الفلفل المحشي بطريقة حصرية من مطبخي

[heaven's road]

السلام عليكم و رحمة الله
بعد الردود المشجعة لي وصلتني من خلال موضوعي الكانيلوني و لي الرابط تاعو

https://www.djelfa.info/vb/showthread.php?t=1389859

قررت اليوم نحط طبق قديم لكن معمول بطرقة عصرية و حصرية للمنتدى الحبيب
نبداو في المقادير



فلفل اخضر حلو
طماطم
لحم مفروم
ارز طايب نص طياب في ماء و ملح
معدنوس
بصل و ثوم
ملعقة زيت
توابل
اول شئ نحضرو الحشوة كالتالي
لحم مفروم مع البصل مقطع رقييييق و ثوم و ارز و معدنوس وما ننساوس نتبلوهم انا اسعملت ملح فلفل اسود زنجبيل و راس حانوت



نعجنوهم مليح مع بعض للحصول على حشوة طرية



نخليها بجيهة و نبداو نشوطو الفلفل و الطماطم





نحطوهم في كيس بلاستيكي و نغلق عليهم حتى يعرقوا و من بعد نقشروهم و نقطعوا الطماطم مربعات رقيقة

نبداو نسجيو البلا تاعنا



نحلو الفلفل كيما الصورة و نحطو الحشوة ما تنساوش بلي راهي ماشي طايبة الحشوة تاعنا



ندهن المول بالزبدة و نفرشو بشوية طماطم



بعد ما ننتهي من لف جميع الفلفل نستفو فوق الطماطم



انا خلصلي الفلفل و بقات شوية حشوة فتتها فوق الفلفل



نحط من فوق الطماطم المتبقية و لاضافة النكهت زدت فوها شويية ثوم مرحية



انا كانت عندي شوية كريم فريش حطيتها من فوق و تحكمي الملعقة تاع الزيت و تضيفيها من فوق و دردري شوية ملح و فلفل كحل ما تنسايش بلي الحشوة راهي متبلة



تغطيها بالالمنيوم



و الى الفرن مباشرة تطيب

و هادي بعد ما طابت



و هادي بعد التقديم





بالصحة و العافية ان شاء الله تعجبكم و تجربوها راهي فعلا تشهي