اردت الزواج لكن ,,,,,

[isma84]

السلام عليكم بالنسبة لي انت لم تخطيء و ما عملته هو الصحيح بنظري هاته الفتاة راهي تتقلش برك و ماكانتش تقارع لهذا الشي اما عن الدراسة هي مجرد عائق و فقط كاين بزاف بنات متزوجات و مخطوبات و يقراو نورمال انت راك قلتلها اللي راك ناويه انا من رايي خليها للكبار فاتح الاهل تاعك و حددوا نهار و روحوا خطبوها رسميا من الاهل تاعها و اللي فيه الخير يديره ربي سبحانه و من الاحسن انك مادخلش الواسطة مثلا بنت عمتها و لا صديقاتها لانوا كاين اللي غيارات و قادرين يخسروا عليك لانوا انا صرالي نفس المشكل قبل ما يجي للدار راحوا شيطنوا عليه الدار ندعيلك ربي يوفقك و ادعيلي معاك ربي يفرجها علي و انت اللي قمت بيه كان بدافع الحب خمم بعقلك و ماتندمش انت اللي عليك درته و لا كانت هاذي البنت من نصيبك راح تكون ليك و هذا اللي نتمناوه ان شاء الله رانا ننتظروا منك الخبر المفرح في القريب الاجل ان شاء الله و شكرا

[السي محمد]

تريد إكمال دراستها ...ربي يوفقها

هي غضبت لان البنت لما تكون تدرس في الجامعة تكره ان ياتي إليها الخُطاب

فهذا يجعل والديها يفكران في تزويجها بما ان هناك من يخطبها

لكن لما تدرس بدون أي خاطب

تواصل تعليمها عادي بدون اي معارضة من الوالدين أو الاخوة الذكور خصوصا

[FellaD]

يا اخي. يعيطلي واحد او يقولي حبيت نخطبك في رأيك

واش نقولو نقفل عليه. بلا منشرحلو اصلا

انتا اتقدم عند الرجال. ولي امرها. خير او خير مدام ناوي لحلال

اما من جهة اخرى. اظن انها مبرمجة انها تكمل ماستر. سما دير حسابك الا. خطبتها تخليها تقرى. براحتها

[naima40]

A mon avis roh okhtobha min walidha,radha fi telephone pasque hadi bent moutadayina w lhadra maa insane garib andha maana akhar surtout ida rahi mine nawe moutachadid malgré rak kased lhlal,mais ida hab sah troh direct l darhom mahma kan radha,w rabi ywafkak.

[الجزائرية 2010]

صراحة عندها حق لانو ممكن تقول بالاك راهو يتمسخر ولا
عليها حبت تليكيديك

وهدا تصرف يدل على اخلاقها العالية لانها لو كانت مثل اي بنات كون شدت معاك في الخط وبدات تقسر
فانت حاول انو تفهم موقفها..
وروح اخطبها من دارهم مباشرة.وخلااص

[ميمي سمية]

توكل على ربي وروح لدارهم واحكي مع باباها

وحاول تفهمها وش كنت قاصد من حكاية التلفون