ساعدوني ارجووووووووووووكم

[علياء]

الاب قابل وسال على الراجل ولقاه مليح دين واخلاق

والام تحوس على واحد ليك مستواه المعيشي كيفك واعتقد ماسقست عليه ماولو حجة وخلاص هداك لكلام


الان الكلمة كلمة باباك يعطيك هو الحل اضن الكلمة كلمة الرجال وزيد هو سقسى ومع اخوته


ربي يوفقك والا تزوجتي ماتنسيش تعرضينا

[alger1]

يسر الله امرك ولكن كثرة القيل والقال لن تجلب لك الا المصائب دعك من كل ذلك واشغلي نفسك فيما يرضي الله جل وعلا موفقة باذن الله

[crazy rock girl]

اذا كان يحبك قبل ما يعرف انتي بنت شكون اكيد ما هوش طامع في دراهم باباك

و زيد و علاه مسكين يشوكو فيها هاكا الدراهم ماهمش كلش ، كلش يروح الهنا هو الصح و الله

واش نقولك ربي يجبلك الحاجة اللي فيها الخير و يماك الله يهيدها و ان شاء الله قلبها يحن عليك

و اذا راه صح طامع و داير روحو يحبك ربي يبعدو عليك

[RANIA 2001]

رضا الله زائد رضا الوالدين =الزواج ممن تحبين ان شاء الله

[انغام المنى]

ربي يكون في عونك وربي يجمعك معاه في الحلال

[kmilya]

ربي يهدي مك ابقاي تحاولي فيهم حتان يقبلووووووو ومتزوجيش واحد متشتييييهش
ربي يكملك ان شاء الله

[amine9mm]

يبداوها بالحرام ملبعد يقلك علاه ربي مايبركناش كوني جا خطبك مع الاول بلا حكايات ولقاءات وهاتف كوني ربي باركلك عرفي بلي هذا عقاب من عند الله

[اقبال1]

بصدق تسبقني آلامي قبل الدموع و انا اقرأ كلماتك. ....،، اختي أعانك الله و صبرك. فقط فقط لا تنسي أنهم الوالدين ايه ايه الوالدين اختي و دوك دوك تصرالهم نص حاجة تحسي بيهم و تبكي ضعف واش رامي تبكي دوك. .... ما نحبش نقلك كلام بزاف فلسفي و انو اصبري و نساي بسكو علابالي مليح مشي هذا لي تحتاجينه دوك ....
خليني. نقلك حاجة برك اختي. و هادي. من عندي انا. كنت زمان نقرا ف الجامعة و واحد فلسطيني أهدر مع أستاذة تقريني و جات هي و أهلها لدارنا و خطبوني. من الأول بابا قال مبدئيا اوكي مادام رح يعيش هنا ووووووووووو. المهم سي نورمال انا بديت نتعرف عليه و تعلقت بيه و يعني حبيتو. و فات وقت قريب ثلاثة شهر كان وقتها بابا قال لازم تكملو العام تالي هدا و ساهل كملنا بعد ثلاثة اشهر و باباتي قال لا لا محال. نقبل انا قتلك هكا بنتي باه ما تسمحيش ف قرايتك. و انا ما نزوجت ابنتي لفلسطيني. ووووو. اعطي حجج و آراء انا وقتها ما قنعتنيش. ووووووو بكيت اضربت عن المأكلة و عاديت كامل العائلة كبيرها و صغيرها و أبدا بابا ما غير رايو و مبعد الصيف قعدت ف دار و هو راح لبلادو. المهم مبعد اكتشفت و بالصدفة انو كانت تيتو بابا بعد التخرج يعطيلو دار و يدبر لو خدمة بسكو راه عارف من ناس مليح مركز بابا و اكتشفت بزاف حوايج مشي ملاح ورمشي هادا موضوعنا اليوم اليوم عندها خمس سنين لله الحمد و له الشكر و كل ما نتفكر نحمد ربي ثلاثا و أعظمه ثلاثا و استغفروه ثلاثا أخرى و الله و الله قبل العام ما كانش كامل ف بالي و دوك راني مزوجة مع واحد علابالي بلي نعم الزوج اختيار بابا و الحمد لله على نعمة النسيان لي منحناها ربي سبحانو و الا كنا من القانطين

الحديث قياس حنونة و ان شا الله تكوني فهمتيني كثري من الصلاة و الصبر و ان شا الله ربي يفرحك و يهنيك ان شا الله

[samira135]

طريقتك في السرد رائعة واااااااااااااو

أولاً يا أختي تأكدي انو إذا ربي كاتبلك تتزوجي بهذا الشخص تتزوجي بيه عاجلاً أو آجلاً شاء من شاء وأبى من أبى

ثانياً عليكِ بالدعاء الدعاء الدعاء الدعاء قال الرسول عليه الصلاة والسلام "الدعاء يرد القضاء" .... "الدعاء ينفع مما نزل و مما لم ينزل"

ثالثاً ردي بالك تقاطعي باباك و يماماك تقربي منهم خصوصاً من باباك يمكن ربي يحنن قلبو عليك

ربي يوفقك أخيتي إن شاء الله بعد آيامات تجي تبشرينا إنو باباك وافق وحدد موعد العرس

(عسى أن تكرهوا شيئا وهو خير لكم وعسى أن تحبوا شيئا وهو شر لكم و الله يعلم وانتم لا تعلمون )

[Basketteuse]

استغفري ربي وديري صلاة الاستخارة الا كان من نصيبك راح تديه لا محالة ... وماماك ربي يهديها لانو الرزق من عند ربي

[basma09]

يا اختي واش نقلك قصتك و الله مؤثرة
انا نقلك ما بقالك حتي حل لانو تي باباك و اثرت عليه يماك شدي في ربي وصلي بزاف استغفري و ادعي الله لانو الدعاء يغير القدر و انشاء الله ربي يفرج علي و يجمعكم ربي عاجلا غير اجلا