امر وارد الحدوث لكل الشباب (( يا ربي وما يصراليش ))

[غلام123]

المشاركة الأصلية كتبت بواسطة عبد االله مراد

وعليكم السلام ورحمة الله

ضربة بالفأس خير من عشرة بالحجرة

هذه هي ضربة الفأس : الأخ حسين ببدلة رسمية ايطالية الصنع + نظارات شمسية راقية + نزول من سيارة ألمانية موديل 2012 + ايجابات جاهزة وكلام قليل : المنزل موجود ، المهر موجود ، العرس مثلما تريدون ، البنت ستقبل و أنت ستقبل يا نسيبي المستقبلي

الثقة بالنفس أخي هي السر، يحتاج الأمر مرة واحدة فقط

وايلا فاقوا بيك ماعليش أعد الكرة مرة أخرى

iههههه حسبت روحي في فيلم تركي وا ميكسيكي يا ودي ههههه
لااااا ماشي هاك بعد
حنا الخدمة وحايرين فيها بقا شهر على نهاية العقد الغير متجدد ههه
ربي يجيب الستر برك
بارك الله فيك على كل حال
صح الثقة بالنفس تلعب دور كبير

لكنها لا صد اجابتهم بالرفض اذا كانو معولين عليه يا خويا ههههه

[غلام123]

المشاركة الأصلية كتبت بواسطة نورسين.داية

السلام عليكم

أخي حسين .......دير في بالك حاجة مهمة أن طلب الزواج يحمل إحتمالين إما القبول أو الرفض يعني لما تطرق باب فتاة توقع الإحتمالين معا ......حتى لا تاتيك صدمة بعد معرفة الرد .................

و شخصيا حضرت عدة حالات خطوبة قوبلت بالرفض .......المشكل أنهم يقبلون في البداية لكن عند توجه ام الشاب يرفضون بدون سبب ....و الله أستغرب ...يعني لما لم يظهر سبب الرفض من قبل قدوم أم الشاب

لكن مسألة المعاودة في طرق باب الفتاة ..فهي في ولايتي ....بكل صراحة ناذرة .............إلا في حالات إستثنائية

عموما

و الأهم بالنسبة لي لا تنسى الدعوة ............و حتى لو ما جيتش أرسسل لي حقي

وفقك الله أخي حسين و رزقك ما تتمناه يا رب

وعليكم السلام
اهلا اخت نورسين

صحيح هو امر وارد الحدوث كما سبق وتفضلنا في العنوان فوق

لكن بخصوص القبول مسالة الظاهر قبول والنتيجة رفض فهذا امر اخر وطامة كبرى وتلاعب بمشاعر الناس
سواءا كان من طرف الفتاة او الشاب

ههه بخصوص الدعوة يجي يومها مازال الحال

[اريج16]

السلام عليكم
موضوع واقعي فيه وجهات نظر عديدة
لكن انا فقط اردت ان اقول من مشركتي انو لو رفضو العريس ليس نقصا فيه انما ممكن تكمل قريتها فتاة او انهم ينتضرون شخص اخر بالاحرى فتاة تنتظر شخص اخر ههههههه ةهذي كثيرة في مجتمعنا
كاينا هذي ياسر لي يتردو على دار انا في راي مافيها والو هو شاف انو فتاة توالمو واهلاها ناس ملاح ممكن هم عندهم سبب يخليهم يرفضو لكن بعد الحاح العريس وتكرارو لطلب الفتاة يوفقو بتكرارو هذاك يخليهم يعرفو بلي هذا انسان صح باغي يناسبهم واذا كان مانع بسيط ممكن يوافقو على زواج

[غلام123]

المشاركة الأصلية كتبت بواسطة خولة 1993

اخواتي البنات كيف ترون الشاب الذي قد يطرق بابك لاكثر من مرة ويقابل بالرفض ؟؟
أولا سأسأل نفسي لما تم رفضه ؟؟؟؟؟ وبعدها أقرر
هل هذا الامر يجعله ذليل بالنسبة لك ؟؟

مازلت لم أخضع لهذه التجربة ('مازلت صغيرة )

هل سبق ورفضتي شاب من قبل وعاود التقدم لك ؟؟؟


أنا قلت مازلت
هل لك اخ تم رفضه من قبل وعاود التقدم لنفس الفتاة ؟؟؟
صراحة عندي أخي خطب بصح تم القبول من أول مرة
كيف يكون شعورك اتجاه العروس او الاهل الذين قد يرفضون اخاك ؟؟؟
عادي ماقبلوش ربي يسهل .أما هو معلاباليش
هل هذا يفسد العلاقة المستقبلية في حال فاز العريس بالعروس التي رفضته لاكثر من مرة وثابر للفوز بها ؟؟؟ لالا
لا عيب في ذلك ('كي متكونش العروس برك هي الي تلح و الشاب يرفض وبعد أكثر من مرة باه يقبل )

هههه للاسف الشديد تشوفوها عيب من جهتكم ومن جهتنا نورمال والمؤسف ان الشاب يعير بها بعدها



هههه
شكرا جزيلا على اجاباتك وناسف على اتعابك في التخمين والتفكير اخت خولة

[الزبرجد]

السلام عليكم

قضية انني اتقدم لبيت و يرفضونني عادية جدا بالنسبة لي ...من حقهم الرفض و لو دون سبب ........و أتقبلها بصدر رحب

لكن أن أعاود الكرة بعد رفضهم ...فالصراحة هنا لا أرى أية قيمة تبقت لي و لا كرامة

و الله اعلم

[قَاسِمٌ.قَاسِم]

السلام عليكم ورحمة الله تعالى وبركاته
موضوع ٌ منتقى وصعت به يدك على الجرح مباشرة
نحن لم نفهم الغاية من الخِطبة إلى الآن في مجتمعاتنا
الإيجاب والقبول ركن أساس في الزواج فإذا تقدَّم رجل إلى امرأة وقبلت فنعم الرأي وإن رفضت فمن حقها المشروع لها أن ترفض لكن المشكلة كما أشار الموضوع في العودة مرة أخرى والإلحاح على نفس المراة ثانية وثالثة وربما عاشرة وهذا يفتح باب سوء فيما بعد
فالزوجة ترى أنها بموافقتها "دارت مزية" في هذا المتردد وعندئذ لن يرفض لها طلبا وربما صار عبدا لها وهذا مشاهد في مجتمعاتنا للأسف
وهذه الحالات لا تحدث إلا عندما يَسبِقُ الخطوبةَ علاقاتٌ محرمة أوتعلُّقِ العشيقينِ ببعضهما
اللهم احفظنا واسترنا واجبر كسرنا يا رب العالمين

[غلام123]

المشاركة الأصلية كتبت بواسطة عطر الملكة

السلام عليكم و رحمة الله تعالى و بركاته
شوف خويا حسين


عن تجربتي الخاصة احيانا المشكل يكون في الشاب

علاقة الزواج لو ما يكون فيها صراحة و تفاهم على شروط معينة صدقني تعرض الشاب و البنت لمواقف حرجة يحرجوا انفسهم و يحرجوا والديهم و يدخلوا في دوامة الرفض و القبول

شوف في ايام الجامعة خطبني شخص من عائلة معروفة هنا بالجلفة انا فرحت و قلت الحمد لله هذا اقصى ما اتمناه و غير نكمل جامعتي نتزوجوا حتى اني اقترحت فكرة انو نتزوجوا ونكمل قرايتي و انا متزوجة هو قال لا كملي قرايتك في غرضك من الاول كنت صريحة لاقصى درجة و حكيتلوا على شروطي

من بينها شرط العمل و شرط السكن عندي او يوفرلي سكن منفصل عن دارهم كوني مسؤلة عن والدتي
كنت كل ما نقلوا حكيت في الامر مع اهلك يقلي من يلحق وقتها خلصت جامعتي و لحق وقتها و عرضنا اهلوا باش نتفاهمو على مراسيم الخطبة هنا كانت صدمة حقيقية ليا اتضح انو مش مفاتح اهلوا كامل في شروطي مام امو و اختو حاروا في الحكاية

هنا قتلهم حبسوووووو لا خطبة لا والو روحوا قبل تفاهموا مع وليدكم و شوفوا واش حكيت معاه مسبقااااااااااا
الوالدة نتاعو فهمت الامر بشيء من الحساسية هي فهمت انو انا مش متقبلة نسكن معاها مي قتلها لا مش هاك القصة اني مسؤلة عن والدتي ما نقدرش نتخلى عنها هذا شرط غير قابل للتنازل نتنازل على شرط العمل و ما نتنازلش على هذ الشرط

و من هنا قتلهم خلاص المكتوب فرق ما عادش نضيع وقت اكثر مالي فات
هكذاك و بقى يحرج في والدته كم من مرة تجي عندنا حاملة تورتا في يدها مي قتلها يا ماما الله يحفظك لا تحرجيني و لا تفكري اني ممكن نتنازل على شروطي
تفرقنا على هذ المشكل

هو عاش ظروف صعبة و انا نفس الشي عشت تجربة و تطلقت لما سمع بطلاقي بعد فترة رجع يكرر في العرض مجددا
قتلوا شوف انا هي انا و شروطي هي شروطي و زوجي السابق خلعتو لانو لم يحترم و الدتي مع انو سكن معايا قتلوا شوف انا والدتي تاج فوق راسي نخلع 100 رجل لعيونها تستاهل مي انت عائلتك عائلة زينة و الف بنت تتمنى تكون في هذه العائلة لكن انا الظروف اقوى مني الله غالب

لكن من اجل العشرة و لاني نحب اهلك صح ما شفت منهم الا كل خير

عندي حلول مليحة و ترضي جميع الاطراف هنا حكمت عقلي و باقتراح من والدتي

اقترحت عليه يتزوج مع بنت اخرى قتلوا انا نختارهالك اذا حبيت وقتها كانت موجة السوريات قتلوا نخطبلك سورية و لا امازيغية ولا نايلية ما يهمش انت واش تحب هي تبقى عند امك و انا نبقى عند امي او بسكن لوحدي انا و امي

السيد انفجر في وجهي كي القنبلة و ما تقبلش كامل الاقتراح قتلوا ياك عادي انت ماديا مقتدر و الحمد لله تقدر تفتح بيتين او اكثر قال لا مش هاكا نفسيا ما نقدرش على التعدد نحب نكون مع مرأة واحدة

قتلوا هنا خلاص ما عادش عندي حلول كل واحد يحكم طريقو لا تحرجني ولا تحرج اهلك المكتوب مش كاتب صايي
و انا واش فهمت من هذ التجربة انو السيد عندو حب التملك لا اكثر ولا اقل

يعني خويا حسين لما نقولوا صراحة قبل الارتباط و لما نقولوا شروط ما راناش نلعبوا و لا نتمسخروا هذا قرار مصيري و الشروط لازم تدرس شرط بشرط كاين شرط يمكن مراجعته و كاين شرط غير قابل للتنازل علاش نحطوا رواحنا و نحطوا الطرف الاخر في مواقف حرجة

يعني لما تاخذ الموافقة مسبقا و تكون عارف على اي اساس مقبل و متقبل لجميع الشروط نظن عادي تجنب روحك و تجنب اهلك احراج الرفض
ميرسي خويا حسين على التوبيك النايس كالعادة

وعليكم السلام والرحمة والبركة
اهلا بالعطر يعطر موضوعنا

اختي بصراحة كي قريت ردك حسيت وكاني ممكن ذكرتك بموضوعي في جرح ونكسة في حياتك
فانا ااااااسف والله لم يكن لي علم بانك متزوجة سابقا
باختصار يا عطر اذا الموضوع ما يعجبكش ساقوم بحذفه حالا

اما بالرجوع لردك بصراحة يا اختي ربما ترين الامر من زاوية واحدة
فليس الرجل هو المخطئ دائما
هو اصلا تم رفضه
قد يكون لدينه وقد يكون لجيبه وقد يكون لنسبه وقد يكون لمظهره وقد يكون لا لسبب فقط لان العائلة الفلانية لا تتفاهم مع عائلته وهو والفتاة لا يدريان بما جرى


يعني قد يكون الغلطان خارج مجالهما اصلا

اما بخصوص ما حدث بينك وبين ذالك الشاب بصراحة يا اختي وكيما قلتيها انت كل واحد لا يستطيع التنازل عن مبادئه
يعني شخصيا انا ما نقدرش نسكن مع نسيبتي
لان امي ايضا مريضة وتحتاج لمن تعينها وماذابيا نجيب عروسة تكون قادرة على شغلها (( حاشا لله ماشي خديمة بل اميرة )) لكن في بيتها

اما لو كنت مقتدر ما ديا فلا امانع بوجود ام العروس مع امي تونسها كي نشري بيت خاص طبعا

المهم كل انسان وربما له ظروفه الخاصة ولا نستطيع الحكم من خلال تصرف واحد
ربي يرزقك بزوج صالح وابناء تقر بهم عينك يا عطر
هههه وحاولي شوي تككوني لينة مع الرجل لانو الرجل الحقيقي يميل للفتاة التي يحس انها ضعيفة معه قوية مع البقية هي نصيحة اقدمها لاختي الطيبة عطر
والله نتمنالك كل خير

[غلام123]

المشاركة الأصلية كتبت بواسطة سعاذ

السلام عليكم
هي نرمالمو قبل ما تبعث امك و اختك
و تحطهم في هذا الموقف تكون تحصلت على موافقة

الموافقة من الاهل بقصد الاب او الاخ ؟؟
ولا قصدك الموافقة من البنت بالخروج معها قبل التوجه اليها ؟؟؟


بارك الله فيك اخت سعاد وضي اجابتك كي نفهم ونناقش ما تجود به اناملك

[غلام123]

المشاركة الأصلية كتبت بواسطة الزيتون

بالنسبة لي لو رفضت من اهل البنت دون ان ادخل ااهلي فلربما ارجع واعيد طلبي واكيد البنت تكون فرصة عمر ماشي اي بنت ***يعني مستقيمة ماشاء الله***
لكن ان قدمت اهلي وقابلوهم بالرفض فلن ارجع لهم وان انقرضت كل النساء
ومستحيل نقدم والدي لخطبة فيها احتمال الرفض

ا

ههه يعني انت ما عندكش منطقة رمادية
ياااااا كحلة طووووول
يا بيضااااا طووووووول
ههه
نستعرف بيك خويا

بارك الله فيك ايها الزيتون

[غلام123]

المشاركة الأصلية كتبت بواسطة مسبح لله

السلام عليكم
في الحقيقة ليس لدي أي خبرة في هذا الموضوع
ولكن حسب ما اظن لازم تروح انت أولا وتتفاهم مع اهل الفتاة ملييح
إذا قبلو أهلا وسهلا وإذا لا الله أعلم



الشعور عادي المهم الفتاة لا
اذا رفضت من طرف اهل العروس ربما سأكرر المحاولة
ولكن هذا كامل راني مزال ما أخذتش الاهل نتاعي
كما اخبرتك في الاول نفريها وحدي سع وبعدها تأتي المراسيم



اذا كان من طرف الفتاة يعني ما كتبتش لن أكرر الطلب
نبدل الوجهة و السلام عليكم



والله لا أدري انا يبالي عادي لا يمس الكرامة
========================
لأنه أصلا وضعت الخطوبة لهذا الشيء رفض/قبول
===========
أليس كذلك ؟

لا مزال الحال
ولكن كما قلت اذا قبلو بي في البداية...
وعند اخذ أهلي رفضو هنا العيب راهو في اهل الفتاة لانه ما عندهمش كلمة
ياك تفاهمت معاهم مع الاول ووافقو !
المهم لا اتمنى ان يحدث معي هذا لانه الواحد يتقدم الى فتاة قد يراها رفيقة دربه ثم يتم رفضه تكون خيبة أمل صح
ولكن مع الوقت تفوت مع النسيان
ولكن... ياو ما تعرضنيش تشوف...

لقد لخصت كل الصراعات الموجودة بداخلي بما قمت بتسطيره فوق بارك الله فيك اخي ساجد لله
لكن رفض ولا قبول مرة ماشي زوج وثلاثة وربعة ياك هاكا قصدك ؟؟؟

بصراحة يا خويا الصغير ماشاء الله عليك والله تفكيرك اكبر من سنك بكثيييييييير
ربي يبقي عليك الستر برك
جازاك الله كل خير على المشاركة الطيبة وانا اوافق معظم كلامك بصراحة (( ليس كله ))

[غلام123]

المشاركة الأصلية كتبت بواسطة imi02i

هل تعلم أنك نحيتلي الموضوع من لكلافي
سبحان الله العظيم البارحة فقط كنت افكر في هذا الموضوع|
المهم...... لا علينا
أنا اللي نعرفها أن الشاب الجزائري لا يتقبل فكرة رده من الباب بل وانه يراها اهانة له ولعائلته خاصة اذا جاب اهلو معاه
الانسان المتعصب راح يسمح في قطعة الحلوى ويسمح في البنت
وإذا كان رزين شوية راح يحاول مرة أو مرتين خاصة اذا كان معجب بالفتاة
واذا راح ليهم 77 مرة فاعلم انه متاثر بمسلسل تركي
بارك الله فيك أاخي حسين

هههه للاسف الشديد انا سريع حتى فالمنتدى ماشي غير فالسباحة عليها سبقتكم كامل هههههههه (( لي يسمع يقول صح ))

لا عليك اختي انت او انا الموضوع لنا جميعا

اما بخصوص ما تفضلتي به انا صراحة مع ما يراه الشاب الجزايري
يعني ما تجي تحكي لميمتك على الطفلة تتلون سبعين لون
باه تخرج كلمة امي روحي اخطبيلي من بين شفتيك
وتشقيهم لي يراطي خدمتو يراطيها من الاخوة الكبار
ولي يخلي شغل الدار يخلي
ومن بعد يقولولك لا ماكش عاجبنا ولا ما قبلناش
والله فيها احراج كبير

اما بخصوص رؤيتك لرزانة الشاب بالمحاولة مرة ومرتين بصراحة اراه غريييييب ههه يعني لي ما يروحش بعدها ماهوش رزين بنظر ايمي ؟ هههه

[غلام123]

المشاركة الأصلية كتبت بواسطة الزيتون

قصتك غريبة فعلا
والاغرب اقتراحك وقضية التعدد
يسر الله امركم

آآآآمين يا رب
عطر اخت طيبة ولها مواقف رائعة اخي الزيتون
فقط شوي قاسحة مي بنظري كل عصبي حنين قالتهالي استاذة العلوم خطرة كي شافتني كسرت الدنيا هههه
فاقتلي

[غلام123]

المشاركة الأصلية كتبت بواسطة اريج16

السلام عليكم
موضوع واقعي فيه وجهات نظر عديدة
لكن انا فقط اردت ان اقول من مشركتي انو لو رفضو العريس ليس نقصا فيه انما ممكن تكمل قريتها فتاة او انهم ينتضرون شخص اخر بالاحرى فتاة تنتظر شخص اخر ههههههه ةهذي كثيرة في مجتمعنا
كاينا هذي ياسر لي يتردو على دار انا في راي مافيها والو هو شاف انو فتاة توالمو واهلاها ناس ملاح ممكن هم عندهم سبب يخليهم يرفضو لكن بعد الحاح العريس وتكرارو لطلب الفتاة يوفقو بتكرارو هذاك يخليهم يعرفو بلي هذا انسان صح باغي يناسبهم واذا كان مانع بسيط ممكن يوافقو على زواج

وعليكم السلام اهلا بالاخت اريج
ههه معليش نكمل قصتك بقليل من الخيال المستقبلي
ايا وكي يبقا يرو ويجي حتى يمدوهالو نهار يصرى اول مشكل بينو وبين العروسة لي ممكن تتقلش فوق الازم
يجيو يعايروه قدام الناس او ممكن يعايرو اهلو بلي هوما الغلطانين رخس بروحو باه مدوهالو ومن بعد ما يشريلهاش الشوينغوم هههههههه
هذا سيناريو وارد وبكثرة في مجتمعنا اخت اريج كما هو سيناريو انها ترفض لانها تحب شخص معين

هاد الامر لازمو تفكير وتدقيق قبل ما تخطو اول خطوة
بارك الله فيك سرني كثيرا تواجدك الطيب

[غلام123]

المشاركة الأصلية كتبت بواسطة الزبرجد

السلام عليكم

قضية انني اتقدم لبيت و يرفضونني عادية جدا بالنسبة لي ...من حقهم الرفض و لو دون سبب ........و أتقبلها بصدر رحب

لكن أن أعاود الكرة بعد رفضهم ...فالصراحة هنا لا أرى أية قيمة تبقت لي و لا كرامة

و الله اعلم

وعليكم السلام
اهلا بعيسى خونا وحبيبنا
يعجبني نظامك يا الاخ
انا هنا نوافقك الف بالمية

لكن هل فعلا القيمة تروح وانت قاصد الحلال ؟


وان كانت فريدة من نوعها اخلاق وتربية وحفظ للقران يعني من النوع لي ماكانش او شبع معدوم في وقتنا
هل هذه ايضا لا تستحق محاولة ثانية من خونا عيسى ؟؟


هذا تراه الفتاة ربما وليس نحن
بارك الله فيك وجازاك كل خير

[غلام123]

المشاركة الأصلية كتبت بواسطة قَاسِمٌ.قَاسِم

السلام عليكم ورحمة الله تعالى وبركاته
موضوع ٌ منتقى وصعت به يدك على الجرح مباشرة
نحن لم نفهم الغاية من الخِطبة إلى الآن في مجتمعاتنا
الإيجاب والقبول ركن أساس في الزواج فإذا تقدَّم رجل إلى امرأة وقبلت فنعم الرأي وإن رفضت فمن حقها المشروع لها أن ترفض لكن المشكلة كما أشار الموضوع في العودة مرة أخرى والإلحاح على نفس المراة ثانية وثالثة وربما عاشرة وهذا يفتح باب سوء فيما بعد
فالزوجة ترى أنها بموافقتها "دارت مزية" في هذا المتردد وعندئذ لن يرفض لها طلبا وربما صار عبدا لها وهذا مشاهد في مجتمعاتنا للأسف
وهذه الحالات لا تحدث إلا عندما يسبقُ الخطوبةَ علاقات محرمة وتعلق العشيقين ببعظهما
اللهم احفظنا واسترنا واجبر كسرنا يا رب العالمين

امين يا رب
وعليكم السلام اخي

دائما مشاكاتك شاملة كاملة والكمال لله عز وجل
فعلا كل ما تفضلت به كلام عقلاني ومقبول
للاسف هذا هو حالنا

علاقة فحب فخطبة فرفض او قبول
وان كان الرفض كانت الطامة
خاصة لو كان الحب اكثر منه في طرف واحد

وان كان الترد لعدة مرات هنا فعلا الكرامة باي باي
وتقع في حيرة من امرك (( العروس ام الكرامة ))

قد تجد فتاة ليست كبقيتها
طاهرة نصوحة وطيبة المعشر هل هذا النوع يستاهل التضحية والقصد لاكثر من مرة او ان حفض ماء الوجه وخاصة ماء وجه الاهل ؟
طبعا سؤال غريب
لكنه مطروح وبقوة
جوزيت كل خير