احتاج مساعدتكم في مأكولات مريض بحساسية القمح

[~عبق الجنة ~]

شكرا اختي دلال

لكن لدي تسائل ، لماذا تستعملين القهوة الخاصة ؟ هل قهوتنا ممنوعة

و ممكن تعطيني طريقة صنع بز الهمبورغر
وجته في ذلك الرابط ، لكن هناك مواد لم اعرفها

[maramelmess]

المشاركة الأصلية كتبت بواسطة درة الاسـلام

السلام عليكم
لدي قريبي مريض بمرض حساسية القمح
يعني المأكولات التي تحتوي على القمح لا يأكلها ابداااااا
و يأكل بدلها الذرة

فهل منكم من يعاني من هذا المرض ؟ ارجوا ان تكونوا في تمام صحتكم و ان يدوم الله بعافيته عليكم
و هل من مجرب لمأكولات ناجحة بالذرة بدل من القمح
و هل تعرفون محلات كبرى في الجزائر لبيع المأكولات الخاصة بالمرض؟


ساعدوني و اجركم عند الله

و ادعوا لقريبي المريض بالشفاء و لكل المرضى

و بارك الله فيكم

انا في انتظاركم...

ختي لعزيزة هو عندو مالادي سيلياك ياكل سون قلوتان

في الجزائر العاصمة كاين محلات كبرى كيما ارديس "جاي كيما لافوار و هيلتون" و قلاكسي "جاي في عين النعجة الحي العسكري" و اونو " جاي في باب الزوار تلقاي رواق مخصص للاغدية بدون قلوتان

هو يقدر ياكل الروز و لا الماييز
و ما يقدرش ياكل المواد المصبرة لاخاطرس المادة الحافظة فيها قلوتان ربي يشافيه ختي

بنت بنت عمتي كانت مريضة بيه وبرات عامين بعد مادارت الريجيم
مي ردي بالك يقدر يدير الكونسار

[le chameau]

السلام عليكم ادا حبيتى نفيدك انا ولدى كان كيما قريبك و الان الحمد لله رانى داويتو عند مرءة تاع اعشاب و شفيا تماما حتى واحدة من العاصمة اخدتها عندها و شفيت ادا حابة ندلك عليها رانى هى الخدمة

[عروبة وطن]

المشاركة الأصلية كتبت بواسطة le chameau

السلام عليكم ادا حبيتى نفيدك انا ولدى كان كيما قريبك و الان الحمد لله رانى داويتو عند مرءة تاع اعشاب و شفيا تماما حتى واحدة من العاصمة اخدتها عندها و شفيت ادا حابة ندلك عليها رانى هى الخدمة

وعليكم السلام اختي
ياريتك تساعدينا كلنا انا ايضا لدي قريبة تعاني منه
وقد قال الطبيب لها انه لا شفاء منه الا بالحمية مدى الحياة
وهي جد نحيفة
فياريت تعطيني عنوان المراة

[~عبق الجنة ~]

نعم اختي
دلينا عليها من فضلك

[le chameau]

المشاركة الأصلية كتبت بواسطة عروبة وطن

وعليكم السلام اختي
ياريتك تساعدينا كلنا انا ايضا لدي قريبة تعاني منه
وقد قال الطبيب لها انه لا شفاء منه الا بالحمية مدى الحياة
وهي جد نحيفة
فياريت تعطيني عنوان المراة

معذرة عن التاخير هذا وين تفكرتك المهم انا تانى ولدى كان نحيف و قزم و بعد ما داواتو المراءة و الله العظيم غير والا ما شاء الله طويل و فاتنى حتى فى الميزان اصبح الان يزن 100 كلغ تبارك الله و هو الان عمره 16سنة حتى المراءة لجاتنى من العاصمة امها لم تصدق كى بنتها عادت تاكل والان بنتها عمرها 14سنة و الله المراءة لا تطلب شئ ولكن الواحد يفهم روحو والله انا بعد ما شفى ابنى درتلها هدية ثمينة كل شى تستهلو لاننى كنت نخسر اكثر المهم سامحونى طولت عليكم المراءة تسكن فى ورقلة فى قرية بعيدة عن ورقلة ب20كلم و هى نقوسة اسم المراءة جمعة بنت الطاهر و هى معروفة هناك اى واحد يدلكم انا تانى قالى طبيب مدى الحياة و الحمد لله يا رب رانى فى الخدمة اذا احتشتو شئ

[~عبق الجنة ~]

شكرا اختي

بصح وش عطتك بالضبط

أعشاب و لا قرات عليه و لا واش

و قالتلك يبطل الريجيم و لا يكمل معاه

و الدواء نتاعها يطول و لا فيسع؟



رجاءا اعطينا قع المعلومات

[أم عبد الرحمن]

السلام عليكم اختي وربي يشفي قريبك ان شاء الله أنا واحدة من اللي عندهم السيلياك وعندي 12سنة وأنا مدايرة ريجيم دون غلوتين والحمد لله
هذا المرض عموما يحكم الصغار وعادة ما يشفوا منه بالصح اللي يحكموا كبير صعبة شوية ويقولونا الأطباء لازم ريجيم مدى الحياة في البداية كان الأمر صعب علي بالصح الآن الحمد لله لأنه كاين كل شيء متوفر ماش كيما بديت أنا شوفي ياأختي كاين المنتجات الخالية من الغلوتين بكل الأشكال منها منتجات جزائرية مثل تاع الهضاب اللي اسمهم le gaté وكاين تاع الخارج احنا جهة الشرق كاين منتجات santivera et valpiformشوية غاليين بالصح أنا أثق فيهم أكثر يتباعو في سيبارات ودرك نقلك على واش ممنوع وواش مسموح
الممنوع كل منتجات القمح والشعير والخرطال يعني أغلب أكلاتنا التقليدية يعني لا كسكس لا بغرير لا كسرة لا باتيسري لا والو
الجبن قريار وجبن لاطاغتيني ماعدا لافاش كيري مثلثات وكيري هذو مافيهمش خاطر تأكدت من الشركة تاعهم
كل المصبرات كالطماطم علب والمربى لازم يطيب بالطماطم حب وأذا حب ياكل الكونفتير يعملو في الدار من الفواكه
الحلوى والشكولاطة والعلكة ممنوع ماعدا الخاصة بمرضى الحساسية للغلوتين عندك نوتيلا وشكولا كيندر batonnetsمافيهمش غلوتين
الأرز مسموح وكل الحبوب الجافة كاللوبيا والعدس والحمص وكل الخضر والفواكه الطازجة ماش تاع العلب ولا تاع المطاعم مالازمش يامن فيهم
المشروبات بكل أنواعها يتجنبها ماعدا العصائر الطبيعية
القهوة والشاي مسموحين عادي وكذلك البيض واللحوم والحليب
الياغورت ممنوع ماعدا الطبيعي وكذلك البتسيوس
الخميرة تاع الخبز كذلك ممنوعة كاين خميرة خاصة للخبز والأخرى الكيميائية تاني بدون غلوتين
تاع الخبز ماش متوفرة جهتنا أنا يجيبهالي خويا من فرنسا ولا نلقاهم في علب الفرينة تاع الخارج أما الخميرة تاع القاطوكاينة
المرة الجاية نعطيك الكيفية اللي نعمل بها الخبز والقاطو تاع النشاء

[~عبق الجنة ~]

شكرا اختي ام عبد الرحمن على الشرح
لكن من قال لك ان جبن لافاش كيري مسموح ، لانه قيل لنا انه ممنوع
و كذلك من قال لك ان ناتيلا و كندر مسموحة؟
لازم تكوني متأكدة لانها مسؤولية

و راني في انتظار طريقة الخبز لانو مهما درناه ما يخرجش مليح

و الحمد لله على كل حال

[Flora Gucci]

السلام عليكم

[maiar]

السلام عليكم و رحمة الله و بركاته حبيت نعاون بلي نقدر عليه هذو لي مالفة ندخل ليهم باه ندير لسلفتي الحلويات او الاكل



https://coeliaque.org/forume/forum.php

https://www.caae-eg.com/new/index.php...-11-07-43.html


https://www.beautymaroc.com/vb/showthread.php?t=91445

https://coeliaque.org/forume/forumdisplay.php?f=3&page=2


ربي يشفيكم يا رب

[Flora Gucci]

آآمين
شكرا اختي ربي يجاااازيك كل الخير

[zahou 84]

اختي الان كل شيء راهو متوفر، تلقاي في المحلات الكبرى أماكن مخصصة غير ليهم فيهم كل شيء، وحتى في المنتدي راهم كاين وصفات

[بسمة أمل رغم الألم]

انا عندي 23 سنة ونعاني من هذا المرض والحمد لله في هاد الوقت كلشي راه متوفر عندنا حتى العلك والحلوى والباتيسري

[r_musulmane]

السلام عليكم
بنت عمي كانت مريضة بنفس المرض و كنا نطيبولها غي درا و ارز ونشرولها من الصيدلية شيكولا و قاطو ....... بصح نهار قالونا على وحدة المرأة في حمام بوحجر ديناهالها دارتلها المرة الأولى عقدة و حشايش قالتنا تاكل العقدة 12 يوم و بداو توكلوها الخبز طبقنا شاقالتنا نقسملك بالله العلي العظيم ما نظرت بالعادة غي تاكل لبابة تاع خبز يصرا فيهات ما يصرا بصح الحمد لله شربناها هاذيك القرعة تاع الحشايش عاود رديناها زادتها عقدةو من هاذاك نهار ولت تاكل عادي

ننصحك بيها لا خصك عنوان قوليلي الله يشافي كل مؤمن