موضوع مميز الورشة الثانيه سطايفية - الصفحة 2

سوسو95 · 2013-06-24, 10:27

اقتباس:

المشاركة الأصلية كتبت بواسطة stayfiya

يا بنتي التيلو كي نديروه يتخيط من فوق و تعاودي تقلبيه منو يدرق لخياطة و منو يمتنها مليييح و كي شغل دوبلييير فهمتي وو بالنسبة لسؤالك نتاع قياسات راهم لوجييييك ميش اساسي مثل وحدة رقيقة نهبطولها في ليمونش ب 20 مثلاا اما السمينة اكيييد هذا المقاس ما يكفيهاش تسما نحاولو نزيدو في فتحة الذراع حتى ل 27 سم ونفس الشيئ بالنسبة لعرض الكتف يخي نتي تحكمي المقاسات و طبقيهو انا ما نقجرش نمدلكم مقاسات كل وحدة ندير ماقاساتي و نتوما كل وحدة تقيس على حسابها المهم لا ميتود نتاع الخدمة تكون اوكي فهمتي حبيبتي ؟؟؟؟

لي بانس تحكمي الطرف الامامي و تقيسي قداش فيه على مستوى الخصر و تقسمي الحاصل على 4 و وتحسبي مثال لقيتي 40 /4 =10 حطي الميطرة نتاعك على لاطاي و كل 10 \يري نقطة من حاشية الكتان يمين و يسار و النقط هادو يتشكل فيهم البانس و بالنسبة للظهر طبقي الظهر على 2 وفي المنتصف اطراسي البانس من فوق للتحت و يعراض البانس عن\ خط الخصر فقط

اختي راني فهمت انتاع الامام هاديك 20 سم المتبقية في الوسط هو عرض البنسة

بصح انتاع الخلف ما فهمتهاش يعني عرضها عرض الخصر /2 وطولها طول القندورة والبنسة تكون مزدوجة او عادية ياريت اذا تقدري توريني كيفاش نرسمعا برسم تخطيطي انا مانعرف غي البنسة الي على شكل معين

سمحيلي تعبت معايا

ام مريم اسراء · 2013-05-08, 21:48

وااااااااااااااااااااااااااااااااااااااااااااااااا اااااااااااااااااااي طلت الحادقة

ام مريم اسراء · 2013-05-08, 21:50

من عيوني تامري امر القهوة نطيبها و نزيد كشما نشري قاطو منيش لاتيا بالكوزينة راني كرهتها ههه راني حابة نزكككككككككز تبقاو عل خير يا مواعن العشاء لغدة لاحب ربي نغسلكم

كنوزنبراس · 2013-05-08, 21:51

بلمتابعة...........

غيداق · 2013-05-08, 21:52

وانا الثانية نهنيك بالورشة الرائعة والله يا السطايفية يا الزينة ربي يخليك لينا تفرحي قلوبنا وتمتعي عينينا بابداعاتك الرائعة تشعلي الحماس فينا وباذن الله انا رايحة نخيط هذا المودال لاني خيطت الورشة الاولى وجات تهبل انا اول مرة نخيط واول مرة بديتها معاك منين نقدر نصور تطبيقاتي راني نحطهملك باه تقيميني
والله قد ما نقول ما نقدرش نوفيلك حقك من الشكر والعرفان فبارك الله فيك حبيبتي

ام مريم اسراء · 2013-05-08, 21:54

يا اختي متزعفيييش على خطر مطبقتش راني كون نطبق نفوتك و درك راني غير حشيشة طالبة .. وريشة اه معيشة باش نشفوك و تكثري الورشااااااااااات
........ دعاوي الخير خير ....... اما الكولور روعة عجبني واش نقلك ......

om meriem · 2013-05-08, 21:56

والله رانى معاك وربي يعطيك صحتك

Om hazar · 2013-05-08, 21:58

السلام عليييييييكم بارك الله فيكي يا اختي سطايفيه او في لبرونتي تعك ثانيه

stayfiya · 2013-05-08, 22:17

اقتباس:

المشاركة الأصلية كتبت بواسطة om hazar

السلام عليييييييكم بارك الله فيكي يا اختي سطايفيه او في لبرونتي تعك ثانيه

اهلاااا لابرونت نتاعي الاولى علابالك نتي صاريلك كيما الطفل البكري عزيز و مدلل هههه ومانيش ناسية بلي نتي لي ركبتي القالون و قستيها و صورتك ههههه و مزال الخير لقدام

اقتباس:

المشاركة الأصلية كتبت بواسطة ام مريم اسراء

يا اختي متزعفيييش على خطر مطبقتش راني كون نطبق نفوتك و درك راني غير حشيشة طالبة .. وريشة اه معيشة باش نشفوك و تكثري الورشااااااااااات
........ دعاوي الخير خير ....... اما الكولور روعة عجبني واش نقلك ......

اخلايا لاكولور والله زرولتني و الورشات راهم كاينين ربي يخليلي لي زابرونتي و حييلي الجمهوور ههههه

اقتباس:

المشاركة الأصلية كتبت بواسطة غيداق

وانا الثانية نهنيك بالورشة الرائعة والله يا السطايفية يا الزينة ربي يخليك لينا تفرحي قلوبنا وتمتعي عينينا بابداعاتك الرائعة تشعلي الحماس فينا وباذن الله انا رايحة نخيط هذا المودال لاني خيطت الورشة الاولى وجات تهبل انا اول مرة نخيط واول مرة بديتها معاك منين نقدر نصور تطبيقاتي راني نحطهملك باه تقيميني
والله قد ما نقول ما نقدرش نوفيلك حقك من الشكر والعرفان فبارك الله فيك حبيبتي

الحمد لله و الله نفرح كي نشوف واحد تعلم حاجة من عندي