عملت ولم آخذ أجرتي - الصفحة 2

ketkouta · 2013-05-08, 19:14

اقتباس:

المشاركة الأصلية كتبت بواسطة omertà

..................................................

ربي يجازيك خويا لعزيز ان شاء الله ربي يوفقني ونوصل وين حبيت واكيد نعاود نجي ونحكيلكم وش صرا

sali-sali · 2013-05-06, 19:13

روحي ليها وهديها..واعطيها درس في الاخلاق
+ اشكي بيها
ادا مكان والو
وكلي ربي
وربي يعوضك خير ان شاء الله

آمِيْرَتُه · 2013-05-06, 19:52

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

ketkouta · 2013-05-06, 19:56

اقتباس:

المشاركة الأصلية كتبت بواسطة الاميرة منيني

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

شكرا جزيلا اختي
بصح مانقدرش نزيد نروحلها باسك خرجتلي للعيب وانا راني نطلب في حقي ماشي في الصدقة

محمد جديدي التبسي · 2013-05-06, 21:12

هو لو كان عطيتيها طريحة ونسلتيلها شعرها تحطلك حقك في لحظتها
أما الأمور القانونية الله أعلم ما تنفع غير العين الحمرا
وأحسنلك تحبسي الخدمة وتحكمي الدار ارتاحي واش اداك لتكسار الراس
ربي يفتح عليك ..

ketkouta · 2013-05-06, 22:42

اقتباس:

المشاركة الأصلية كتبت بواسطة محمد جديدي التبسي

هو لو كان عطيتيها طريحة ونسلتيلها شعرها تحطلك حقك في لحظتها
أما الأمور القانونية الله أعلم ما تنفع غير العين الحمرا
وأحسنلك تحبسي الخدمة وتحكمي الدار ارتاحي واش اداك لتكسار الراس
ربي يفتح عليك ..

هههههههههههههههههههههههه الله غالب مانعرفش نضارب والله تمرمدني

وكي نحبس الخدمة ونحكم الدار شكون يصرف عليا ؟

محمد جديدي التبسي · 2013-05-07, 09:52

اقتباس:

المشاركة الأصلية كتبت بواسطة ketkouta

هههههههههههههههههههههههه الله غالب مانعرفش نضارب والله تمرمدني

وكي نحبس الخدمة ونحكم الدار شكون يصرف عليا؟؟

يعني ما لقيتيش اللي يصرف عليك؟
ربي يرزقك أختي بالزوج الصالح الذي يغنيك عن كل هذا التعب

bibicha · 2013-05-06, 22:09

وكلي ربي و ارفدي يديك لسما اختي و ادعي ربي يفرجك فيها و ما تخافيش

ketkouta · 2013-05-06, 22:47

اقتباس:

المشاركة الأصلية كتبت بواسطة bibicha

وكلي ربي و ارفدي يديك لسما اختي و ادعي ربي يفرجك فيها و ما تخافيش

ان شاء الله
بارك الله فيك اختي

z.abdo · 2013-05-07, 00:34

السلام عليك أختي كما نصوحك الأخوة عليك ان تشتكي بها لدى المصالح المختصة مثل مفتشي ةالعمل ولا تتأخري في ذالك لأن الموسم الدراسي سيتوفق وتغلق هي مدرستها عن قريب

ketkouta · 2013-05-07, 11:22

ان شاء الله يا ربي

ketkouta · 2013-05-07, 12:43

شكون يعرف مقر مفتشية العمل في قسنطينة يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟

ennie · 2013-07-06, 02:31

اقتباس:

المشاركة الأصلية كتبت بواسطة ketkouta

شكون يعرف مقر مفتشية العمل في قسنطينة يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟

اختى مفتشية العمل فى bel air لكان تعرفي السيلوك بالظبط منين كانت دار الشباب بكري منين جهة الحمام

مريم الصابرة · 2013-05-08, 20:28

السلام عليكم اختي
انا نقولك وكلي ربي عليها وخليها راكي تشكي بيها والمرا بمعارفها وزيدي لو تشكي بها صح ما عندك حتى دليل إلا إذا التلاميذ كبار ويشهدو معاك وهذا امل ضعيف وزيدي تظلي تشكي بها وتحكاميها تضيعي وقتك فالباطل
عدالة ربي اكبر من القانون وكلي عليها ربي وخليها يجي نهارها

samira135 · 2013-07-07, 01:10

خههههههههههههههههههههههههههههخ فكرتني في قصتي مع Auto ecole لي كنت نتعلم عندها
كانت دايرتلي نهار في سمانة لمدة 5 دقائق و كنت مسحقة البرمي في اقرب وقت ومكانتش تعلم فيا زين قلتلها ديريلي ساعة على الاقل في سمانة قالتلي والو ومن بعد اقترحت عليا اني نتبدل عند اخر قلتلها ترجعيلي دراهم قالتلي لالا قلتلها اوكي مانتبدلش مي معيشتك نصمطهالك وفي الاخير قالتلي نعطيك مليون مع اني مديتلها 2 ملاين و 800 قلت معليهش يعطيك نتهنى منها ايا لقيت شكون لي يقبل اني نتبدل عندو ودرت طلب لمديرية النقل وافقو على الطلب رحت ليها قلتلها مديلي دراهم قالتلي هاهاها مديلي دليل انك تساليني حكمتلها الميكرو كسرتو قالتلي معليهش دراهمك نشري بيها واحد وهي دايرة في البيرو "بلازما" قلتلها ايا قوليلو باي باي ايا زهرها جا لي يقري في الكود و هددتها قلتلها ضركة نروح لمديرية النقل ونفلهم انها تخلص على لي مايربحوش المرة ثانية 240 مع انو ماحقهم يخلصو غير 20 ألف نتاع الطابع وقلتلها طونوبيل نحرقهالك وهاهو وجهي ورحت حتى بعثتلي دراهمي كااااااااااامل 2 ملاين و 800 في هذا الوقت مايليق غير القوة " العين بالعين والسن بالسن والبادي أظلم " آآآآه وكان جيتي قريبة ليا والله غير نجيبلك حقك