ساعدوني أريد حلا عاجلا

[baalache]

كلش ب السيف غير المحبة الي مشي ب السيف اختي

[biologie2001]

اولا وقبل كل شيء استخيري فما خاب من استخار و ماندم من استشار

نصيحتي اليك اختي الكريمة ان لم ترتاحي له فلا داعي للتكلم معه و انهي القصة الان ..... و من يقول انك في سن 34 اقول له تبقي هكدا عزباء معززة مكرمة في بيت اهلها افضل من الزواج بشخص غير مرتاحة له و لا قدر الله ممكن ترجع مطلقة .... ايهما افضل عزباء ام مطلقة ؟؟؟؟؟؟

[بسمة تحدي]

استخيري وتوكلي ع ربي سبحان

مترميش بك روحك

راك في دار بابك معزة ومكرة

اكثري من الدعاء والاستخارة وخاصة واحنا ع ابواب شهر رمضان

واكثري الاستغفار

[*نسيم الفجر*]

عندك حسنة ان قبلت بيهه هذا رايي......

[souso30]

اختي ميخلعكش محل مجوهرات المهم الاخلاق و القيم و المبادئ و مستوى التفكير لاننا ابن ادم يكون راقي بحديثه و تفكيره و شخصيته تظهر من اول كلمة يقولها استخيري رب العالمين و اكثري من الدعاء و متقوليش عندي 34 سنة يفوتك القطار احسن من ان يصطمك القطار هده حكمة قالها احد ادكاترة و احد الشيوخ و الدعة الكبار

[basma09]

حبيبتي مازالكي صغيرة وشكون اللي حدد سن تاع الزواج والسن تاع المرا كي خلاص يفوتها القطار تاع الزواج
شوفيييييييييييييييييييييييييي ماديريش كامل الهدرة تاع الناس في بالك راكي صغيرة و زيد متقفة وخدامة واش يخصك باه تعيشي حياة ماراكيش قانعة بيها و لا مع انسان ماراكيش مرتاحتلو
علي ل حال مازال الحال بباه تتاكدي مليح لازمك تصلي صلاة الاستخارة كي تقدري و ادعي ربي و اذا كان كاتبهولك ربي غير هو اللي تديه لانو اكيد شايف ربي فيه خير ليك و اذا لا لا راح يبعدو اعليك
ربي يهني بالك حنونة

[دعاء شيماء]

ومبعد عندو مستوى الثامنة اساسي واذا كان فيه عيب خلقي انتي اصلا جبدتي العيوب قبل ما تشوفي المحسنات
المستوى عمرو ما كان عائق انا عندي ماجستير في القانون الجنائي وخطيبي عندو مستوى السادسة ابتدائي لكن لقيت فيه الرجولة والالفهامة خير من الانسان القاري
ثاني حاجة متحكميش عليه من اول او ثاني مكالمة لانك انتي اصلا راكي ماكيش مقتنعة بالشكلوهذا خلق ربي سبحانه

اذا رفضتيه لهذه الاسباب راح تندمي اشد الندم لانه عن تجربة

خطيبي رفضوه من اجل المستوى ولكن ذرك الحمد لله ربي فتح الابواب من كل جهة

المثل يقول العود الي تحقريه يعميك
ومتحاسبيهش على اسلوب الكلام لانه ماهوش قاري كيما انتي يعني متتوقعيش راح يكلمك بثقافة الطلبة
وانتي الي راح تخليه يتغير في الكلام هو انك اذا قدرتيه كرجل راح يديرك ملكة

[هبة الله 26]

السلام غليكم
اول شي الاستخارة
ثاني شيء اسالي غيه المقربين منو وخاصة الرجال وجيرانو في المحل لي يغمل في