اخر كلمة بخصوص الباااااك

[سهيلة جنا]

لي راه يقول الباك نتاع الفلسفة ساهل يسكر فمو خير حنايا العادة معطاهالناش خلاص استادنا ومفهمناهاش فيها والحقيقة قالنا تحليل النص ونتم دكا راكم تقولو ساهل ولي راه يقول الفلسفة ساهلة اكيد نقل فيها وعلى هادي سكرو فامكم خير لخطريكش وجعتولي قلبي حاشا لي ميستاهلش اسمحولي بصح قلبي راهو معمر يرحم باباكم متزيدوش علينا

[homme mystérieux]

المشاركة الأصلية كتبت بواسطة سهيلة جنا

لي راه يقول الباك نتاع الفلسفة ساهل يسكر فمو خير حنايا العادة معطاهالناش خلاص استادنا ومفهمناهاش فيها والحقيقة قالنا تحليل النص ونتم دكا راكم تقولو ساهل ولي راه يقول الفلسفة ساهلة اكيد نقل فيها وعلى هادي سكرو فامكم خير لخطريكش وجعتولي قلبي حاشا لي ميستاهلش اسمحولي بصح قلبي راهو معمر يرحم باباكم متزيدوش علينا

اول حاجة لازم ديريها انت اتعلمي تهدري بلباقة مع الناس وثاني حاجة راكي كبيرة وعندك مستوى ثالثة ثانوي نورمالمون ماتهدريش مع واحد مد رايو بالاسلوب هاذا (يسكر فمو) وثالث حاجة كامل عندنا قلوب ورانا مقلقين و مانيش نديفوندي على وزارة التربية بصح المشكل فالاستاذ اللي ماقراكش ومافهمكش في العادة ورابع حاجة انا على الاقل احترمتك ورجعتلك ريبونس نورمالمون ماعندي مانهدر معاك
وربي يكون في العون والله المستعان

[سهيلة جنا]

انا راني محترمة روحي بصح نتوما ديرتولي قنطة هدا شي اكل وتزيدو ديرو لوم على التلاميد حسبنا الله ونعم الوكيل خسارة الهدرة معاكم

[homme mystérieux]

hhhhhhhhhhhhhhhhhhhhhhhh
merci rabi yahefdhek

[سهيلة جنا]

اسمحلي ادا قلقتك مي مدرش عليا مرانيش مليحا ربي يحفضك خويا

[homme mystérieux]

wlh wallo khti wa3lach n9ale9 rouhi w rabi ywaf9ek w nchalah l'anné prochain raki f l'université a sidi
mais 9teltini b khssara lhadra m3akom hhhhhhhhh

[الوفي غزة]

ههههههههههههههههههههههههههههههههه
من اراد العلى سهر الليالي
ومن زرع حصد
وليس من نقل انتقل ومن حددوا لع العتبة والدروس واحتمالها سينجح
فاين الله في كل ذلك ام انكم نسيتم القضاء والقدر وان الله هو من يوزع
الارزاق ويقسمها ولا غالب الا الله
ولا حول ولا قوة الا بالله

[mira best]

makanch manha as'ila tih kol 4 ans ana les langues 3awdona as'ila ta3 ihistoire geo 2011 mais nrml

[nibrasse 76]

اجمل ما في بكالوريا الفلسفة هذه السنة انها غير قابلة للغش = anti coupiage ...والاجمل اني كنت احرس يوم الفلسفة وكنت ارى كيف ينقلون مقالات

خاطئة وخارجة عن الموضوع وهم في لهفة شديدة .. كالعميان لا يفهمون شيئ ...مع ان علامتهم لن تتجاوز 4 من 20

السبب في انفعال الكثير وبكائهم ليس صعوبة الاسئلة وعدم دراستها او فهمها ...بل هو انهم لم يحضروا تلك المقالات معهم مع ملفات الزوم

...كما انه من الصعب جدا العثور عليها في الكتب الخارجية حتى وان استعانوا بصديق في الخارج ....فقط الذين يستحقون النجاح ومن

تعبوا فعليا وتابعوا دروسهم في القسم هم الفائزون .

[homme mystérieux]

والله غير كاينة منها خاصة السؤال الاول والله غير اللي نقلوه 90/ غالط
انا درت من راسي والسلام

[riadb1993]

المشاركة الأصلية كتبت بواسطة homme mystérieux

والله غير كاينة منها خاصة السؤال الاول والله غير اللي نقلوه 90/ غالط
انا درت من راسي والسلام

لي درتو نتا خويا صحيح .شوف التصحيح النموذجي لي طلقوه العادة تجي في موقف و الإرادة في الموقف 2 .....معلاباليش اسكو الغاشي لي قرى فلسفة قرى هاذي المقولة و لا لا ...الدولة جهاز قمع...

[homme mystérieux]

المشاركة الأصلية كتبت بواسطة riadb1993

لي درتو نتا خويا صحيح .شوف التصحيح النموذجي لي طلقوه العادة تجي في موقف و الإرادة في الموقف 2 .....معلاباليش اسكو الغاشي لي قرى فلسفة قرى هاذي المقولة و لا لا ...الدولة جهاز قمع...

راك تشوف ياخويا وقيلا ظهرت بلي المقالة اللي درتها انا صحيحة جامي زهرت ووقيلا بدات تدور لينا الدنيا هههههه

[riadb1993]

المشاركة الأصلية كتبت بواسطة homme mystérieux

راك تشوف ياخويا وقيلا ظهرت بلي المقالة اللي درتها انا صحيحة جامي زهرت ووقيلا بدات تدور لينا الدنيا هههههه

هههه عندك الحق.......بصح أنا مانلوم حتى واحد غير لمقراش و أصلا موضوع ساهل للفهامة العادة و الإرادة والحقيقية مخلطة شوية في بعضاها تستاهل وقت كبير باش تتفهم مليح ...أنا كاينين لي نعرفهم مقراوش عام كامل و جابوا عادي جدا من ريسانهم .....نفس السؤال طاحلنا في اختبار الفصل الثاني .ما يجيب ربي غير الخير إن شاء الله.

[rehab-dz]

على العككس ، اسئلة في المتناول ومراعية لكل انواع التلاميذ هاد العام ..متوسط وممتاز وضعيف..
وزيد الفلسفة ممكن صح العادة والارادة كارثة مي الحقيقة جدّ عادي وزيد من الموااضيع المُرشحة وش بيكم ..
والنص سهل مايكون لي ميعرفشي العادة والارادة ولا الحقيقة يروح للنص .. هكذا دارو هما كل الإحتمالات ..وراعاونا صراحة وفي كلّ المواد علاش الكذب ..
الحمدُ لله

[homme mystérieux]

صح عادي برك اللي مايقراش ومايتعبش بالذراع يجيه صعيب
اون+ انا ليبر ونراجع غير من المنتدى ولا من نيت لكرارس ماعنديش وبانلي نورمال