فهموني ارجوكم .............. - الصفحة 2

أمة الله 12 · 2013-07-14, 14:40

اقتباس:

المشاركة الأصلية كتبت بواسطة moha75

نصيحتي لك، لا تفكري في أي شاب لا تربطك علاقة رسمية وشرعية به،
وما تشغلي بالك بحاجة في الغيب،
نعطي مثال:
شاب شافك في الطريق وأمعن النظر فيك،
هذا لا يعني بأن يريد الزواج بك ، وبأنه راح يخطبك،
وتظلي تحلمي بيه ، وتألفي في القصص،

هذا خطأ جسيم وجب الإنتباه منه،
الشاب لما يريدك في الحلال الباب مفتوح،
أما الكلام المعسل والغزل اللي مافي فائدة منو،
قد ولى زمانه ،
والثقة في الوثيقة .

بالمناسبة لازم الفتاة تعرف مليح بأن هناك صنف من الرجال،
يحب تكون ليه أكثر من علاقة بالفتيات،
ويحب يكون كامل الأرقام اللي في الهاتف نتاعو،
تنتهي ب :ة
يعني مريض وعندو هوس بالأنثى ربي يشافيه،
كاين اللي يحب يوقع البنات في شباكو،
كاين اللي يقولك نحكي مع شحال من بنت ونغازلها ،
وأكيد في الاخير راح تنجح علاقتي بواحدة ونتزوجها،
يعني آلاف العقليات وصعب تفهميها الكل.

ممكن هذا الشاب عندو نية في الزواج صحيح،
وحاب يتعرف على اكثر عدد من البنات،
باش في الأخير يختار واحدة منهن،
مع أن هذا الأسلوب خطأ لأن فيه مضرة للبقية،

في المقابل كاين رجال والله تقولي بالمال نشريهم،
مش كل الشباب متشابهين،
ومش كل البنات متشابهات،
هنا فروق اكيد،
والمهم اللي خبط الباب أهلا وسهلا بيه،
واللي التزم الصمت ما تخميش فيه.
ربي يوفقك وسائر بنات المسلمين أمين.

يعطيك الصحة , كفيت ووفيت

zalamite · 2013-07-14, 15:01

للاسف راك دايرة فيلم و حدك انسايه خير لك و لا تعقدي عليه امال كبيرة ربما ياتيك زوج اخر من حيث لا تحتسبين.

سفير الأيام · 2013-07-15, 01:28

الراجل تعجبه 100 ويدي وحدة

وزيدي تعجبيني ليست كلمة بلي نحبك وحاب تكوني زوجتي

تعجبيني ربما فيك خصلة شابة

ادا جاك للدار يعني ناوي الحلال

halima d · 2013-07-15, 10:17

السلام عليكم
القصة انتاعي تشبه لقصتك انا كنت مع واحد الطفل وكنا متفاهمين بزاف و زيد هو كان دايما يحكي لي على الزواج مي انا كتن دايما نقول لو مزال حتى نكمل قرايتي المهم هو يخدم بعيد و المرة الاخيرة كي جا حابني نخرج معاه لبيدزيريا مي انا كنت دايما نقول لو غدوا و هاكاك حتى كملت الفاكونس انتاعو المهم من بعد عيط لو قالي شكون معايا انا كوبيت و من بعد عيط لي مي انا ما ريبونديتش المهم وحد المرة عيط من نيمرو واحد اخر ريبونديت سمعت لافوا نتاعو حطيت البورطابل وخليتو ههكاك المهم هو قالي من بعد انتي كنتي تتمسخري بيا و انا بقات فيا رحت عاودت لو باه نهدرو هز عليا واحد اخر و قالي هاد البوس هادي عام عندي وما تزييش تعيطي انا ما عيطتش من داك اليوم مي دايما نحس روحي صح ظلمتو و انتوما واش رايكم ؟

hamza touazi · 2013-07-15, 10:59

ياحي نندب الله يهل عليه خليك منو ادا عينو فيك يدخل من الباب نتي متعمريش راسك بيه اصلا ومتظليش تعسي فيه اوووووك التاي بروحك ادا صح ناويك يجي لداركم وانسايه ومكلاه ظلي تسقسي ناس عليه باسكو كاين بيكدبو وميقولوش صح

Assouma 93 · 2013-07-15, 15:55

انا يظهرلي اخطيك منو هذا اكيد غير نتاع شيرات متعبيش روحك على جالو و اطلبي ربي يجيبلك احسن منو اللي يستاهلك نتاع الصح و ربي يكون معاك ان شاء الله