الدجاج بطعم ولا اروع ..سره عندي - الصفحة 2

ياسمين ماسي · 2013-09-07, 11:42

انا جربتو في الكيس ايجي بنين ونقلك خطرات ناخذ الجاجة بعد ما نظفها ونخليها تنشف من الماء ندرلها الملح والفلفل لكحل و شوية قرفة منداخل من برا ونحضر نصف بصلا مسكرفجة +شوية ثوم مسكرفج+ملح+فلفل اسود+خلطة الدجاج راهو يتباع ونديرو داخل الجاجةوبرا ثاني ندهن البلاتو انتاعي بالمارقرين ونرشلها شوية زيت من الفوق ونخليها اطيب لمدة1سا وكي نشوفها اتحمرت من الجهتين انحيها صدقيني اجي خير من تاع الزنقة جربيها و رجعيلي الخبر

rofia.sarah · 2013-09-07, 14:01

شكرا على الوصفة

أم بدر الدين · 2013-09-07, 17:06

بارك الله فيكن على المرور. ..تمنياتي لكن بالتوفيق

~~nad16~~ · 2013-09-07, 17:38

يعطيك الصحة الاخت

ريتان · 2013-09-07, 17:47

بارك الله فيك

enar · 2013-09-07, 17:51

يعطيك الصحة اختي مشكورة و لكن عندي سؤال بعدما تديريه في الثلاجة و تبغي تطيبيه في الفرن كيفاش ديري؟

أم بدر الدين · 2013-09-07, 20:45

اقتباس:

المشاركة الأصلية كتبت بواسطة enar

يعطيك الصحة اختي مشكورة و لكن عندي سؤال بعدما تديريه في الثلاجة و تبغي تطيبيه في الفرن كيفاش ديري؟

مباشرة تخرجيه من الثلاجة تبليه بالتتبيلة المذكورة والى الفرن و تشوفي انك ستتحصلين على مرق اكثر بسبب الدجاج المجمد و يكون الذ مما يكون و لا تتركيه ينشف افرغيه في وعاء و استعمليه كصوص لاي اكلة. ..بطاطا. . ارز .... معكرونة. ..

تنبيه هام حذاري من كيس الشواء عند اخراجه من الفرن نسبة البخار فيه كبيرة تحرق خليه يبرد شوي رجعي الدجاج في صينية و خذي الدهون التي تطفو من المرق و صبيه على الدجاج والى الفرن.

ارجو اني كفيت ووفيت وبالتوفيق