ازواج ليس لهم سلطة على زوجاتهم - الصفحة 2

النجمة القطبية · 2013-08-25, 12:40

يا جماعة اعتذر عن السؤال لكن حابة نعرف الله غالب انتشر هذا الامر وحابة نعرف برك
واعذروني على تكرار الكلمة هل كلمة ==طحنو == ومشتقات هذه الكلمة وامثالها تقال عادى فى بلادنا وينطقها الرجل والمراة عادى نوغمال يعني اختك تنطقها وتسمعها عادى
ماشى هذه الكلمة عيب ان تقال على الملا ولا راني غالطة فهمونا يرحم الوالدين
قبل ان نناقش رجولة الرجل فى بلادنا خلونا نناقش اولا طريقة الحوار والفاظنا اولا لما نحترم انفسنا وغيرنا على الاقل عندها ساهل نصنفو الناس هذا رجل وهذى انثى

alaaemica · 2013-08-26, 10:56

اقتباس:

المشاركة الأصلية كتبت بواسطة النجمة القطبية

يا جماعة اعتذر عن السؤال لكن حابة نعرف الله غالب انتشر هذا الامر وحابة نعرف برك
واعذروني على تكرار الكلمة هل كلمة ==طحنو == ومشتقات هذه الكلمة وامثالها تقال عادى فى بلادنا وينطقها الرجل والمراة عادى نوغمال

يعني اختك تنطقها وتسمعها عادى

ماشى هذه الكلمة عيب ان تقال على الملا ولا راني غالطة فهمونا يرحم الوالدين
قبل ان نناقش رجولة الرجل فى بلادنا خلونا نناقش اولا طريقة الحوار والفاظنا اولا لما نحترم انفسنا وغيرنا على الاقل عندها ساهل نصنفو الناس هذا رجل وهذى انثى

اختي هاذ الكلمة في السرق عيب تتقال امام الملا و لكن في الغرب ماشي عيب يقولوها عادي بمعنى ميش راجل و خلاص و كاين كلمات في الغرب حنا في الشرق عندنا عيب مانجمش نمدلك مثال

سوسو الطموحة · 2013-08-25, 16:37

هو ماشي حاجة عيب اذا الرجل خلى زوجته تحكم وتصرف وحدها لكن الشيء الذي لايعجبني في هذا الموضوع لما نلقاه يطلب فيها اعطيلي مصروفي كل يوم اعطيلي نشري حتان عادت الزوجة تحاسبو لاه وش تشري بيهم و لاه ولاه
كما انه كاين ازواج يحطو صواردهم في يد زوجاتهم وهي ماتعرفش كيفاش حتى تصرف تفسد كثر منه وتقول راني معاوناتو ولا لخلاص تاعو قليل
الصوارد يحبو الزوجة الذكية اللي تعرف وين تحط صواردها ووما تنساش بلي راه زوجها تعب عليهم حتى جابهم وحطهم في يدها

reiad999 · 2013-08-26, 11:51

هذا ماهوش زوجها ولكن خدام عندها
ونقول ربي يرفع عليه هذا الغبن

المحقق PC · 2013-08-25, 17:37

السلام عليكم

القوامة للزوج وهي تكليف له وتشريف للزوجة والواجب على الزوج رعاية الزوجة

في رأي لا بأس أن يعطي الزوج للزوجة بعض المصروف حتى يتسنى للزوجة شراء الحاجات الضرورية العاجلة أثناء غيابه.

ولكن إذا كان للزوج التشريف وللزوجة التكليف في كل شيء والله هي القوامة عليه.

وما عساي أن أقول

*
*
*
*
*
*
*

"سبحان الله الدنيا كيفاش أدور"

samira135 · 2013-08-26, 10:30

يصرف هو ولا هي نفس الشيء وينو المشكل ؟!

المهم يكون التـــفاهم مش هي متسلطة او العكس

wafwaf8471 · 2013-08-26, 11:11

au contraire lrajil kiymide lmarto titsaref hada ma3nah rajil w sid lrjale khatch mahoch hagar w lrojola 3morha makanet tasalot