عاونوني راني كرهتتتت

[أمال123]

حنونتي ننصحك تكملي في شعبة العلووووم بيسك كن تدلي تولي تعاودي من جديد القرايا أم دوكا زيدي بازي غير على النقائص نتاوعك مثل الفلسفة و الإنجليزية و ان شاء الله ربي يوفقك أختي
و اذاا مزالك متردااااا صلي صلاة الإستخارة و ان شاء الله يكون معاك

[صقر الشرق]

المشاركة الأصلية كتبت بواسطة رحيل الجزائرية

السلام عليكم
خاوتي انا علمية فوت الباك مرتين وماديتش ونفس المشكل نخدم وممبعد نلقى روحي راسبا
نصحوني قالولي دي9رادي ادبية
واش بالكم انصحوني بلييييييييييييييييييييييييييييز اني حصلت
انا راني ضعيفة فالفرنسية والانجليزية
والفلسفة باينة ماشي كي العلميين
هاد المرة ديت 10 فالفرنسية
والانجليزية 7

يا أختي الكريمة أنت الآن تمرين بنفس الحالة التي مررت بها ......عقبت الباك مرتين وما جبتوش malgré كنت نقرا مليح وموجد روحي bien للباك العام لول جبت 9.28 والعام الثاني جبت 9.98 يعني بإختصار ماكانش كاتب يأست وقلت الباك هذا مانزيدش نعاودوا خلاص...ومع الوقت بدلت راي وعاودتو ليبر وفي نفس الوقت مركيت في باكالوريا جامعة التكوين المتواصل ا والحمد لله ديتهم في 2 واحد ب11 ولوخر ب12.27 وذرك راني متخرج بليسانس قانون أعمال وماستر لغة وأدب عربي وعمري لا يتجاوز 25 سنة . ودرست في إكماليات وإبتدائيات كأستاذ مستخلف.........................بإختصار يا أختي ما تيأسيش من رحمة ربي الخالق عمروا ما يضيع بالاك العام هذا تجيبيه بمعدل كبير. وفي ما يخص تغير الشعبة أأيدك في هذا ولا تخافي من الفلسفة راهي حفاظة برك يعني كوبي كولير وبرنامجها ماشي طويل ياسر مايخلعوكش ماكان ماكان وفي ما يخص الفرنسية والأنجليزية مايهموش اأنا ديت في الفرنسية 7 والأنجليزية 5 وفي الفلسفة14.5 وفي اللغة العربية 14 وفي التاريخ والجغرافيا 11 وفي الرياضيات 17 وفي الرياضة 18.25 وجبت الباك ب 12.27 المهم أنت عملي على ربي وعاوديه. صديق درس معي يكبرني ب6سنوات كان علمي وغير للأدبي ودا الباك وكان من الأوائل في الجامعة . بالتوفيق وبربي العام الجاي تفرحينا بخبر نجاحك يا رب أنت وجميع الأشخاص الي محالفهمش الحظ

[رحيل الجزائرية]

شكرا خاوتي رب يحفظكم ليا انا راني درت استخارة وان شاء الله تجي فالصواب
فالحقيقة انا ماعندي مشكل حتى فمادة المشكل الوحيد عندي اني نخدم اخر ونطلع ماديتش النقطة سيرتو فالالرياضيات والعلوم والفيزياء واحد يقلي منهجية واحد يقلي التصحاح والله مانعرف
فالادب جبت 11.5صدقوني قريتها ليلة الباك فرات
الاجتماعيات حفظت ونسيت وممبعد ديت 10 فالفلسفة ديت 6.30 بتحليل نص الشريعة 12 اما العلمية صححلي استاذي ؤياضيات قالي تدي 14 ديت 4 والعلوم ديت 6 والفيزياء 6.30 ومانيش عارفة منين جاوني

[ميسون 1997]

ربي معاك ختي يقولك الباك زهر كاين لي يديه من العام لول وكاين والله ويعاودو 10 مرات ما يديهش وختي يلى ماديتيش الباك ماشي هنا حبست الدنيا تنجمي ديري حوايج وحداخرين

[طامح الى العلى]

ربي معاك اختي مي ادا تاخذي رايي غير ابقاي علوم على خاطر راهي
عندك تجربة و راكي نوعا ما متمكنا مالدروس عندك غي شويا نقائص
اداركيهم على خاطر كن ديري ادب راح تولي ل 0 كي قبيل
بالتوفيق انشاء الله

[ايمان فلاور]

اذا كنت من النوع لي يحفظ من الافضل تبدلي للادب ...انا كنت علمية ومجبتش الباك ومبعد بدلت ادبية وجبتو بمعدل مليح والدراسة في الادب جاتني ساهلة على خاطر كنت علمية .....فقط ننصحك في الادب تهتمي بالفلسفة والادب طبعاا والاجتماعيات ....اما الرياضيات في شعبة الادب جد سهلة .

[اسيا26]

بالتوفيييييييييييييييييييق

[بلخير الزيدي الذيب]

المشاركة الأصلية كتبت بواسطة رحيل الجزائرية

السلام عليكم
خاوتي انا علمية فوت الباك مرتين وماديتش ونفس المشكل نخدم وممبعد نلقى روحي راسبا
نصحوني قالولي دي9رادي ادبية
واش بالكم انصحوني بلييييييييييييييييييييييييييييز اني حصلت
انا راني ضعيفة فالفرنسية والانجليزية
والفلسفة باينة ماشي كي العلميين
هاد المرة ديت 10 فالفرنسية
والانجليزية 7

جّرب عسى الله يكتب لك النجاح
المشكل ليس فرنسية او إنجليزية
المهم المواد كلها
أدب تاريخ جغرافيا فلسفة رياضيات وغيرها
الله يوفقك لما يحبه ويرضاه

[أم أسيل الاثرية]

انا من راي ديقرادي خير

[koukou95]

اختي حاولي تحسين مستواك في اللغات بالمطالعة

[سليمان سونيك]

زورونا لنتعاون معا https://trial.123flashchat.com/solaimanchat/

[رحمة من المولى]

ربي يسرلك امرك

[rafife ben]

يا اختي منصحكش ب اداب و فلسفة اقعدي ف شعبة العلوم و ديري دروس خصوصية و لا تيأسي ابدا و انشاء اله العام ادا تديه بربي

[Ahlem MRG]

لوكان تروح آداب وفلسفه تباسي
يا اختي لوجه الله ابقاي كيما رآك وحااولي
وإدرسي باجتهاااد اكثر
اختي ستندمين لا تغيري
ادعي لله

[fati13]

ربي يكون معاك ان شاء الله هدا لعاااااااااااااام تنجحي