مشكلة انا لا فائدة مني انا منهار

[راقية بسلوكي]

قبل ان تفكر في الانتحار فكر في التي قاست المر من اجل ان تراك شاب واقف علي رجليك وهي الان بامس الحاجة اليك اكثر من اي رقت مضي هل اعددت الزاد الذي ستلاقي به ربك حتي تفكر في الانتحار
قم الان واعزم لا تترك مجال للشيطان ,علالي بالك الناس الكل راهي بخير;الي انت عطاك ربي الصحة الناس راهي في السبيطار راقدة فراش;انت عطاك ربي الصغر وفضلك علي الكثير علاه ما تحوسش علي حاجة تشغل بيها روحك في المجال للي تحبو دورمليح لانك حتما ستجد شيئا تتقنه كثرمن الصلاة رقراءة القران وربي يفرج

[نسمة تفاؤل]

يااخي سبب ماانت فيه هو البعد عن المولى عز وجل فمن فضلك اخي مازلت صغير وجاي لدنيا بعد على راسك فكرة الانتحارلانك ماراك رايح تربح لا دنيا ولا الاخرة قاتل نفسه ماواه النار ففكر وتريث نظم حياتك واول شيئ عبادة الخالق فانت مسلم وتعلم بان الله خلقنا من اجل عبادته فكر قبل الموت واش راك اداي معاك كاش حسنات كاش ووو هل تضمن لنفسك الدخول الى الجنة نصيحة صلي ركعتين واستغفر ربك وقم بذكرالله "الا بذكر الله تطمئن القلوب" واقرأ قسطا من القرءان ربي يهدييييييييييك وطمنا عليك ان شاء الله تسمع لكلام وتدير الارادة وتكون فرد صالح في المجتمع وعاود اكتبلنا ياالبطل وقولنا راني لباس عليا والحمد لله الذي هداني

[مسبح لله]

هل انت هو الرجل الذي يعتمد عليه ابوك رحمه الله ؟؟
إبدأ بحفظ القرآن وبنفض الغبار عن نفسك
ولن يكون ذلك إلا بصغائر الامور أصلح نفسك توبها
بما انك تتصفح الانترنت فابحث عما يفيدك في دينك ودنياك
غير حياتك انت صغير فالامر سهل انت رجل يعتمد عليه صح
اما فكرة الانتحار ليست فكرة جيدة هل تريد الخلود في النار يا هذا ؟

[TOKYO]

خويا لعزيز استغفر ربي
علاه ما نعطيكش الحل فور يخدم عليك و على ابوك في قبره و تعمل في الدنيا و الاخرة و تزيد تقتل اوقات فراغ و ترضي الله عز الوجل و تعيش احلى ايامك لي جاية
جاي الصيف حاول تقري في جامع و تحفظ القران و تنويه نيه خالصة و زيد شوف العمل تنتفع بيه في فترة صباحية هكدا تريح مليح

[محفوظ البسكري]

لن يرحمك الله اذا انتحرت
واعلم انك ان فعلت ذلك فانك مطرود من رحمة الله و مصيرك جهنم خالد فيها
اعد تفكير و اطلع على بعض الفيديوهات لبعض المشايخ عن الانتحار و جزائهم في الاخر كيف يكون

[ward01]

hada iblis l3ab bik kima yheb enta wahed jayah makch chad fi rabi rouh istaghfer w salli nas raha bayta barra msaken edenya hargathom la waldin la dar la khawa la makla la chrab madlomine wenta andak linternet tchouf biha swalah machi mlah w goul nentaher ekhtik hechahalak blis matkhalihch ykhasserlak lAKHERA dir daymen beli rabi rah ychouf fik w khamem fi nas eli raha aycha fel miziria malgre tout chadin fi rabi ellah yahdik

[albert45]

ياأخي 16 سنة مازلت ماشفت الو أنا ننصحك تخرج من البوتقة لي راك فيها ..و كشما تدير اصحاب املاح و دير السبور ...و استغفر مولاك

[bachika LOTFI]

يا خويا ما تقلق ما والو كيفاه تقول بلي ما عنديش صحاب و أعضاء المنتدى كامل صحابك شوف الله يبارك كيفاش راهم ينصحوا فيك و واقفين معاك و خايفين عليك، شوف كلش راهو ساهل كيما قالولك روح دير سبور و أبدا نقص من الأنترنت بشويا و عيش حياتك في وقتها و كيما راهي ساعات تكون مشاغب و ساعات تكون عاقل و هكا راح تزول عليك الوحدة و تلقى روحك بيان، أمالا نحي من بالك هدي الفكرة تاع تنتحر على خاطر ماهيش هدرة خلاص و حاول انك تكون الراجل من بعد باباك الله يرحموا شوف انا تاني بابا متوفي و عديت على مصاعب بزاف و الحمد لله، يا خويا من اليوم راني وليت صاحبك تاع الصح و راك تلقاني هنا في المنتدى، 16 سنة لوكان غير جيت بعمرك علاه في رايك، باه نبدل بزاف حوايج، نقولك حاجا يا خويا عيش حياتك و ما تغبنش روحك

[أم دارين]

السلام عليكم
يا خويا عمرك 16 سنة
راني نتمنى نرجع قدك , راك ما زلت صغير بزاف والدنيا قدامك

علاه راك تضيع في حياتك هكا
اخرج اضحك والعب الدنيا متستاهلش

باباك الله يرحمه كان ذراعك الأيمن وأنت الان لازم تكون الراجل اللي يعتمد عليه لأن دعواتك توصله
ماتنساش ولد صالح يدعو له

كيفاه راك حاب ننتحر عالأقل فكر في باباك ودير حاجة يفتخر بيك وهو فقبره وترفعلو راسو وهو ميت

نحي فكرة الانتحار من راسك راك حاب تخسر آخرتك
لا يا أخي الدنيا متستاهلش

اتقرب من ربي وحاول تواظب على الطاعات لأن ربي ما يخذلش من طلبه

دير صحاب يكونوا ملاح وعيشوا حياتكم واغتنم كل دقيقة من عمرك
ازهى وعيش بدون اغضاب الله عزوجل

هدانا الله جميعا يا رب العالمين

وصل اللهم وبارك على سيدنا وحبيبنا محمد عليه أفضل الصلاة وأزكى التسليم

[سراب06]

لــــــــــــــــم تتحمــــــــــــــــــل عذاب الدنيــــــــــــا

فكيف ستتحمل عذاب الآخرة لااااااااااا قدر الله؟

[السيدة كرمين]

ياريت تنتحر وتهني المجتمع من شخص مثلك لا أمل له في الحياة
فعلاً أنت لا فائدة منك عمرك 99 سنة وانهيت كل أهدافك وفشلت فيها
وما كان حتى سبب يخليك تعيش كمل لخطوة لي بقاتلك على لقبر وانتحر
وتكون خسرت ربي ونفسك


بني

أنت عرفت في البداية نفسك أنك مراهق وهذا شئ جيد
أن تعرف أنك في هذه الفترة مثلك مثل غيرك تمروا بلحظات ضعف
اهتزاز شخصية و.... أي شخصية غير ميكاملة وهذا شئ طبيعي
إذن إذا كان لي في سنك زاهيين فربما لأنهم حددوا أهدافهم في الحياة وراهم
ماشيين في تحقيقها أو لأن لا أهداف لهم عيشني ليوم واقتلني غدوة

بني إن كان والدك توفى فأنت ليوم مكان حط هذا بين نصب عينيك
مزال عندك أم تقوم عليها ومزال عندك اخوة و أخوات أنت رغم أنك مراهق
لكن لازم تعرف أنك مسؤول عن نفسك وغيرك فالمراهقة ليست مبرر لأي تصرف
فقط هي تجعلنا نفهم أسباب التصرف

الحل ليس في الانتحار لأنك ستخسر الله
كلنا خطائون وليس هناك من هو بعيد عن الخطاء
لكن الله رحمته واااااااااااااسعة يحب أن نخطئ ونعرف أننا نخطأ ونتوب
بني روح اركع فقط ركعتين في غرفتك وتوب توبة نصوح
قل أنك لن تعود ،اسجد وأطل سجودك وابكي وقل كل مافي قلبك لله
هو سيسمعك وسيساعدك كثيرا وتكلم باللغة التي تحب معه هو وحده يفهمك
ليس مهم أن تتقن الدعاء فقط أدعوه واسأله التوبة وستوب عنك وان شاء الله يتوب عنا أيضا

بني

في كراسك ضع رزنامة تبدأ من اليوم

الخميس صل كل وقت في وقته ولما تصلي سجل في الدفتر ... اذا كان عندك وقت فراغ أخرج من البيت اذا كان الوقت لا يسمح إذهب وجالس والدتك أو اخوتك ... البس لباس رياضي واذهب للركض لا يهمك الناس افعل فقط ما تريد.... اجلس على النت وتصفح فقط منتدى الجلفة ... اشتري كتييب حصن المسلم واقرأ فيه أو في كتاب الله

نفس الشئ مع بقية الأيام بعد مرور ثلاث أيام اذهب للمسجد كون صداقات هناك ...،
اذهب للمكتبة واشتري كتاب أي تخصص المهم ابدأ بقرائته



بني العمر يمر سوف يأتي يوم تقول لما لم استغل صغر سني
وتذكر دائما أن يكون قدوتك ومثلك الأعلى نبي الله محمد أو اختار من الصحابة من يكون قدوتك
فأغلبهم كانوا في مثل سنك لما أسلموا وحملوا راية الاسلام

كن قدوة ومثل أعلى يحتذى بخ وخلي هذا يكون هدفك الذي تعيش من أجله

[mesrouk]

ya habibi roh sali ma3a el jama3a fi el masjed
iroh alik kolch ,,,rani hass bik

[SELMA.]

C est le contraire koul madir hadhou lhwayj atfaker boyek wahed tehechem 3la rouhek w toub rabi w sali w ed3ilou hakdha ykoun khala waled saleh yd3ilou w ydakhlou leljna sah hadha houa lwakt li tehtaj fih baoyek ana thani mata papa ki kount 3andi 15 ans sah hezent bzff w jbedt rouhi 3la nass kamel bsah hakdha nzidou 3la rwahna w mnkhalihoumesh hanyine f gbourhoum wgra graytek w andamej m3a mojtama3 w dir shabek w lazem ykounou mlah w agra w antal f mok w mtba3edesh 3la trig rabi