مساعدة في حياتي

[مشكلتي]

السلام عليكم و رحمة الله تعالى و بركاته

سوف اسرد لكم حكايتي و انتظر نصيحتكم و توجيهاتكم

انا ذكر عمري 20 سنة تعرفت على فتاة من خلال الهاتف منذ حوالى 4 سنوات و هي الان عمرها 23 سنة

المهم علاقتنا في البداية كانت متقطعة و اغلب الحديث ( فقط دردشة لا اتصالات) عن الدراسة و التكنولوجيا و بعد حوالي السنة من العلاقة حدثت مشاكل بين والديها فحدث الطلاق بينهما. و من ثم قطعت الفتاة العلاقة حوالى سنة كاملة.

عندما اخذت شهادة الباكالوريا في 2010 و دخلت الى الجامعة و اطن انه في سبتمبر 2011 اتصل بي رقم مخفي و كانت فتاة و قالت لي انا تلك الفتاة في الحقيقة لم اعرفها و بدات تقول لي عن علاقتنا السابقة حتي اقتنعت بانها هي.

المهم بدانا تبادل اطراف الحديث مدة شهرين ثم عندما وجدت انني متوافق مهعا اخبرتها انني انوي الحلال و اخبرتها ان تخبر امها و امي تحدثت مع امها ووافقت كيما يقولوا ( حطيت عليها او حطيت الكلمة).

بعد فترة من الزمن بدات الفتاة تطابني بان اتزوج بها عاجلا بالرغم من انني فهمتها و اقنعتها بانني سوف اتاخر لانه لازم نجيب شهادة المساتر + الخدمة العسكرية + على الاقل عام باش نوجد روحي

بصح هي صمطتها من الالحاح و كنت صابر عليها حتان تخرجت هي و بدات تخدم في صبيتار
واحد المرة كانت في الخدمة و نسات الهاتف نتاعها في دارهم و انا بقيت نعيط لكن بدون اي جواب ملا عيطت لامها بش نسقسيها على بنتها و كنت متعود نعيط لماماها باش نهدر مع الفتاة و الفتاة متعودة تعيكلي بتاع يماها. مي يماها محبتش تريبوندي و طفا الهاتف تع ماماها و تع الفتاة.
توسوست انا ملا سييت نعيط بالماسكي الهاتفين صوناو و تاني تع الفتاة هزت عليا هي.

بعدين كوبيت و اسنيت حتان تعيطلي هي و بعدين عيطتلي و بدات تلوم فيا بلي انتا صامد و jو تكره الواحد بالتليفونات...قلت معليش و فوتهالها.

بعدين ماسييتش نعيطلها باش منوليش صامد و اسينتها باش تعيطلي فاتت اسبوع بلا حتا اتصال.
بعدين واحد اللمرة عيطتلي و قاتلي بلي انتا ماشكلي و ماما كسرتلي تلفوني النتاعي قلتلها علاه
قاتلي بلي باباها لقا اتصالات مخفية (appeles en absence mais masque) في تلفون تع ماماها و تقلق منها و راهم في مشاكل. ملا ماماها جات لبنتها و كسرتلها تلفونها و قالتلها متزيدش تهدر معايا !!!!!

دركا عدنا قريب شهر مهدرناش
لقيت روحي مرتاح نفسيا و وليت نخمم و نقول راني نربط في روحي بزاف و تاني هي حبا تتزوج و انا حاب نتزوج معاها مي حاب نقرا و نلحق لاكثر بعد في القرايا لان الدولة نتاعنا لهادرا غير بالشهادة و كون نحبس قرايتي يجي النهار لي نندم فيه .

و بالتالي اطلب نصيحتكم

منيش حاب نكون اناني و نحيلها شبابها لانها عمؤها 23 سنة و باش نلحق انا يولي عمرها 26 او 27 سنة
و انا عمري 20 سنة و العام جاي ندخل اول مستر ( داخل 04 سنوات للبتدائية )
و هذه اول علاقة لي مع فتاة و انا حاب نكمل معاها حياتي

واش رايكم واش ندير ؟