♥ذكريات لن تنسى ابد الدهر♥

[max8]

علابالكم علاه راني نضحك كي نقول مصطلحات تاع الإعلام الآلي بالعربية
هذي تقعد بيناتنا
عندنا شيخ (أستاذ )ولا كل الاساتذة يعيطولو التلاميذ أيقونة و poste de travail و corbille و علبة حوار و قاع المصطلحات الغريبة الأخرى و هو يزعف و يروح ليهم و حنا نقولو خلاص اليوم يدفنهم و مبعد يتكالما في ثانية و حدة و يقولو اسكت ولا أخرج و كي يقرينا نكتبو في الكراس الدرس منقول حرفيا على الكتاب هو غير يملي و يبدل كلمة و لا ينقص كلمة هذا ماكان لذا كي نقول أيقونة و لا علبة حوار هههههههههه نتفكرو
بصح ذاك الشيخ هايل

[شرقية]

معليهش اختي نهال تبقي دكري مليحة
مالا انا 1 في القسم نهار قرينا درس الفيل ياملك الزمان في اللغة العربية خيرتني الاستادة في دور زكرياء وهو جريء بزاف ويحكي مع الملك بكل فصاحة والملك كان طفل مزاحي بزاف ولا يعيط عليا اصمت والا اقطع راسك فتحتلنا الاستادة المجال وخلاتنا بردنا قلوبنا بالتمسخير كان دكري مليحة

[still alive]

المشاركة الأصلية كتبت بواسطة max8

أتذكر قصة جرت معي في حصة الفيزياء في المخبر عند أفضل أستاذ درست عنده بلا منازع
كنا نقراو في الميكانيك و الحركات المستقيمة و المنحنية ، عطانا سؤال و قالنا جاوبو عليه و خرج جاب ميكرو بورتابل و جا ريقلو كامل
بالدالتاشو و هو مايعرفش بزاف للأمور هذي لذا قالنا شكون يعرف للميكرو يجي يعاوني فيه صحابي قالولي روح نتا تعرف تقرا و تعرف للميكرو و إذا غلطت ما يزعفش منك على خاطرش نتا المحرك تاع القسم ، مالا شافهم يهدرو معايا هكاك و قالهم اسكتو قالولو هذا يعرف مليح للميكرو لذا قالي أرواح عاوني
و أنا مرعوب منو (نخافو) و نخاف منو إذا غلطت ما نبغيش يقبض عليا كاش خدمة ماشي مليحة و لا ماعرفتش عاجة
لذا دخل السيدي و قالي ادخل لبرنامج الأفيستاب نورمالمو تعرفوه
خير فيديو و كي جا يمشيه ما بغاش و خرجو علبة حوار (ههههههههه على علبة حوار) بلي البرامج اللي يمشي بيها هذا الأفيستاب ماكاش )مالا قالي روح جيب الميكرو الآخر جبتو و سقمتو في بلاصة الأول و درنا نفس العملية و ثان خرجنا نفس علبة الحوار ههههههههه
قالي روح لبلاصتك و تقلق من هذو الميكراوات و قالنا ذرك حنا مانقراوش ولا كيفاه ، قتلو يا الشيخ عندي فكرة نمشي بيها الفيديو غير بلعقل ، قالي كيفاه ، قتلو كاين هنا برنامج vlc شفنا صبناه قتلو ادخل للفيديو بيه مالا دخل صبنا الفيديو هذاك يمشي بسرعة قتلو بطؤو من أيقونة ههههههههه فوق pause مالا كي سياها الفيديو ولا بطيئ كيما بغاه
ياودي فرح بزاف و راح للسبورة و بدا يتبع في كرة رماها دراج بستيلو و كي كمل خرجتو النتيجة خيرمن الأفيستاب مالا جا ليا و قالي نتا عندك أفكار خارقة ماتزيدش تسكت و دسها علينا (تخبيها علينا)راك إنسان رائع و باسني قدام قاع التلاميذ و قالهم هذا أفضل تلميذ بدون منازع في هذا القسم و قالي روح لبلاصتك و كل ما يشوف فيا يقولي نبطؤو برك و نخدم نتا هايل
و أنا حشمان كي كملت الحصة و رحنا لديارنا و جيت العشية صبت الليسي كامل علابالو بلي الشيخ تاعي باسني و قالي نتا تلميذ خارق و عبقري
و منذ ذلك الحين صرت معروفا عند العام و الخاص في ثانويتي إلى درجة مجيئ بعض الأشخاص الذين لم أرهم في حياتي من قبل ليتكلمو معي و ينطقون باسمي و أنا لا أعلم حتى من هم و لا أستطيع سؤالهم لذا نقول صح خويا و لا نعم أختي و يهدرو معايا أو يسألوني و يروحو
ههههههههههههههههه



سامطة و لا لالا
بايخة

ههه قصتك رائعة
والبوسة نتاع الاستاذ هدية ما تنساها لا انت لا التلاميذ في ثانويتك
شكرا لك

[~~نهال~~]

وش من ذكرى
مي صح كف مليح ههههههههههه

[chahrazed 96]

والله ذكريات هايلين أنا غير الأولى ثانوي ما ننساهاش
عندي ذكريات بزاف
وحدة منهم نهار شرحنا الضفدع جابها طفل وكانت كبيرة بزاف وكان مخبيها فالمحفظة وما قال حتى لواحد من بعد كي وصلت الحصة تاع العلوم دخلنا المخبر حطها فوق المكتب وكامل البنات كانو خايفين ومن بعد قالنا الأستاد يشرحوها طفل وطفلة طلعت أنا وطفل وكان صديقي فالفايسبوك وطوايشي بزاف أنا وهو عصابة مالا كيما بدينا ما حبتش تتخدر هو كيما قاسها قفزت وبدات تدور فالقسم والبنات كامل هاربين وما حبش الطفل يحكمها شبعنا ضحك ومن بعد قالي الأستاد أحكميها أنت نحيت القفاز وعطيتهولو وما حبش يحكمها وبقا غير يقولي كلفتكم نتوما حتى بقات نص ساعة وبكاو البنات مليح حكمها الطفل وثبتها وشرحناها
وكي خلصنا قالي الطفل دبري راسك خيطيها باش نديرولها جنازة وما حبش يخلي الأستاد يرميها حتى قالنا الأستاد ارميوها والا خرجو أداها وخرج را دفنها

[ssaa66]

والله فات عاااااااااام هاااااااااايل ودكريات لا يمكن ان تنسى

[مانو]

احسن شيء لما تفاهمنا على البروفا نتاع المات غلقنا الباب بلمفتاح وبدينا نشعلو فالنار قولنالها نحرقوك لانو مدتلنا نقاط كارثية ولا نهار ما خرجنا ودرنا احتجاج عليها وجنتنا المديرة غلقنا باب لكلاسا على رواحتينا باه متدخلش وتعيط علينا ولا استاذة الانجليزية درنالها عيد ميلادها فلكلاسا ايييييييييي بزاف حوايج

[stars7]

هاهاهاهاهاها لالالالالا ماشي بايخة
ههههه انا شيوخة ع مايستعرفوش بقدرات التلاميد عادينا غير ضغار و مانعرفوا والوا
وحد نهار لاستاد ماعرفش يريقلي داتاشوا (ماحبتش مphoto تظهر ) دار روحوا بدل رايوا و قانا ايا
ليوم نقراو من لكتاب برك قتل استاد نعرف كي فا تظهر صورة قالي انا واش قلت نقراو من لكتاب تعني
نقراو من لكتلب..................................

[still alive]

المشاركة الأصلية كتبت بواسطة stars7

هاهاهاهاهاها لالالالالا ماشي بايخة
ههههه انا شيوخة ع مايستعرفوش بقدرات التلاميد عادينا غير ضغار و مانعرفوا والوا
وحد نهار لاستاد ماعرفش يريقلي داتاشوا (ماحبتش مphoto تظهر ) دار روحوا بدل رايوا و قانا ايا
ليوم نقراو من لكتاب برك قتل استاد نعرف كي فا تظهر صورة قالي انا واش قلت نقراو من لكتاب تعني
نقراو من لكتلب..................................

هههههه يا له من استاذ

[Just.Girl~]

والله كنت نقول على هادا العام اسوء عام وغادي نسبرميه من حياتي
بصح كي دخلت لهدا الموضوع وشفت هادو الردود وبديت نتفكر والله الظيم بانلي فات هبال وكنت غالطة
راني تذكرت ذكريات بزاااااااااااااااف بزاف وغير لهبال مع الاساتذة والله راني فرحانة ومتمنيا يتكرو والله عير راني فرحانة
مانطولش عليكم نقولكم موقف بسيط وقصير
استاذ التاريخ والجغرافيا سيريو ويبغي الي يقرا عندهم وانا كي شغل مهووسة بالتاريخ مين داك ابي يتفرج السياسة بزاف نتفرج معاه ههههه واستاذنا جدي ههههه عمي زعما سيريو وكان هداك النهار زعفان زعفان ومنارفي منا ايا زقا علينا وقالنا هدا الجدول سموه تكتبوه صاي اايا رفدت ليدي قتله استاذ دارلي مالكي قتله متشرفين وبداو قاع يضحكو واونفا هو تاني ضحك سيرتو كان الجو مكرهب وقاع خايفين و الهدوؤ التام وبداو قاع يضحكو هههههههههههه........ايام روعة روعة

[still alive]

المشاركة الأصلية كتبت بواسطة just.girl~

والله كنت نقول على هادا العام اسوء عام وغادي نسبرميه من حياتي
بصح كي دخلت لهدا الموضوع وشفت هادو الردود وبديت نتفكر والله الظيم بانلي فات هبال وكنت غالطة
راني تذكرت ذكريات بزاااااااااااااااف بزاف وغير لهبال مع الاساتذة والله راني فرحانة ومتمنيا يتكرو والله عير راني فرحانة
مانطولش عليكم نقولكم موقف بسيط وقصير
استاذ التاريخ والجغرافيا سيريو ويبغي الي يقرا عندهم وانا كي شغل مهووسة بالتاريخ مين داك ابي يتفرج السياسة بزاف نتفرج معاه ههههه واستاذنا جدي ههههه عمي زعما سيريو وكان هداك النهار زعفان زعفان ومنارفي منا ايا زقا علينا وقالنا هدا الجدول سموه تكتبوه صاي اايا رفدت ليدي قتله استاذ دارلي مالكي قتله متشرفين وبداو قاع يضحكو واونفا هو تاني ضحك سيرتو كان الجو مكرهب وقاع خايفين و الهدوؤ التام وبداو قاع يضحكو هههههههههههه........ايام روعة روعة

هههه عام كامل لازم يكونو صراوفيه مواقف كثيرة
شكراااااااااا

[amine khaldi]

ههههه للاسف لاتوجد ذكرى جيدة في هذا العام الدراسي