ذكريات جميلة قضيناها في اولى ثانوي هلمو جميعاالى الموضوع

[stars7]

انا في هذا العام شعرت بالملل لان كل الاساتذة غير قابلين للنقاش فمثلا اذا اخبرتها بانها نسيت ان تصحح هذا الجواب بماذا تخبرك(انتم التلاميذ لا يهمكم شيئ سوى النقاط) قل لها اذن ماذا جءت افعل هنا طبعا لاتحصل على نقاط ماذا تقول (اخرج من حصتي ) واستاذ اخر عند تقديمه للاوراق ماذا يقول (شوفوا ماتناقشونيش قع ماني غالط حتى لواحد) ااااوووو ليه حتى ماتغلطش نت مرفوع عليك لقلم.....واخرى تقول كلاما مضحكا اثناء الدرس فتضحك هي كما يضحك معظم التلاميذ لكنك انت اذا ضحكت تقول(لما تضحك على انا اكره تصرفات التلاميذ امثالك وتبدا بالاهانات وويحك اذا ناقشتها)
اذن اختى اذا كانت ذكرياتك جميلة في هذه السنة فانا كانت اسوا بكثير اتمنى ان تكون السنة 2 اجمل :m h92:

[مانو]

استاذنا في مادة الشريعة الله غالب عليه مسكين مالا جبنا تلميذ ماشي من لكلاسا قولنالو هدا جاي من البرتغال ههههههه وحا يدخل للاسلام ههههههههههه ومبعك جابو المديرة لقاتو بن ختها

[• إسْتِـثـنَائِيّه •]

ههههههههههههههههه واش نقولك عليا زعما أنا تاع قرايا مي تاع الهبــأل الأساتذي حارو فيا

الاستاذة تاع الانجليزية رايحا فيها شوية ايــــــــته نقولولها نروحو نجيبو الكتب او مجبناش تاعنا (و حنا جيبناهوم مي مخبيينهوم) و لا نقولولها أو سلفناهوم لوحد لاكلاس هههههه نخرجو مانرجعوش حتى تصوني

[نميرة 07]

هههههههه..لقد أضحكتني قصصكم بشدة هههههههه
تقريبا قصى تشبه قصة العضو Max8
فانا أجلس في الطاولة الاخبر مع صديقتي و قدامنا زوج مهابل يعني الرباعي الخطير ههههههه...علما حنا زوج شيرات الاوائل تاع القسم احم احم .... منذ ان جلست في هذا المكان بدات مغامرتي مع هذا الرباعي الأهبل...نتفكر خطرا في حضة الاونجلي تفاهمنا باش نشرو حلوى و jus و بيتزاا..كلفنا واحد يشريهم و العشوة جابهم ...كنا في حضة الاونجلي ..مسكينةةة غيل نشوفها غفلت ناكلو طرف...و لكن من سوء حظس قاتلي اطلعي كتبي الدرس...و خليت حقي فوق الطابلة ..ألوغ كي جيت ما صبت والوووو..واحد منهم ثبت ياكل فيه و قالي صحيتي هههههههه..يا ربي..شكون عطاك تصريح باش تاكلو خههههه ...و بعديها بقات حبة حلوة الاخيرةةةة....استاذو خرجت ايا بدات المعركة...كي وصلنا للحظة الحاسمة دخلت الاستاذة صابتنا واقفيين و مدابزيين هههههههه...أنا وضحبتي ما قات لنا واللو ..بسكو جمعنا بلخف ما شفتناش ..مي هادوك الزوووج هههههه قلشتهم ههههههههه
و العديييد من المغامرررات ...اشتقت لتلك الايـــــــــــــــــــــــــــــــام

[khaoulita1996]

هههههههه قصص ياسر اولها لما جيت متاخرة و وقفني استاذ اجتماعبات ربع ساعة انا وحد التلميذ مشاغب خلاه و في الوقت لي راح نبكي فيه و لا هاذاك التلميذ يضحك فيا

[19 ان شاء الله]

عــــــــــــــــام للأسف ما فيه والو، الا اذا اعتبرتو حرق المدرسه حاجة مليحه
السمانات لولين كالعاده استاذ يجي و عشره ما يجوش، بدات القرايه وللاسف قسمنا سامط رهج الا من رحم ربي، وحد النهار بدلو مراقب من المؤسسه على وحد المشكل، ولقاوها جماعه الشر فرصه وبدات عمليه التخريب، وقالو رانا نتاظاهرو باه يرجعو المراقب (المظاهرة نتاعهم ولا طيش) وحرقو الأقسام ودخلو المازوت وكسرو الطاولات والكراسى و السبورات، مقريناش هذاك النهار وزادت صرات حوايج كيما هك و من بعد اضرابات في نص الاختبارات. ثاني رحنا للرحله نتاع المتفوقين ل alger للمعرض نتاع وزاره التربيه، هاذوك كانو يمات ملاح. ولحقتني ميداليه نتاع الاستقلال من رئيس الجمهوريه كي جبت مليح في الأهليه.
الفصل الثاني والو والثالث والو، ومنبعد دينا العطله (الأكشن أكل في الفصل الأول)

[khaoulita1996]

وكاين مرة عدى واحد و قاعد يتمهبل و يضحك و ليت قلت بالصوت لي فيا قاعد كي البهلول و لا دخل و جاني زعما راح يتعارك ملخر دخل اصعب معلم في الليسي باه يقرينا و قفل الباب مات بالخوف وليت نضحك عليه ههههههه قالو انت من القسم هذا قالو لالا مي جيت لبنت خالتي باه ندي الكراس خليتو عندها ههههه و تخيلة بلي انا هي بنت خالو زعمة

عطيتو كراسي مسكين ههه و مبعد جابو وقلي مرة اخرى متعاوديهاش ندت نضحك و قوتلو ان شاء الله قالي سامطو و مشا مسكين و مليوم هاداك مين نتلاقاه نموت بالضحك

[ايناس وعيوني الماس]

هههههههههههه أنا ثاني زعما الاولى فالقسم بصح لهبال خاطيك جينا في 6 صحابات قرينا كيف كيف 5 سنين وزدنا طحنا في نفس القسم السنة ودرنا واحد الهبال قعدنا في صف واحد ورا بعضانا واحد النهار قلنا نهربو لتاع الأدب هههههههه حصتوا ترقد المهم هربنا وكي وصلنا للباب وحنا ميتين بالضحك حكمنا المراقب رجعنا .
الأخ 19 ان شاء الله ممكن نسقسيك تقرا في ثانوية عثمان بن عفان ؟

[19 ان شاء الله]

لالا في التميمي
مساكن نتاع عثمان ماقراوش الفصل الثاني كامل على عفسه الاضراب.

[ايناس وعيوني الماس]

ا

يه أنا نقرا في عثمان على بيها كي شفتك تقول الاضراب حسبتك في عثمان .والله ضيعونا وضك لازم نقرا في الصيف باه نعوض لاخطراه درت رياضيات.
المهم ربي يوفقنا أجمعين

[فارسة الاسلام15]

هههههههههه
حتى حنا دايرين اضراب
انتم واشمن ولاية
مسيلة
درتو اضراب ؟؟؟وعلاش
ياك غير اصحاب الجنوب ولا راني غالطة

[رتاج المنتدى]

و الله قصص انتاعكم يضحكو ههههههههههههه انا تاني فوت العام هاذا لعب و اتمسخير مع زملائي و زميلاتي صراحة كل عام انطيح في كلاسة مشاغبة ديما الضحك و اللعب و التمسخير فرات مع هاذ العام كثروا الاضرابات ياسر و احنا القيناها على قلوبنا مي العام الجاي ان شاء لازم كامل قراو و نحضروا انفسنا لbacان شاء الله
تحياتي للجميع***رتاج المنتدى**

[جنة الفردوس 16]

أنا يلي راح نقولو قالاتو رتاج

[رتاج المنتدى]

ههههههههههه جنة الفردوس و الله تقتلي بالضحك الي درتيه هاذ العام ماشي قليل ههههههههههه

[maya rama]

مرحبا
رغم انني كرهت الدراسة الا انها اكثر مكان ابتسمت فيه