اريد عمل مشروع صغير بـ 20 مليون

[tateb]

رحله الف ميل تبدا بخطوه
ابدا بالمشاريع الصغيره و الرزق على الله

[loulou02]

إفتح محل صغير للأكل السريع

[the_leader]

المشاركة الأصلية كتبت بواسطة julien2013

و عليكم السلام

1-أفتح محل حلاقة يكون متحضر نوعا ما + 2 عمال، الحلاقة فيها ربح ما شاء الله.
والله راي الحلاقة ولاو يجيبو خير وبركة

2- مكتبة (معالجة نصوص + طبع مذكرات تخرج ميموارات ...الخ) لا تحتاج لمستوى دراسي عالي أو ديبلوم... 2 ميكرو + 2 أمبريمونت lbp6000 و خلاص.
المشكلة في بلاصة المحل لازم تكون فيها الخدمة

3-أو ننصحك بالفلاحة. إذا عندكم ارض ، دير فيها جزر + بطاطا + طماطشش+ فلفل... و اذا ماعندكش سيارة اشري fiorino و بع الخضر كيما قال الزميل.

هاذي تليق في بلاد الماء لكن في بلادنا كاين غير المالح

المشاركة الأصلية كتبت بواسطة عذراء الجبل18

خويا 20 مليون قلال بزاف
نقولك عليك وعلى التبزنيس , بزنس في التيليفونات في الاكترونيات المستعملة عام عامين تكبر راس المال وتفتح مشروع باهي
هيا الخطوة الأولى هي الصعيبة واذا صبرت تقدر تكمل وتربح كتر
وننصحك لازم تكون فحل وخدام قلب ورب اذا فنيان نقولك راك راح تخسر من ذرك
ربي يوفقك

المشاركة الأصلية كتبت بواسطة tateb

رحله الف ميل تبدا بخطوه
ابدا بالمشاريع الصغيره و الرزق على الله

المشاركة الأصلية كتبت بواسطة loulou02

إفتح محل صغير للأكل السريع

محل أكل سريع بـ20 مليون؟ هاذا ولا ريستو ههههه

شكرا جميعا على المساهمة في الموضوع
في انتظار افكار اخرى

[خيري]

اعطني 20 مليون أتاجر بها القشبية والبرنوس وبعد عام نتحاسبوا

[يا الله احبك]

المشاركة الأصلية كتبت بواسطة خيري

اعطني 20 مليون أتاجر بها القشبية والبرنوس وبعد عام نتحاسبوا

هههههههههههههههههه ماشاء تاجر بجد

[-رودينا-]

ربي يباركلك فيهم ان شاء الله
1- محل صنع وبيع الحلويات مشروع مربح والحلويات عليها طلب كثييير ع العام مناسبات الله يبارك
2- بيتزيريا
3- محل خياطة ابدي بالامور السهلة وامبعد يكبر المشروع وان شاء الله يصبح مصنع
4- محل لبيع المواد بالجملة في بلادنا الماكلة والبسة والمكياج
بالنسبة ل 1+3 لازم يكون عندك دبلوم في الصنعة

[العقلية]

افتح محل للاكل السريع ، عام عامين يكبر و يولي فور
الشعب يحوس على الماكلة ، شوف بلاصة نشيطة و افتح فيها .

[beladel]

إذا كان السن تاعك صغير .... أدخل الى التكوين المهني من أجل الحصول على حرفة ثم استثمر المبلغ تاعك في المرحلة الثانية

[the_leader]

المشاركة الأصلية كتبت بواسطة خيري

اعطني 20 مليون أتاجر بها القشبية والبرنوس وبعد عام نتحاسبوا

الله يبارك تعجبني القفازة بصح تاجر قافز كيما انت وماعندوش 20 مليون ؟ هههه نتمسخر برك

المشاركة الأصلية كتبت بواسطة -رودينا-

ربي يباركلك فيهم ان شاء الله
1- محل صنع وبيع الحلويات مشروع مربح والحلويات عليها طلب كثييير ع العام مناسبات الله يبارك
2- بيتزيريا
3- محل خياطة ابدي بالامور السهلة وامبعد يكبر المشروع وان شاء الله يصبح مصنع
4- محل لبيع المواد بالجملة في بلادنا الماكلة والبسة والمكياج
بالنسبة ل 1+3 لازم يكون عندك دبلوم في الصنعة

للأسف انا لا أملك من الحياة الا دبلوم جامعي لا يسمن ولا يغني من جوع
وراني نادم لي ماتعلمتش مهنة والا حرفة

المشاركة الأصلية كتبت بواسطة aboubaker48

بالنسبة لكلمة حرام اتمنى ان تتاكد لانك قلتها بكل بساطة لا كن و الله كبيرة
اتمنى انك تعطين مصدر هذه الفتوى

عاود اقرا ردي تلقى "يقولو حرام"
خليني نسقسيك وشرايك في الشات؟ حرام؟ والفيديوكليبات والأغاني حرام؟
واللي يدخلو للسيبار وش داخلين يديرو (حاشى الصالحين)؟ يقراو قرآن والا يديرو بحث علمي؟!

[djaber2000011]

وش رايك تشري بيطونية /خلاطة اسمنت / وتكريها خالي شاري وحدة يكري فيها النهار ب 150 الف
و كين اللي يكروها ب 250الف للنهار اللي تخدم فيه

[the_leader]

المشاركة الأصلية كتبت بواسطة djaber2000011

وش رايك تشري بيطونية /خلاطة اسمنت / وتكريها خالي شاري وحدة يكري فيها النهار ب 150 الف
و كين اللي يكروها ب 250الف للنهار اللي تخدم فيه

البيطونيور تسوى أكثر من 20 مليون والا لالا؟
سحال سومتها؟

[djaber2000011]

المشاركة الأصلية كتبت بواسطة the_leader

البيطونيور تسوى أكثر من 20 مليون والا لالا؟
سحال سومتها؟

على حسب حديدها وميتورها ونضافتها
كاين اللي ب 22 مليون وكاين اللي ب 25 والغالية الغالية ب 28

[الخضر]

اخي the leader المبلغ ماهوش هو المشكل اتبع ما قاله المثل الصيني المثل يقول اذا كنت لاتمتلك ابتسامة فلا تفتح دكان اي مشروع بدايته المعاملة الحسنة
عندنا اخ نقولولو السلفي والله تدخل بلا ماتشري تتمنى تاخذ الدكتان باكمله من المعاملة الطيبة وهو مشهور عندنا يقلك عند اشري معندكش ادي ونستناك ياخي اتبع الفصول اي كل فصل بتجارة معينة وانت اعلم نحن على ابواب الدخول المدرسي قريبا اشتري لك عدد من المحافظ والكراريس والاقلام تاجر متجول في الاسواق انها بداية تجارة مربحة بدل الخضار بحيث فيها خسارة عندما لاتباع وانت اعلم بذلك ومدمت نويت بالعمل الحلال فاعلم ان الله معك اليك تجارة اخرى مبذربحة اكثر من الاولى العطور وما يلزم من الاطفال من الحفاظات وبيع بالجملة وستر ى المال يدق باب منزلك دقا وهذا بتجربة جار لنا والله الموفق الله يعاونك ....

[samira135]

بما إني من الجلفة نقدر نمدلك افكار تمشي في ولايتنا

1- افتح مكتبة عند الجامعة "دير فوطو كوبي" وديرها ب 2 دج ديجا لي ثمة دايرينها ب3 دج ولاشين مانحكيلكش في اليوم على الاقل يجيب مليون

2- افتح بيتزيريا عند الجامعة ولا موقع يكون مليح

3- افتح محل بيع الحلويات ومذابيك تكون الحلويات مصنوعة في دار تعامل مع وحدة ولا زوج هما يخدمو وانت بيع ماشية ومربحة يااااااسر وعلى ضمانتي واذا عجباتك هذي الفكرة قلي نشوفلك لي يخدمولك

بالتوفيــــــــــــق

[فارغ شغل]

السلام عليكم
احسن فكرة نشوف فيها من وجهة نظريافتح محل للوجبات السريعة
فى الجلفة الجديدة
يكون نقي ونظيف وماذا بيك تخيرو فى طريق مقابلة لي تدي للجامعة
وردلي بالخبر
ديجا كاين واحد برك يبيع الوجبات السريعة ثم
والربح الله يبارك
حاول ونوع واصبر عليها
ان شاء الله تلقا فكرة تعجبك