ماذا اشتري لخطيبتي بمناسبة العيد؟؟؟ - الصفحة 2

النجمة القطبية · 2013-07-30, 22:00

شوف اخى الكريم السي محمد
اولا الخروج مع المخطوبة لا يجوز وحتى الكلام او الجلوس قبل الفاتحة يعنى تخرج مع الوالدة ربي يخليهالك يكون احسن
رانى ندخل فى روحى مليحة هاذى
اما واش تشترى اعتقد على الاغلب ملابس للعيد يعنى ما تقدر عليه وتراه مناسبا
وقبل ان اكمل كلامى راح نقول شئ
للى يقولك المخطوبة لا تفرح بملابس خطيبها يكذب عليك
اكيد تفرح حتى لو لم تكن الملابس على ذوقها وحتى لو كانت غنية لكن هدايا الزوج امر اخر
لانها راح تبدى تتعود انها ستصبح تحت ولاية شخص اخر غير الاب
هذا رايي
وكل التوفيق لك اخى

النجمة القطبية · 2013-07-30, 22:05

اقتباس:

المشاركة الأصلية كتبت بواسطة نورانيات

أخي ربي يكملك حنا في عوايدنا الخطيب يهذي خطيبته بصنيوة تاه بقلاوة صغيرة وزجاجة عطر وقرصة صابون وطرف قماش من زوج بايط حنة والاهم حاجة تاع ذهب وفي الغالب يديو فلايك المهم على قد مقدورك كاين عندنا عائلات في الشرق ما يديوش العيد غير الا عقدت المرأة هكذا لتفادي المشاكل المنجرة بعد فسخ الخطبة

تموتو على الذهب صحاب الشرق

لازم يدخل الذهب عندكم فى كل مناسبة

ربي يهنيك ختى

أمة الرحمان رقيّة · 2013-07-30, 22:07

اقتباس:

المشاركة الأصلية كتبت بواسطة السي محمد

السلام عليكم و رحمة الله و بركاته

تقبل الله صيامكم و قيامكم و دفائكم

السؤال واضح اتمنى ان تجيبوني

من خلال معرفتكم و تجاربكم

ماذا اشتري لخطيبتي كهدية للعيد؟؟؟؟

و شكرا لكم مسبقا

و عليكم السلام و رحمة الله و بركاته

اهديها يا أخي مصحف او جلباب
مع باقة ورد

بسمة تحدي · 2013-07-30, 23:32

اقتباس:

المشاركة الأصلية كتبت بواسطة أمة الرحمان رقيّة

و عليكم السلام و رحمة الله و بركاته

اهديها يا أخي مصحف او جلباب
مع باقة ورد

والله افضل هدية وهي الجلباب

sali-sali · 2013-07-30, 22:10

السلام عليكم
اخي شريلها روبة نتاع دار شابة ومعاها بارفان شباب

ربي يهنيكم

بالنسبة للانسان الوفي نقولك ناس مش كيف كيف ...وممكن تكون انت غلطت ومراكش عاارف او ماعرفتش تتعامل

هدى الجيجلية · 2013-07-30, 22:22

السلام عليكم
أخي
سي محمد
ربي ايهنيك يارب
على ما اظن
زجاجة عطر
وشيء من اللباس

NORA74 · 2013-07-30, 22:30

اذا كانت مهيبة انتاع العيد خليها هي تشري و انت تخلص اما اذا كانت هدية خاصة فيجب ان تكون ذات قيمة معنوية اكثرمن مادية و الله الموفق

بنت الحجاج · 2013-07-30, 23:11

ما تسمعلهمشْ

حابين يفلطو عليكمْ

اشريلها وتشريلكو تفرحو بعضكمْ

و الله يهنيكمْ ببعضكمْ ان شاءْ اللهْ

tateb · 2013-07-31, 00:43

افضل هديه هى ان ترفع سماعه الهاتف و خاطبها بكلمه طيبه

soso sirin · 2013-07-31, 01:24

عيطلها نهار العيد و قولها صح عيدك لعقوبة العام الجاي ان شاء الله تكوني في داري .اذا راح تشريلها قش العيد معنتها الكادو هذا راه زيادة انت باغي تشريهولها امالا يا السي محمد اشريلها الحاجة الي تعجبها هي و ممكن تكون قاتلك عليها من قبل في كلامها لانو باش تديها معاك و تشريلها هي راه تحشم و ممكن تقلك ماتشريلي والو اصلا لوقو تاع الكادو يروح لانو راهي هي خيراتو .كيما قلت انت شريلها بارفان تكون شابة و مليحة .

farachati · 2013-07-31, 01:43

اقتباس:

المشاركة الأصلية كتبت بواسطة (الانسان الوفي)

تعرف اخي والله الرجل خسارة في المرأة ...يتعب ويشقى وفي الأخير تتمرد عليه ...مرة وأنا أدردش مع صديقي قلت له من المفروض المرأة هي التي تقدم المهر للرجل وليس العكس ..كما يحدث في الهند ...

روح تعيش في الهند

~~(الانسان الوفي)~~ · 2013-07-31, 02:06

اقتباس:

المشاركة الأصلية كتبت بواسطة farachati

روح تعيش في الهند

والله لو أجدها لن اتأخر على الأقل الهند بلد نووي والنساء نساء حقيقين وليست عنزة وتعتقد أنها امرأة ...وفي الأخير تتكبر وتقول أهديني هدية في عيد ميلادي وفي العيد ....

soso sirin · 2013-07-31, 02:40

اقتباس:

المشاركة الأصلية كتبت بواسطة (الانسان الوفي)

والله لو أجدها لن اتأخر على الأقل الهند بلد نووي والنساء نساء حقيقين وليست عنزة وتعتقد أنها امرأة ...وفي الأخير تتكبر وتقول أهديني هدية في عيد ميلادي وفي العيد ....

السلام عليكم .عنزة و تعتقد انها امراة. كلام خطير ايها الانسان الوفي.و ما ادراك ان نساء الهند نساء حقيقيات كلشي يبان بعد العشرة و اذا باغيها ندعولك ربي يرزقك بهندية و تردنا الخبر.اصلا اذا طلبت الهدية لا تعد هدية ضف الى ذلك اليست هناك نساء تستحق .صح انو حنا مرات بلخف ندورو و نقولو الراجل مادار والووووووووووووووو لكن هناك من هي مظلومة و مقهورة من طرف الرجل و لا تتكلم باي كلمة تسيئ له خاصة اذا كانت تتكلم عنه في غيابه.احيانا المراة تستعمل هذا الكلام لانه وسيلة للتخفيف عن ضغوطاتها النفسية.كمثال ممكن في لحظة غضب الرجل يقول لزوجته سوف اطلقك هل حقا سيطلقها و لكن هو مجرد كلام فقط. هذا رجل فما بالك بامراة و عن تجارب لنساء اعرفهن جيدا اكثريتهن يذكرن ازواجهن بكل خير و يعددن محاسنهم لكن امامه تقول الكلمة الشهيرة علاه انت واش درتلي ههههه.ربي يجيب الخير و يرزق كل واحد على حساب نيتو

~~(الانسان الوفي)~~ · 2013-07-31, 02:48

اقتباس:

المشاركة الأصلية كتبت بواسطة soso sirin

السلام عليكم .عنزة و تعتقد انها امراة. كلام خطير ايها الانسان الوفي.و ما ادراك ان نساء الهند نساء حقيقيات كلشي يبان بعد العشرة و اذا باغيها ندعولك ربي يرزقك بهندية و تردنا الخبر.اصلا اذا طلبت الهدية لا تعد هدية ضف الى ذلك اليست هناك نساء تستحق .صح انو حنا مرات بلخف ندورو و نقولو الراجل مادار والووووووووووووووو لكن هناك من هي مظلومة و مقهورة من طرف الرجل و لا تتكلم باي كلمة تسيئ له خاصة اذا كانت تتكلم عنه في غيابه.احيانا المراة تستعمل هذا الكلام لانه وسيلة للتخفيف عن ضغوطاتها النفسية.كمثال ممكن في لحظة غضب الرجل يقول لزوجته سوف اطلقك هل حقا سيطلقها و لكن هو مجرد كلام فقط. هذا رجل فما بالك بامراة و عن تجارب لنساء اعرفهن جيدا اكثريتهن يذكرن ازواجهن بكل خير و يعددن محاسنهم لكن امامه تقول الكلمة الشهيرة علاه انت واش درتلي ههههه.ربي يجيب الخير و يرزق كل واحد على حساب نيتو

السلام عليكم ....عندما يكون للمرأة جمال يغطي على كل عيوبها ...على الأقل عندما يعطيها الرجل يكون قد اعطى لمن تستحق ...المهم هذه فقط وجهات نظر ...شكرا

دلال 30 · 2013-07-30, 21:12

اقتباس:

المشاركة الأصلية كتبت بواسطة (الانسان الوفي)

أخي الكريم ليست تجربة فاشلة ...بل هو الواقع والحق المبين ...وأتحدى أي انسان يدخل ويقسم ان زوجته أو خطيبته تذكره بخير ولا تنكر كل أفضاله عليها ...ولماذا نذهب بعيدا اخي ...أنت موجود وأنا موجود ..وان شاء الله رمضان القادم أدخل وأخبرني بما يصير معك ....ولا تنسى ما قلته لك اخي ...

هدانا الله واياك اخي الكريم
اقسم او لا تقسم... هاذ الكلام قالو الرسول الكريم عليه افضل الصلوات وازكى التساليم "يكفرن العشير" ايه انا وحدة من النساء كي نتقلق نقولو من النهار الي عرفتك ما شفتش الخير.... هههه.... ولكن اقول لك شيئا.... لقد كانت هدايتي على يده.... وهو من ساعد والدي على مصاريفي الجامعية.... والحمد لله,,,, حبيت نقولك هاذي سنة ربي في خلقو... ما عندك ما ادير.... كي تقول هاذاك الكلام على النساء... راهي معاهم امك واختك.... كلنا كيفكيف.... لكن ذات الدين بالتأكيد هي الافضل "فاضفر بذات الدين تربت يداك" ... اذا حبيت مرا ما تكفرش العشير... نقولك حاضر... بصح تنحيلك حق التعدد والقوامة ,....و....و..... يعني المرأخلقت من ضلع اعوج... اذا حبيتها فأحبها بعوجها وان اردت ان تقيمها كسرتها وكسرها طلاقها.... كمل من الرجال كثير وكمل من النساء أربع.... انت راك مصدوم من تجربة... من قلبي ندعيلك ربي يعوضك خير... حاول ما تزعفش من كلامي وتقبل مروري...