العايلة مشكل

[{مـشـاكـسـهـ}~]

ربي معاك و ربي يهدي العباد إن شاء الله

[هبة الله 26]

السلام عليكم
اخي الفاضل انت في وضع لاتحسد عليه
في مثل حالكم هذا لابد من التغيير لكن كيف؟؟؟؟؟؟؟؟؟؟
لابد ان يغير كل فرد نفسه اولا بمعنى اوضح لاد ان تبدا انت اولا بتغيير نفسك اكييد للاحسن ثم البقية وسترى كيف يصلح حالكم
اذا لم تنجح معك هذه الخطة
الجا الى المصالحة الوطنية (الاسرية)
الله يكون في العون اياك ثم اياك ان تظلم امك .

[امونة الشاوية]

والله يا اخي ربي يكون في عونكم كاين كثير من العايلات مثل عايلتكم شبه عايلة فقط
مثل ما قال اخ من اللي جاوبوك حط يدك في يد اخوك اللي ذكرتي انو ويز وحاولو اصلاح ما تبقى
اما على امك صدقني اخي والله زواج الرجل على مرتو يقسم ظهر المراة وخاصة مثل ما فهمت من كلامك انو والدك مع الزوجة الثانية
حاولو تخرجو امك وتفسحوها حتى لو تخذوها للاقارب
اما على اختك والله انو في قسم البنات والعرايس بزاف نصائح حاول تعلمها تدخل المنتديات وتتعلم وتتطور
ربي يكون في عونك اخي

[انتي بلون الورد]

ربي يفرج عليكم ويبعد الهم والغم عليكم

[fifi2009]

الله يبعد عليك الهم و الحزن

[wafa16]

شوف خويا راني فاهماتك في كل ما قلت
غير قضية يماك و اختك
يا اخي يماك ربي يكون في عونها 15 سنة و انت تشرب في هاداك النوع تع الدوا ما يبقى فيك والو قول الله لا يبلينا زوجة واحد من اقاربي مسكينة عندها عامين تشرب في هاد الدوا من الفراش ما تنوضش الله غالب هاداك المرض يفشل و وتعود في عالم اخر
انتوما اعطفو عليها و اوقفو معاها و حنو عليها و ما تخاسبوهاش
اما اختك الله غالب اختك تاني ضحية ناضت صابت يماها مريضة و الطفلة تحتاج يماها كثر من الراجل
ماكانش يماها اللي توقف معاها و تعلمها و توريلها
انت الله غالب اكتفي بالنصيحة و تودد اليها بالاك هي راه في راسها افكار كثر من اللي راهم عندك انت راك قدرت تكتب هنا في المنتدى و تعبر هي بالاك لالا
و ماتزيدش تضربها مهما كان الحال راهي ولية و كبيرة عليك و راك خوفتها ما تخافش تصرالها صدمو و الا كاش ما يصرالها تندم حياتك كاملة
و الا اقترح عليها كاش تكوين باش تولي تخرج و تشوف لبنات كيفاش دايرين و ادير صحابات
خوك اللي مزوج انا نقولك خليك منو راهي عندو عايلة ماراهش وحدو يدبر راسو انتوما اتجنبو المشاكل معاه
ربي يعونك خويا وكيما قلتلك حاول تسترجع يماك و اختك و خوك راك تقول بلي مليح الحمد لله راكو تقدرو تبداو من جديد
و خليك من باباك و مرتو راكو كبار دوك تقدرو تعتمدو على رواحكم