زوجي قرر الانفصال

[موج و صخر]

بعيد الشر ، ما تزيديش تذكري كلمة الطلاق....
احنا متزوجين سنين طويلة و ما يشاوروناش في عدة اشياء...
و لازم المركب تسير ...
ما تروحي للمحامي ما والو
هذا ضغط برك كي قرب الزواج و يروح مع الوقت
خبري امك اذا اردت لكي تنفسي عن نفسك ، لكن لا تزيدي الطين بلة
و الرجال الجزائريين معظمهم عصبيين ، ما تعانديهش برك
و ربي يكمل لك ان شاء الله
و ترجعي تخبرينا باتمام الزواج ان شاء الله

[moha75]

المشاركة الأصلية كتبت بواسطة موج و صخر

بعيد الشر ، ما تزيديش تذكري كلمة الطلاق....
احنا متزوجين سنين طويلة و ما يشاوروناش في عدة اشياء...
و لازم المركب تسير ...
ما تروحي للمحامي ما والو
هذا ضغط برك كي قرب الزواج و يروح مع الوقت
خبري امك اذا اردت لكي تنفسي عن نفسك ، لكن لا تزيدي الطين بلة
و الرجال الجزائريين معظمهم عصبيين ، ما تعانديهش برك
و ربي يكمل لك ان شاء الله
و ترجعي تخبرينا باتمام الزواج ان شاء الله

الرجال الجزائريين معظمهم عصبيين


لماذا كل هذا الظلم في حق الرجال؟؟؟
مشكل السكن، العمل، المهر، لوازم الفرح كلها، ....إلخ،
كلها تسبب النرفزة و تخلي الراجل عصبي غصبا عنو،
لذا رفقا بالرجااااااااااااااااااااااااااااااااااااااااااااا اااال
ههههههههههه

[شخصية نرجسية]

المشاركة الأصلية كتبت بواسطة moha75

الرجال الجزائريين معظمهم عصبيين

لماذا كل هذا الظلم في حق الرجال؟؟؟
مشكل السكن، العمل، المهر، لوازم الفرح كلها، ....إلخ،
كلها تسبب النرفزة و تخلي الراجل عصبي غصبا عنو،
لذا رفقا بالرجااااااااااااااااااااااااااااااااااااااااااااا اااال
ههههههههههه

هده ليست قضية مهزلة هدا زواج يا أخي ادا كان من الآن فظ معها و لايحترمهامن بعد الزواج كفاه يديرهلها العمل ليس حجة للسوء

[ryma221]

na3li chitan w sayo tahadro w tatfahmo rabi m3ak nchallh rjala ga3 haka lazam tsa3fi w tasamhi man hakak

[maribelle]

المشاركة الأصلية كتبت بواسطة خديجة 1010

السلام عليكم ورحمة الله وبركاته
راني رجعت ليكم اليوم بحلقة جديدة من مشاكلي التي لا تنتهي مع زوجي عنده سمانة تفريبا قالي نخرجو بالسبت باش نكملو نشرو فش تع الدار تفاهمنا بالخميس عيطلي قالي راني عند الحانوت باش نشري قلتلو اشري الحاجة لي عجباتك قالي راني هدرت مع السيد وخلصتو وكومونديت وش لازم نهار السبت نروحو نجيبوهم قلتلو انا منروحش مرانيش خضرة فوق الطعام بدا يعاير فيا ويكفر عليا وسمعني كلام عمري ماسمعتو في حياتي وهادي ماشي اول مرة نداربو موالفين هكا درك ولا يعيطلي ويستفزني بكلامو انا كرهت منو وقلتلو بهاد الطريقة وهاد العقلية مراناش رايحين نروحو بعيد البارح قالي صيبي الحل قلتلو معندي حتى حل انا بديت في طريق وتوركت فيها ماعليا غير نكمل قالي مكالاه تكملي نحبسوها هنا انا تقلقت قلتلو امالا بيني وبينك القانون وغدوا المحامي يهدر معاك مبقاتلك حتى هدرة معايا واحنا من المفروض عرسنا مزالو شهر
قولولي كيفاش ندير نصارح والديا ولا نصبر ولا نروح عند المحامي ولا نسن

علاش الانفصال خممي مليح تلقاي روحك مكبرة الامور حاجة عادية هو يشريلك في قش لدارك و انت تتغشي عليه واش تحبي يديرلك

[nadine lamara]

ماشي انت اللولة يصرالك هاكا نعرف بزاف في حالتك و عرسهم بقالو اسابيع برك

مالا تاكدي بلي الضغط و القلق فقط يديرو هاكا

و بعد العرس تولو تضحكو على روحكم

[وردة حياتي]

على حساب كلامك يا اختي انتي اللي قررتي مش هو كان ممكن ماتعانديهش ولا تكسري تلفون وتقوليلو فزدلي ماعنديش باش نشري و كملي الشهر اللي بقا بعيد عليه و انتي تهنيتي من تكسار الراس ولكان عقدتو و تطلبي انت الافصال يا الفحلة لازمك ترديلو كلش لكان شايفة روحك كارهة منو و قانعة انك تبطلي خليها تجي منو باش هكاماتخسريش والديك و ربي يهديكم ويصلح رايكم

[ياسمين92]

يا خااااااااااااااه كيفاش بقالك شهر لعرسك و حابة تبطلي
انعلي الشيطان اختي و ماديريش هاد الافكار في راسك
دوك تبانلك حاجة مليحة مي اومبعد صدقيني غير تندمي تولي تقولي في بالك لوكان غير حملت لوكان غير صبرت
المهم دوك ما تقولي لداركم ما توكلي محامي خليها على ربي
و راكي تقولي بلي ديما يزعف هاكدا و يعاود يولي وحدو همال خليه يولي و نحي كامل هاد الامور من بالك
ربي يهنيك حنونة و ديري في باللك بلي كامل عندنا هاد المشضاكل و انا وحدة من الناس اللي راني كتر منك بصح راني صابرة و موكلة امري لربي سبحانه

[basmaretaj]

راها المشاكل في كل بلاصة بصح المراة الشاطرة لي تعرف كيفاه تحكم الراجل
عندي خويا عصبي لوحد الدرجة انا اختو كون نصيب نقتلوا ربي طيحه في مراة احنا جبناهاله والله العظيم لمسيراته
لخاطر الراجل العصبي اسكت وقت لي يكون يطير كي قالت امي شدي فمك و تشوفي النتيجة يولي يعبدك

[هدى البوزيدية]

لا حول و لا قوة إلا بالله
يا ختي انغلو الشيطان كي وصلتو للمرحلة هادي رايحين تطلقو علاه دخلي في القانون في الحكاية
عيطي لراجلك راضيه أحسن ليك أولا و ليه ثانيا
ربي يسهلك ختي العزيزة و يوفق بيناتكم ان شاء الله

[ماسيلا]

ما كاين والو باذن الله اصبري شويه متعيتيلوش هكدا تتكالماي انتي و هو و ان شاء الله تلقايه يعيط و يقلك منقدرش نعيش بلا بيك
ربي يهنيككككككككككككك حنونتي

[ميرثا]

ربي يهديك ختي بلعقل كلش

هدا هو نتيجة العقد بفترة كبيرة قبل زواج

دكا هدي اللعب وخلااص ومهما يكون زوجك دكا

وصبري ومع لوقت راكي تكسبيه افضل من العناد

[hadjou alfkar]

ya khti normal hadi ana malfa tessrali krib koul youm normal hada kamel chitan la3natou allahi alih madiri walou fe balak khali koulach kima rahou doc yezoul al hamdoulilah

[amira19]

يا لبنات هاد الراجل راهو طامع في دراهمها

انا من رايي ما تهدريش معاه حاليا تبعي نصائح السيدة كارمن ان شاء الله هي توريلك طريق الصح و بالاكي ما تتاخدي حتى قرار حاليا و ما تقوليش لوالديك حتى تحلي المشلكل

ربي يكون معاك حبيبتي

[leyalli]

سلاااام
دحكتيني خاطر فكرتيني بروحي انا تان كان ايديسيدي كلش وحدو و كينتفاهمو نخرجو نقدو اقولي نديك نتي تخيري و مبعد يقولي راني رحت مع يما خيرنا مي ما جبتوش حتا نديك تشوفي و انا قتلو ياك خيرت انا واش نجي ندير، و كل مرا هاك حتى ولا يقولي نتي دراري مي شفت طريقة هدي تطفر غير فيا
ملا وليت نديه على حساب عقليتو و نقولو معليش أنا علابالي راجلي يعرف اخير و ما نخافش عليه مي مادا بيا نخيرو انا و ياك و كي يدي يماه ما نحاسبوش "حقها تفرح بيه" كي نروه نشوف ادا عجبتني نديوها و ادا لا نبدلها و نقولو عجبتني وحدخرى مع شوي تكلاخ ندي وش حبيت
انا نقولك أصبري و فوتيها ماتقرايش قاع وش ايدير راجلك بالنقص ولفي روح متزعفيش على والو خلي زعافك و كلمتك عزاز