما بالك تكون بلا شهادة

[lalib40]

التكوين المهني احسن من الجيش

[wahidservice]

ماتكره ماوالو خويا العزيز ماراكش وحدك ليراك تعاني كاين الاف كيما نتا استغفر ربي وتوكل عليه الرزق على الله قول مزية مجاش بيد العباد كون رانا متنا بكري وزيد قرا القران وخصوصا سورة البقرة وتعلم حرفة مدامك صغير ورنا معاك خويا

[lotfi1987]

اخي انصحك بالتكوين في تخصص الترصيص الصحي و تركيب الغاز
صدقني في الخارج لحد الآن تعتبر من افضل المهن الحرة و الحرف و قابلة للتوسيع يعني تخدم ناس معاك و ممكن تكون عندك شركة صغيرة في هذا المجال ، و هي مشروع مليح يحتاج لتكوين 12 شهرا فقط ودبر واحد صاحب ميتي تكون ثاني معاه. و بالتوفيق ان شاء الله ،مايكون غير الخير مازالك صغير حنا رانا تعبنا في لقراية كثر منك و رانا بطالين لحد الساعة وما ديرش في بالك ان الرزق غير في الوظيف العمومي تحرك برى كاين مهن ما تحتاجش لمجهود كبير جدا مثل دهّان او اسقف الجبس اخدم مونيفري مع واحد ممكن تعجبك المهنة و تخرج عليها ماك خاسر والو جرب مع كل واحد حتى شهرين و شوف روحك .

[شمس الدين.]

الله يهديك خويا هذا مانقوللك

[loay123]

ماذا يمكنني أن أقول لك أخي شمس الدين مين شفت المشاركة نتاعك حسبتها تاعيأنا ....كنت حاسب غير أنا لي راني هكذا
أخي أنا الناس دفعت معايا بلا معريفة وكان عمي يخدم فيها هما دخلوا وأنا معيطوليش حتى .........بالإضافة إلى أنني أكتشفت أنني أعاني من مرض الخصية المهاجرة ......(ضاعت الرجولة) قالولي لازمك عملية وفالشك .........العام الأول نتاع الجامعة نتاعي راح بسبب الظروف العائلية القاسية جدا..........الفقر عدنا رانا مسجلينوا فالدفتر العائلي .....العام الزاوج راه رايح قالطريق بسباب العملية ...
على الرغم من كل ذلك أقترح عليك أن تنضم معنا إلى طابور الصبر حنا مانقارعوش مالدنيا .....حنا الموعد تاعنا في الاخرة ******قال تعالى وبشر الصابرين......*******

[larouin]

ربي شافيك خويا لعزيز

كن على يقين انه لو اجتمع الانس والجن على ان يضروك او ينفعوك لن يضروك او ينفعوك الا بامر الله
عَنْ ابْنِ عَبَّاسٍ قَالَ: كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ:
((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))

أخرجه الترمذي في سننه

[mahdi2374]

قال الله تعالى .((.ولا تقنطوا من رحمة الله )).....صدق الله العظيم

[عبدون جمال]

مازال مافاتك والو اخي الكريم الناس من 2004 وهي مريحة ولكن الله كي بغا يفرج عوض كل شي في ليلة واحدة استعن بالله

[ziani20]

السلام عليكم

لا تياس ... و روح دير ديبلوم فى تخصص لى تشوفه يخرج عليك ... كاين معاهد و مراكز التكوين المهنى و سجل روحك .

و حافظ على صلاتك .... و شكرااااااااا

[walid13]

شوف خويا عندك اختيارات بزاف قادر تدير مشاريع على يد ansej angem قادر تاني صاحبي تكمل قرايتك بالمراسلة ما فيها والو
اتكل على ربي صاحبي
لوكان رحت للجيش و لا اي حاجة و صرات مشكل و ماتو لا قدر الله ماشي ربي يبغيك و باغيلك الخير
الله يسهل صاحبي و ما تقولش هاك انا نعرف ولد الغرب محال يهدر هاد الهدرة

[zaki4]

اعد البكالوريا وانتظر الجابة .لاتبني مستقبلك على شئ ربما الله لا يريدك فيه

[souhil sisou]

ربي يفرج خونا رانا كامل كيفكيف و الشدة في ربي العالي