يكاد يقتلني

[sousou hz]

مشكلتك انك ضعيييييييييييييييييييييييييييييييييييييييييييف قدامها وهي عارفة
غير روح فركت على مراء اخرى

[jihanne]

وشبيك

راهي مدايرتك اختياط
فيق مع روحك

[مراد الأمل]

السلام عليكم
أخي فرج الله عليك و أريد أن أقول لك................
أنت ناس ملاح فوق اللازم..و الفتاة متأكدة أنّك تحبها..لذلك هي تفعل هذا ..أخي أنت تقول بعد ما عرضت عليها الخطبة و رفضت لاي سبب استمرت في التحدث معك ..و اكثر من هذا تأتي و تجالسك أكثر من ساعتين و تتصل بك على الهاتف...................بفففففففففففف
أخي اسمحلي...لكن و الله لو كنت حازم و صارم معها و الله العظيم هي لا تستطيع بعد تقدمك لها و رفضا حتّى أن تحدّق فيك..أو ترفع رأسها في حضرتك..
أخي أنا فهمتك جيدا و فهمت قصتك ..هذه الأستاذة فاهماتك و عارفة بلي كل ما تتقرب منك أنت تزيد تتعلق بها و تبني آمال..
أخي كن قويّ و غيّر طريقة معاملتك معها ،، و لا تعطها اي فرصة لإغرائك ..و استعن بالله في الأول و الآخر

[mitrochka]

كان الله في عونك أخي
و لا أزيد على ماذكر الإخوة سلفا
هذا ليس حبا إنما هي تتلاعب بك و يقينها أنك تزداد آمالك بها كلما كلمتك يجعلها تتبع معك أسلوب الشد و المد
على كل رزقك الله زوجة صالحة تقر عينك بها و تقر عينها بك

[sarl02]

يا اخي صحيح الانسان كي احب من قلبو اولي اعمى ولا يرى في محبوبته الا الايجابيات ولو قالو لك ما قالو عنها تبقى تحبها ولا يعرف هذا الا من جرب ... انا ما انقولك صدها ما انقولك ادابز معاها ما والو...انصحك نصيحة رجل لرجل لا تكن غافلا وفقط ودير تحت غافلا الف خط...اترك الامر كما هو عادي وتعامل معاها في اطار العمل عادي وكان شيء لم يحدث لكن يجب عليك ان تقتنع في قرارة نفسك انه ليست هذه هي الفتاة التي ستكون زوجتك لانو انت شفتها يعنيك مع انسان اخر اتقبلها على نفسك يا ااخي ؟؟؟يا اخي انا انامن بالحب الصادق بصح ينعل بو القلب الي اوطي كرامة الانسان في الارض ويجعلو ما يسواش ...هذه الطفلة راه عاجبها الحال كيراك هكذا تتعذب وقتلك تعامل معاها عادي كزميلة في العمل كي شغل ما صرا والو لكن في المقابل ابحث عن غيرها وبسرعة وحاول باقصى جهدك وبتوفيق من الله ان تلقاها وعندئذ روحلها وقلها بوركيلي راني خطبت ..صدقني اخي والله سترد لها الصاع صاعين وستعيش الذي عشته انت اضعافا مضعفة هذا هو الحل الوحيد لمشكلتك منها تريح وتلقى بنت الحلال ومنها تعطي للفتاة هذه درس من دروس الحياة ووفقك الله.

[wafa16]

و مازالك يا اخي
انا عمبالي مشكلتك اتحلت
شوف اولا هاد الانسانة راهي تتمسخر بيك و ماشي عاقلة كيما راك تقول لوكان اعطى ربي بعد ما عرفت مشاعرك و رفضاتك تعود هي تتجنبك و ما تهدرش معاك باش تنساها لوكان جات انسانة عاقلة و مليحة كما يقال الحب اعمى
ثانيا راهي شاداتك احتياط او تحب تحس روحها مركز الاهتمام و مركز الكون و الا عندها عقدة من الرجال تحب تعدبهم (هادي تع الافلام زدتها من عندي)
الحل انك تزبط و جهك عليها ما تضحك ما تقصر ما تسلم و هاديك الاحاديث تع زوج سوايع لوكان خطيبتك ما تعطيهاش هاد الوقت قوللها عندي خدمة لازم نكملها و راكي تديرونجي فيا ما تزيدش تدور من جيهتك
لازم ترتبط و تتزوج باش تصيب فاش تتلهى لانك عندك فراغ عاطفي هو اللي خلاك تتعلق بالاستادة كل هاد التعلق مع انو عندها حبيب هدي و حدها من المفروض تخليك تراجع حساباتك بلي ماشي عاقلة
بعد ما تخطب قوللها خطيبتي تغير عليا و ما تحبش نتكلم مع زميلاتي في مواضيع خارج نطاق العمل