ماهي أحسن طريقة لحفظ المربى

[سليلة الغرباء]

المشاركة الأصلية كتبت بواسطة المتألقة

السلام عليكم

لما تطيبي المربى خليه يبرد ثم عمريه في بلارات وضعيه في قدر يطيب مابين نصف ساعة حتى ساعة

وطفي النار وما تنزعيش البلارات من القدر حتى يبرد الماء باه ما يتكسروش

أنا راني نستعمل هذه الطريقة في حفظ المربى وصلصة الطماطم اللي نحضرها في البيت

البلارات نتاع الحمص أو مركز الطماطم

شكرا لك وبارك الله فيك على الفوا ئد الممتازة

[souma roua]

من لافضل احتفضي بيه في بلارة نتاع الزجاج وكي تجبدي منو بالمغرف مالازمش ترجعي المغرف فيه ولا المعجون الفاضل مالازمش ترجعيه للبلارة

[سليلة الغرباء]

المشاركة الأصلية كتبت بواسطة souma roua

من لافضل احتفضي بيه في بلارة نتاع الزجاج وكي تجبدي منو بالمغرف مالازمش ترجعي المغرف فيه ولا المعجون الفاضل مالازمش ترجعيه للبلارة

شكرا جزيلا على النصائح بارك الله فيك

[lahna moka]

كي تكوني توجدي فيه احرصي على نزع الرغوة كي يكون يطيب. خذي علب زجاجية و عقميها ,و التعقيم بوضعها في طنجرة بها ماء مغلي و خليها 20 دقيقة ثم انزعيها بدون أن تلمسيها من الداخل واقلبيها أتركيها حتى تجف تماما لأن قطرة ماء تفسد المربى (من الأفضل انجاز هذه العملية ليلة من قبل) و بعد نضج المربى نفرغه في العلب و هو ساخن ثم نغلقها (غطاء العلب يكون أيضا معقم)و نقلبها و نتركها حتى تبرد تماما ثم ندخلها الى الثلاجة.كي تفتحي العلبة تسمعي صوت "تك" كيما اللي يتباعو.

[سليلة الغرباء]

المشاركة الأصلية كتبت بواسطة lahna moka

كي تكوني توجدي فيه احرصي على نزع الرغوة كي يكون يطيب. خذي علب زجاجية و عقميها ,و التعقيم بوضعها في طنجرة بها ماء مغلي و خليها 20 دقيقة ثم انزعيها بدون أن تلمسيها من الداخل واقلبيها أتركيها حتى تجف تماما لأن قطرة ماء تفسد المربى (من الأفضل انجاز هذه العملية ليلة من قبل) و بعد نضج المربى نفرغه في العلب و هو ساخن ثم نغلقها (غطاء العلب يكون أيضا معقم)و نقلبها و نتركها حتى تبرد تماما ثم ندخلها الى الثلاجة.كي تفتحي العلبة تسمعي صوت "تك" كيما اللي يتباعو.

لكن أختي كاين أخوات قالوا أن نفرغ في البلارات المربى ومن بعد نغلق البلارات ومن بعد نغليهم

عموما شكرا للنصيحة أيضا