أرجو من جميع طلاب الطب و طب الاسنان .. الدخـــول - الصفحة 2

ahlam nour · 2013-08-25, 12:10

اقتباس:

المشاركة الأصلية كتبت بواسطة mona lyza

جزاك الله كل خير ... معك حق خاصة فيما قلته عن الطبيب العام و ما الى ذلك و هذا ما سمعته من أقاربي ... و فيما يخص الكونكور ماهيش مضمونة لذا صعب الاختيار ... المهم رسالتك وصلت أختي لذا أود أنسألك بما أنك محاطة بأناس ذوي خبرة في المجال ... بين طبيب الاسنان المختص و الطبيب المختص أيهما أفضل؟

السلام عليكم
ان شاء الله راح نصقصيلك و نعطيك الاجابة
راح نصقصي عمي طبيب الاسنان و نشوف صحابات اختي اطباء مختصين و ان شاء الله نردلك الجواب

Mona Lyza · 2013-08-25, 17:12

اقتباس:

المشاركة الأصلية كتبت بواسطة ahlam nour

السلام عليكم
ان شاء الله راح نصقصيلك و نعطيك الاجابة
راح نصقصي عمي طبيب الاسنان و نشوف صحابات اختي اطباء مختصين و ان شاء الله نردلك الجواب

مشكوووورة أختي ... أعذريني تعبتك معاي .. ربي يجازيك و يوفقك ... أنا في الانتظار
و إذا كان بالامكان أضيفيني على fb ......

www.fb.com/manelle.chek

ahlam nour · 2013-08-24, 13:27

و بالنسبة لكنكور ريزيدانا يقولك بللي الحظوظ في الطب اكثر لانو المناصب اللي يفتحوها اكثر لالا
ماتنسايش بلي طلاب الطب اكثر من طلاب طب الاسنان في الطب تلقايهم اكثر من5000 طالب على مستوى الوطن لكن طب الاسنان يلحقوا 2000 طالب على مستوى الوطن هادو بالنسبة للسنة الاولى بالطبع
و تلقايهم في الطب كامل رايحين يكملو التخصص بصح في طب الاسنان لالا ماشي كامل يحوسو يكملو التخصص
وبالنسبة للكنكور اختي نقلك الارزاق بيد الله قادر واحد يديه شحال من مرة و واحد مايدي حتى مرة
احسن حاجة استخيري ربي هو اللي مايخيبكش هو اللييعرف كلشي في حياتنا يشوف للحاضر و المستقبل و واش نقدروا وواش منقدروش
و ربي يسهلك اللي فيه الخير
سلاااااااااااام

moon_mema · 2013-08-24, 21:48

السلام عليكم
اختي انا ايضا وجهت لها وقد كنت في حيرة بينها وبين الطب
ولكن بعد الاستشارة وجدتها هي الاحسن والافضل خاصة لفتاة
احسن من الطبيب العام والمستشفي وعلي حساب ماقالولي الطب العام راو بالادماج
وبلامعريفة ماتلقي حتي شيء
وايضا في سنوات الدراسة
اختي ندعيو ربي يوفقنا واحنا نقراو وكلش راو مكتوب
سلام

Mona Lyza · 2013-08-25, 00:25

اقتباس:

المشاركة الأصلية كتبت بواسطة moon_mema

السلام عليكم
اختي انا ايضا وجهت لها وقد كنت في حيرة بينها وبين الطب
ولكن بعد الاستشارة وجدتها هي الاحسن والافضل خاصة لفتاة
احسن من الطبيب العام والمستشفي وعلي حساب ماقالولي الطب العام راو بالادماج
وبلامعريفة ماتلقي حتي شيء
وايضا في سنوات الدراسة
اختي ندعيو ربي يوفقنا واحنا نقراو وكلش راو مكتوب
سلام

هذي هي كلش راه مكتوب حتى أنا صراتلي كيما نتي و على هذا الاساس خيرت طب أسنان لكن و الله ساعات كي نبدا نخمم نتوسوس خايفة نندم على الطب لكن الخوف لي عندي جهتها ماخلانيش نخيرها و في نفس الوقت ماقدرتش نرتاح ... مشكوورة أختي بالتوفيق انشاء الله

mifa15 · 2013-08-25, 15:57

أنا بالنسبة لي طب أفضل يأختي والله ولي التوفيق

Mona Lyza · 2013-08-25, 17:23

اقتباس:

المشاركة الأصلية كتبت بواسطة mifa15

أنا بالنسبة لي طب أفضل يأختي والله ولي التوفيق

مشكووورة أختي ... لاحظت في معلوماتك أنك طالبة طب ... معليش نسقسيك ... ماتخوفكش فكرة الطبيب العام مايعطوهش حقو إضافة إلا صعوبة امتحان résidanat ... و حتى بعد كل هذا من أجل أن تكون طبيب في المستوى لازم تبقى دائما على اطلاع بكل جديد و هذا شوي صعيب خاصة بالنسبة لفتاة ؟؟؟؟ ........ آسفة طولت عليك لكن و الله أنا جد محتارة و بحاجة للمساعدة

B.Meryem · 2013-08-27, 11:28

السلا م عليكم ورحمة الله وبركاته
اختي الكريمة لقد رايت من خلال ردودك انك جد محتارة ، لما كل هذا الارتباك فبالنسبة لي طب اسنان احسن اختيار حيث ان فرص العمل متوفرة بعد الدراسة
احسن من الطب ، فيما يخص شكون صعب وشكون ساهل ديري في بالك بلي الميدان الطبي صعيب سواء طب اسنان او طب وحتى صيدلة الفرق فقط يكمن في انو كل وحدة من هذه الشعب في سنوات معينة تكون صعيبة بلبزاف فمثلا السنة 2 و3 طب اسنان صعاب بحكم البرنامج المكثف في المقابل 2و 3 طب عندهم برنامج مخفف وفي السنوات التالية تقلب الموازين بينا وبينهم
ولهذا انصحك اختي بان ترضي بما كتب الله لك وان تتجنبي المقارنة المهم ان تكرسي اهتمامك بشعبتك لانها جد ممتعة خصوصا مع التطبيق الذي ينسينا كل صعب
وفقك الله وسدد خطاك ومزيدا من النجاح سلام

1ريم · 2013-08-27, 22:00

آطفلة انا خممت شوي بين صيدلة وطب اسنان

ضرك الحمد لله رسيت على بر وخيرت طب اسنان

خلاص خيرت وما بقيتش نشوف للخلف خلاص، وماهيش حاجة لي نندم عليها

هذا التخصص هايل وراكي تضيعي فالوقت بهذا التخمام والتردد

حطي رجليك على ارضية صلبة واقراي طب اسنان كيما طارتلك وربي يوفقك

ان شاء الله كل التوفق والنجاح

amira. ma · 2013-08-28, 22:40

ولاه يااختي انا براي الليتحبيها ولي خيرتيها هديك هي كون تباقاي تلفي و دوري مراح تقراي ..والو و كل مرت قولي كوندرت هاذي خييييييييييييييييير؟؟؟؟
يعني اقتنعي بشي لعطاك ربي
و كل وحدة لازم تغلبي معاهابزاف و المهم انك تنجحي فيه
هههههههههههه انا راني نهدر على الثقة و القناعة

amisha · 2013-08-29, 15:50

سلام اختي
يما انك اخترت الىن فما الجدوى من كل هذا القلق و الحيرة

كلا التخصصين رائعين سواء كان الطب ام جراحة الاسنان

اما بالنسبة للدراسة فكلاهما يحتاجان الاهتمام و الدراسة الدائمة و الاطلاع الدائم فكما نعلم ان العلوم الطبية في تطور مستمر

ahlam nour · 2013-09-03, 17:40

السلام عليكم و رحمة الله و بركاته
اسمحيييييييييييييييييييييلي بزاف بزاف راني طولت عليك لانو علابالك الوقت هاذا تكثر الاعراس
راني عيطت لعمي و مجموعة من صحابات اختي
و بعد التشاور و الحوار.......هههههههه خرجنا ب خلاصة
واللي هي انو
الاطباء المختصين يتفرقوا بين المختصين في الاختصاصات الطبية و الاطباء المختصين في الاختصاصات الجراحية
الاطباء اقصد طب و طب الاسنان
الاطباء المختصين في الاختصاصات الطبية هم الاطباء اللي عملهم يقتصر في العيادة في تشخيص المرض و التطبيب و ما يديروش العمليات الجراحية
الاطباء المختصين في الاختصاصات الجراحية هم الاطباء اللي دايما يديرو العمليات الجراحية مثل جراحة القلب
او طبيب جراح او طبيب الاسنان المختص في الجراحة
دائما في التعب و قادرين يعيطولهم حتى في الليل( باستثناء اطباء الاسنان المختصين خدمتهم دايما في النهار )و خدمتهم متعبة و الخلاص ماكان ماكان وووووو.........
و بعد الحوار خرجنا

الترتييييييييب
1- الطبيب المختص في الاختصاصات الطبية (طبيب اسنان او طبيب عام)
2-طبيب اسنان فاتح عيادة وحدو خاصة بيه
3- طبيب مختص في الاختصاصات الجراحية(طبيب اسنان او طبيب عام)
4- طبيب عام و طبيب الاسنان يعملون عند الدولة في سبيطار في نفس الدرجة

واغلبية اغلبية الاختصاصات في طب الاسنان هي اختصاصات جراحية اذاماكانتش كامل

اتمنى اني افدتك

ahlam nour · 2013-09-03, 17:46

في هذه الحالة حسب الاختصاص و حسب مكان العمل و الطلبات على تلك الاختصاص
وحسب الطبيب بحد ذاتو فالشخص هو اللي يدير قيمة للمجال اللي يخدم فيه و ليس العكس
قادر يكون طبيب مختص في احسن الاختصاصات بسبب الكسل و قلة التدقيق في العمل ما يروح عندو حتى واحد