يا التلمسانيات والمغناويات مطلوع وعليه الكلام - الصفحة 2

سيليا22 · 2013-06-24, 21:16

مشكووووووووووووووورة اختي وصال تستاهلي بوسسسسسسسسة مووووووووووووووووواح

طهراوي ياسين · 2013-06-24, 21:19

المطلوع التلمساني شان وهمة وبنة

سيليا22 · 2013-06-24, 21:24

ايييي مدونا الوصفة والطريقة

ilhemaya · 2013-06-25, 13:53

اش هو الكراااااااااااااس

sosou13 · 2013-06-25, 14:40

الكراس يجي دائري مصنوع بالحلفا تعرفو واش هي الحلفا ؟
بزاف الي ما يعرفوش واش هو الكراس المهم
كاين الي يطلعو الخبز في لوح دائري اي مصنوع من اللوح
للاسف ما عنديش كيفاش نصوره وتشوفوه

oum asmaa · 2013-06-25, 17:10

السلام عليكم ورحمة الله وبركاته
الطريقة بالتفصيل
المقادير
فرينة
ملح
خميرةالعجين
ماء دافئ
أنا المقادير عيني ميزاني
سميد

الطريقة بالتفصيل

في قصعة العجين حطي الماء الدافي والملح ودوبي الخميرة حوالي ملعقتين كبار
وبداي تطي فالفرينة تدريجيا بيد وتخلطي لعجين بيد أخرى حتى تحصلي على عجينة رخوة مش قاصحة نجاح المطلوع نتاعنا يحذجي جاري لكن مش بزاف
وخليها ترتاح شي 10 د
من بعد خبطيها وشوفي غذا لازمها الماء او لا
غطيها مليح وخليها تخمر

حطي قدامك طاس فيه الماء الدافي باه تقطعي لعجين
وطبيقة فيها السميد رقيق
وطبيقات صغار باه تحطي لخبيزات بعد ما تقطعيهم وتطيهم فالسميد

شمخي يديك مليح من بعد قطعي الخبزة وكوني خفيفة فهذ المرحة باه متلسقش في يديك
قطعيها من لعجين ولميها لداخل بحيث تحصلي على كرة بسرعة

منين تلميها راه تكون الجهة الي قطعتي منها من تحت وتكوني قفلتيها حطيها فالطبيقة نتاع السميد وغلفيهابيه

وقلبيها لطبيقات أو طاسات او باسينات الي متوفر أنا نديرلهم قطعت قماش باه متلسقليش
وخليهم يخمرو من جديد

هدو مين خمر الخبز

في هذا الوقت ديري طاجن الخبز فالغاز نتاع الارض يحمى
وشعلي على الكوشة
قلبي الخبزة من الطبيق الصغيرة على لوحة دائرية ونفضيها من السميد وقلبيها
من بعد ارميها فالطاجين
وحليها بيديك وثقبيها
وساعة على ساعة حركيها بتدويرها بالطاجين

منين تشوفيها ولات تقريبا شفافة من الاطراف ودارت فقعات من الوجه دخليها للكوشة تحمار من الفوق وتكمل الطياب

وهذا مطلوعنا منين يطيب
هو حقا في التعب لكن يجي بنين وخفيف
وهو معروف في ولاية تلمسان
خصوصا مغنية

لا تنسوني في صالح دعادكم

ملاحظة الموضوع منقول اختى الفاضلة

ilhemdetlemcen · 2013-06-25, 19:58

ana nakadmo bssmid rkike
2abare smide rkike
1abare farina
kamirate kobze +milhe yodlake mlihe tkalihe yartahe 10dakaeke toma tarjii tadalkihe oi tkari al amalia kol mara yartahe 10 d toma taarki kalilane kolma taarki adade el marate bazafe yji kfife oi hchiche
molahada: lazam yji jari ala kobze adare taamli kbizate tfandihome fi smide yakamro thotihome bibote fi tajine fi four mosakane oi harara alya tom tankssi llforne bade ma yantfake samhini okti la aarifeidraje sooire oi el kitaba bial arabia lama ntalame ndire maoidoe mofassale la zilto odoi jdida rahe nfidkome bi achyae ktira tkosse tlemcen incha allah

سيليا22 · 2013-06-25, 21:02

مشكوووووووووووووووووورات اخواتي ربي يحفظكم

om mouhamed · 2014-01-04, 11:43

قداااااااااااااااااااه و انا نحوس عليه.شكرا

wafaa22 · 2014-08-09, 01:04

hayel w bine ya3tic saha oukhti

Simassim · 2014-08-10, 12:28

السلام عليكم اختي نمدلك مقادير اللي نديروه فالدار
كيلة ماشي معمرة فرينة ونزيد نعمرها بالسميد ملح خميرة الخبز وشوية سكر والماء دافئ
والطريقة نفس اللي حطمتها الأخت ام اسماء

مكن تخدمي بدقيق القمح تنقصي شوية من عبارالفرينة وعوضه بالقمح

اليكسندرا · 2014-08-10, 16:17

شكررررا على الإفادة

ام لوجين وهديل · 2014-08-11, 00:24

مشكورة كل من شاركت وافادت انا نخدمو مليح لانني سكنت فى تلمسان وتعلمتو

الامل نور · 2014-08-11, 08:46

44444444444444444444444444

amoulabougoufa · 2014-08-11, 15:59

طريقة هايلة يعطيك الصحة