لحابة تتزوج لازم تكون خدامة و مرسمة - الصفحة 2

madoucha · 2013-06-18, 08:04

للاسف انها الحقيقة وهذي صراتلي شخصيا انا استاذة مرسمة و قبل ما نترسم واحد ما خطبني وكي ترسمت هجموو عليا كي النحل
بصح ماتلوميش بعض الرجال المعيشة صعيبة و الزمان يحتم عليه مرا تعاونو ماشي تخدم عليه

بسمة تحدي · 2013-07-05, 11:11

انا تاني صراتلي العام الماضي

كنت متربصة جات وحدة التلميذ قاتلي يا استاذة انتي مرسمة قلتلها لالالا مزال

قلتلها وعلاه قاتلي خالي يحوس على وحدة مرسمة

مشى الوقت وفي اخر السنة قرر المفتش يرسمني وكي اني مرسمة عاودت جات التلميذة

قلتلها لالا تربحي

madoucha · 2013-07-05, 20:43

اقتباس:

المشاركة الأصلية كتبت بواسطة بسمة تحدي

انا تاني صراتلي العام الماضي

كنت متربصة جات وحدة التلميذ قاتلي يا استاذة انتي مرسمة قلتلها لالالا مزال

قلتلها وعلاه قاتلي خالي يحوس على وحدة مرسمة

مشى الوقت وفي اخر السنة قرر المفتش يرسمني وكي اني مرسمة عاودت جات التلميذة

قلتلها لالا تربحي

حتى انا صراتلي
انا استاذة لغة فرنسية مترسمة جات ليا تلميذة تقرا عندي تخطبني لخالها هههههههه
استغربت جدااااااااااااا

souso30 · 2013-07-05, 17:36

اختي ماها كونترا نعرف بزاف بنات يخدمو كونترا وزوجوا وراهم عايشين مليح بصح غير مسكينة لي تقوم باشغال البيت اعني تشري كل شي

نور اليقين جيداء · 2013-07-05, 19:33

اقتباس:

المشاركة الأصلية كتبت بواسطة souso30

اختي ماها كونترا نعرف بزاف بنات يخدمو كونترا وزوجوا وراهم عايشين مليح بصح غير مسكينة لي تقوم باشغال البيت اعني تشري كل شي

يا اختي والله غير فرحت كي شفتك رد تاعك لي فات و لقيتك من مغنية ممكن نسقسيك

nouna l maghbouna · 2013-06-18, 09:36

ربي يهدي ما خلق

ناس i3ayeiiiiww

mohamed160 · 2013-06-18, 09:41

اقتباس:

المشاركة الأصلية كتبت بواسطة ayaamira666

السلام عليكم
هادي خالتي تحكيلنا على سلفتها كانت سلفتها في الخدمة و جات عندها صحبتها و قالتلها ولد خالتي حب يشوفك و يتعرف عليك و اذا كتب ربي راهو ناويك للحلال
قالتها مكاش مشكل
جا عندها السيد حكاو و تفهامو على كلش (بلاك 3 او 4 خطرات جا لعندها) و في المرة الاخيرة سقسها على الخدمة قالتلو مابقليش بزاف و تفدلي الكونترا
من تلك اللحظة ذهب و لم يرجع
المخلوقة مسكينة حارت قالت والله ماهدرت كلمة خارج الطريق و كنا متفاهمين
حبت تستفسر من صديقتها عن سبب الهروب المفاجئ (بحكم انو السيد ولد خالتها لصاحبتها) من بعد صاحبتها سقسات قالتلو واش بيك هربت واش صرا بيناتكم
قاللها والله ما صرا والوا و الطفلة مكان ماخصها بصح انا حاب ندي واحدة خدامة و مرسمة
رجعت الهدرة لصاحبتها حارت مالقات ماتقول
شوفو الوقت لوصلنالو ولاو الرجال يحبو المراة لتخدم ويزيدو يشرطو لمرسمة
وخالتي عندها 5 اولاد ذكورا كسمعت لحكاية قالتلي انا تاني و الله ما نخطب لولادي غير مرا خدامة مارانيش مهبولة نجيب عروستي قاعدا في الدار مرتاحة و ابني يخدم عليها و الله تاكل الرهج تروح تخدم على روحا ماشي ولدي يخدم و يتعب و هي مرتاحة هي تاني تخدم و تعاونو
واش رايكم فيه انا دخت

ههههههه هدا مريض على جل خلصة الكونترا

شيء من رجاء ! · 2013-06-18, 10:01

المرأة تتزوج لتكون في ظل رجل
إذا خرجا الاثنان من يبقى في الدار ومن يربي الأولاد
زمان يسير بالمقلوب

nono hydrau · 2013-06-18, 10:35

وكاين وين عارفها خدامة ومترسمة ويجي يخطبها ويقولها اقعدي في الدار
والله ما فهمنا رانا نشوفوا في العجب
ربي يعينك اختي ويجيبك ربي لي خير منه
وعسي ان تكرهوا شيئا وهو خير لكم

ayaamira666 · 2013-06-18, 17:03

اقتباس:

المشاركة الأصلية كتبت بواسطة nono hydrau

وكاين وين عارفها خدامة ومترسمة ويجي يخطبها ويقولها اقعدي في الدار
والله ما فهمنا رانا نشوفوا في العجب
ربي يعينك اختي ويجيبك ربي لي خير منه
وعسي ان تكرهوا شيئا وهو خير لكم

يا ماشي انا اختي علاش راكي تفايلي عليا
هذي خالتي تحكي على سلفتها
شكرا على الرد

الفلة البيضاء · 2013-06-18, 15:04

الي يحب فتاة زوجة له يقبلها كيما هي ماشي يشرط عليها الخدمة هذا جنون راكم تشوفو المظاهر وين لحقت

مريم الصابرة · 2013-06-18, 18:08

السلام عليكم اختي
ربي يهدي ما خلق صدقيني وإسمحيلي نضحك لأانو قصة تضحك وتبكي على وضع شبابنا حاشا البعض يعني هذا داخل على طمع هذا صرالو كيما هنا عندنا غير مدو علاوات للمعلمات إنخطبو كامل وحتى الكبارات كبرو وما تزوجوش تزوجو انوغرو هههههههههه راحت علينا اللي فالدار ما يدوش شومارا يدو المرسمات ثاني ماشي خدامة وخلاص ربي يهدينا وسن وصلنا
وهذي تهنات منو صراحة ما عندوش شخصية ربي يهدينا

ميمي سمية · 2013-06-18, 19:54

اختي انا ارى قصص في مجتمعي عكس هذه القصة

فهناك امراة اعرفها ارادت ان تزوج ابنها فوجد واحدة تخدم قالتلو لالا كي سقسيناها علىه

قاتنا مانجيبش لولدي المراة الخدامة لخاطر مبعدة تعود تهز في روحها عليه وتتمزى عليه

اترك لك التعليق.......

صفــاء · 2013-06-18, 20:05

الأغلبيــــــــة يردها متعلمة ماكثة في البيت

فأتعجب عندما أجد رجل يبحث عن امرأة عامـــــــــلة فأي رجولة هده

TOKYO · 2013-06-18, 20:21

يرحم والديك علاه نخدمو و نطيحو صحتنا و من بعد تاني لما نكبرو ندفعو فواتير المرض و ادوية وكاننا لم نعش حياة جيدا لم ندق طعم حياة لا حلوها و مرها و الزوج يعمل و زوجة تعمل و اطفال تربيهم حضانة و المدارس خصوصية و عيش انت و اكبر و من بعد لما يكبرو اطفال تتربي فيهم افكار الغرب و تقاليد غربية في نسخة العربية و من بعد نتحسر و نندم على العمل الزوجة
الله يجب الخير للامة هده