توضيح "انا الي غالطة ولا خطيبي"

[انغام المنى]

شكرااا لردود الي بعضها جارح بزااااااف
انا ماشي رايحة نتزوج زواج الذل كيما راكم تقولو هو كي شاف تعاملهم معايا هكا دارلي داري وحدي مدايرلي راي نتاعي يحبني مدللني بصح اهلو انا كي نقلو دارولي ما يشتيش ويزعف انا تاني وليت نقلقو لانو علي ضغط كبير هو ضحى على الي ودار المستحيل باش يخطبوني انا على جالو ندير اي حاجة انا جيت نفرغ قلبي ندبتولي وهذي ماشي اسرار زوجية اقاربو كامل واقاربي على بالهم بالمشاكل هوما كيما بداو يديرو المشاكل باشي بالستر داروهم والناس كامل يتفرجو
انا من محيط وهما من محيط تقدرو تقولو سلفين ابوهم كان داعية وكون نكتب اسمو في قوقل كامل تعرفوه من عايلة كبيرة بزاف جيتهم انا غير مناسبة ليهم ما يحبوش الي ماشي محجبة وانا كنت ماشي محجبة وحجبت تفاديا للمشاكل
مايحبوش الي عندها صحباتها وانا عندي
مايحبوش الي تخدم وانا نخدم
مايحبوش الي يديرو المكياج وانا كنت ندير ونحيتو وكيلهم ربي بصح انا خطيبي نحبو وهو يحبني مكانش علاقة تخلو من المشاكل
متقولوليش ديته على الدراهم انا تاني في دارنا الحمدوله عايشين مليح وكامل في الدار نخدمو والله عجبني قبل ما نعرف هو شكون صح هو جارنا بصح كي بديت نهدر معاه ما عرفتش هو ابن شكون
على العموم انا غلطت كي جيت هنا وفرغت قلبي

[imane-2020]

المشاركة الأصلية كتبت بواسطة انغام المنى

شكرااا لردود الي بعضها جارح بزااااااف
انا ماشي رايحة نتزوج زواج الذل كيما راكم تقولو هو كي شاف تعاملهم معايا هكا دارلي داري وحدي مدايرلي راي نتاعي يحبني مدللني بصح اهلو انا كي نقلو دارولي ما يشتيش ويزعف انا تاني وليت نقلقو لانو علي ضغط كبير هو ضحى على الي ودار المستحيل باش يخطبوني انا على جالو ندير اي حاجة انا جيت نفرغ قلبي ندبتولي وهذي ماشي اسرار زوجية اقاربو كامل واقاربي على بالهم بالمشاكل هوما كيما بداو يديرو المشاكل باشي بالستر داروهم والناس كامل يتفرجو
انا من محيط وهما من محيط تقدرو تقولو سلفين ابوهم كان داعية وكون نكتب اسمو في قوقل كامل تعرفوه من عايلة كبيرة بزاف جيتهم انا غير مناسبة ليهم ما يحبوش الي ماشي محجبة وانا كنت ماشي محجبة وحجبت تفاديا للمشاكل
مايحبوش الي عندها صحباتها وانا عندي
مايحبوش الي تخدم وانا نخدم
مايحبوش الي يديرو المكياج وانا كنت ندير ونحيتو وكيلهم ربي بصح انا خطيبي نحبو وهو يحبني مكانش علاقة تخلو من المشاكل
متقولوليش ديته على الدراهم انا تاني في دارنا الحمدوله عايشين مليح وكامل في الدار نخدمو والله عجبني قبل ما نعرف هو شكون صح هو جارنا بصح كي بديت نهدر معاه ما عرفتش هو ابن شكون
على العموم انا غلطت كي جيت هنا وفرغت قلبي

اختي انتي ما غلطتيش كي جيتي وحكيتي وكيما قلتي ما كاش دار بلا مشاكل وماكش شجرة ما تهبش عليها الريح
لكن كبري قلبك المنتدى فيه كل الانواع وكل الفئات انتي جيتي فضفضتي و فرغتي قلبك لكن كل واحد كي فاه يشوف للامر
المهم انا نفلك بما انو هو حابك ودرالك دارك وحدك ما يهمكش في الناس انتي ديري لي عليك واحتسبيه لله لأنو لا تخفى عليه خافية
كيما راه شاد فيك شدي فيه وكيما راه متحمل اتحملي حتى يفرج ربي
نصيحة برك كي يديرولك حاجة ما تشكيش ليه لأنو هو عارف البير وغطاه غير تزيدي تعبيه برك كي يديرولك حاجة صلي ركعتين لله وادعيه واشكيلو من كل قلبك وكانك تهدري مع صاحبتك ولا مع ماماك راح ترتاحي جربيها ورديلي لخبر واختي اذا احتجتي راني هنا تقدري تحكي واش حبيتي اذا كان حبيتي في الدردشة ولا في ***** ولا ربي كون معاك وربي يكبر قلبك وخلاص كلش يفوت
وصح انو تجي منو هو وما يعرضش خوك كبيرة صح لوكان من خاوتو ولا ممكن تقبليها المهم بلاك من ضغوط العرس نساء ولا كيما يقولو اتخذ لحبيبك 70 عذر واش راح تديري ربي يتمم بيناتكم وربي يسهلك اختي انتي ديري لي عليك والباقي على ربي ولي يتوكل على ربي عمرو ما يخيب

[محمد جديدي التبسي]

لا لا أختي أنت طلبتي المساعدة فتحملي قسوة ردودنا لأن نريد لك الخير تأكدي من ذلك
هو إنسان مليح كملي مادامك بدارك وحدك
عاملي أهلو مليح واصبري هوما ماراحش يتغيروا بين يوم وليلة لازم تكسبيهم مع الوقت وديري اللي عليك
ملاحظة فقط الحوايج اللي بدلتيهم فيك كيما الحجاب ونحيتي المكياج راهي أمور إيجابية ومطلوبة في ديننا ماهيش تضحيات منك ولا دايرة مزية في الرجل بل هو المأجور ويبين انو انسان متخلق لأنو طلبهم منك لذلك لازم تخلصي نيتك إنك لبست الحجاب ونحيتي المكياج لإرضاء الله أولا.. اتمنى ان لا يكون كلامي قاسي أختي ربي يهنيك وييسر أمورك ..

[فانيسا]

يا اختي انت اتمسكي بيه وبعد الزواج كل المشاكل رايحة تنقص بينكم خاصة وانو رايحة نسكني وحدك اما بالنسبة لاهلوا حاولي تتاقلمي معاهم بالشوية وكيما نقولو روحتي عندهم ديري كيفهم والله الموفق

[farachati]

السلام عليكم

اعلمي ان اكرام اهل الزوجة من اكرام الزوجة. يمكنك اختبار زوجك لتعرفي هل يمكن ان

يؤثرو اهله عليه في المستقبل.ثم قرري بعقلك وليس بقلبك, لان الامر يتعلق بمستقبل باكمله,

لا تنسي اهم شيئ ,صلي صلاة استخارة مرة واثنان وثلاثة وفوضي امرك الله ,بالتوفيق اختي.

[وفاء...]

المشاركة الأصلية كتبت بواسطة انغام المنى

لسلام عليكم
شكرااا لكل من رد سواء بالسلب او بالايجاب
المهم حنا عندها عام ونص نجحت اختي في الما جستير درنا عشا كبيروانا غير مخطوبة بالفاتحة عرضهم بابا بالواحد خاوتو كل واحد باسمو والبنات المتزوجات كل وحدة عيط لراجلها وماما عيطت لامو وانا عيطت 2 اخواتو بلا زواج
قد ما ندير والو
كرهوني في حياتي بيه بيهم
خزاوني نكرهت وانا نتقرب ليهم على جالو عندو 11 الله يبارك نظل نعيط ونكلف في روحي على جالو وانا عندي غير 3 ما درلهمش قدر والله ماشي غير غايضني الحال منو بزااااف وزيد هو كي عرض بابا قالو اروح تتعشى نهار الاربعاء مقلوش انت والعايلة نتاعك
انا اخواتو شربوني المر بصح على جالو ساكة نهار الشوفة والله مزالو ما وصلوش لباب دار وهما خارجين وليت نبكي وبابا قالي بطلي وانا كملت
مرة اختو قاتلي قدامو وانا مريضة جرها حشاكم كي لحمارة وراك هذي المريضة الفاشلة
ومرة وحدة قالتلي استري روحك شوية مع انو كنت ي الدار وغير نسا قالتهالي قدام مرت خالي وخالتي وصاحبتي ومرت خوه وامو
وحدة قالتلي انت ما تصلي لوالو دانونة وخوه كان متزاعف مع خطيبتو قالي خطيبي ادخلي باش تصالحيهم حشاكم كي صالحتهم قالي واش دخلتك سرقتي خونا منا يا البرانية
وامو واش دارت وانا غير صابرة ومتحملة لاني نحبو وهو خويا مدرلوش لقدر اسمحولي على خواوتي نبيع الدنيا كامل واسمحولي لاني طولت عليكم

يا اختي اذا وفرلك الزوج السكن الخاص بك متعمريش راسك بالتفاهات الاخرى و ما دخليهاش لدارك لان هذا خطا شائع تقع فيه جل النساء فتتنكد عيشتهن مع ازواجهن و ترفعي عن تعامل مع كل من يسيئ اليك مادلم ربي رزقك بزوج محب
و عاملي اهل زوجك بالقدر و حافظي على الزوج ديالك و بعدي عليه كل هذه الامور الكلامية

اما اذا كان سكنك مع اهلك فلا استطيع نصحك و اترك ذالك لبقية اعضاء المنتدى

ربي يهنيك و يكمل ما بيناتكم و يرزقكم الذرية الصالحة

تقبلي مروري

[AMINA.Z]

راجعي فقط اسلوب معاملتك مع زوجك
الاحترام هو الاساس في نجاح اي علاقة

و حتى و لو كان اسلوبو ماهوش متحضر و ممكن يغلط
المراة عقلها و قلبها كبييير علابيها الضغط ديما يكون عليها في حل اي مشكل

في المشكل السابق اللي بيناتك يا اختي اعذريه انا شخصيا نلوم الناس اللي تقول لازم نعرضو كل واحد باسمو
هادي ماهيش عقلية
رانا غير نفسدو في العلاقات اللي بين الناس في سبت هاد العقلية و انت احسن مثال

الشيء الثاني حتى و لو كان قاصد ما يعرضش الكلام كان يقدر يكون كافي باه تفهميه غلطة تاعو
بالصح تكوبي في وجهو و تزيد تقوليلو كلام كيما هاداك !!!!!!!!!!

هنا يا اختي تسمحيلي ماكيش مداير قيمة لراجلك و ما كيش محتارماتو
و الراجل يحترم المراة كي ديرلو قيمة و تحسسو بلي يسوى الدنيا و مافيها مي انتي درتي العكس

اطلبي منو السماح و يربي لينساهالك

ربي يهديكم

[imane bela]

[أمة الله 12]

وش راح نقلك اختي صلي صلاة الاستخارة, و زيدي خمي مليح

[bibicha]

المشاركة الأصلية كتبت بواسطة انغام المنى

شكرااا لردود الي بعضها جارح بزااااااف
انا ماشي رايحة نتزوج زواج الذل كيما راكم تقولو هو كي شاف تعاملهم معايا هكا دارلي داري وحدي مدايرلي راي نتاعي يحبني مدللني بصح اهلو انا كي نقلو دارولي ما يشتيش ويزعف انا تاني وليت نقلقو لانو علي ضغط كبير هو ضحى على الي ودار المستحيل باش يخطبوني انا على جالو ندير اي حاجة انا جيت نفرغ قلبي ندبتولي وهذي ماشي اسرار زوجية اقاربو كامل واقاربي على بالهم بالمشاكل هوما كيما بداو يديرو المشاكل باشي بالستر داروهم والناس كامل يتفرجو
انا من محيط وهما من محيط تقدرو تقولو سلفين ابوهم كان داعية وكون نكتب اسمو في قوقل كامل تعرفوه من عايلة كبيرة بزاف جيتهم انا غير مناسبة ليهم ما يحبوش الي ماشي محجبة وانا كنت ماشي محجبة وحجبت تفاديا للمشاكل
مايحبوش الي عندها صحباتها وانا عندي
مايحبوش الي تخدم وانا نخدم
مايحبوش الي يديرو المكياج وانا كنت ندير ونحيتو وكيلهم ربي بصح انا خطيبي نحبو وهو يحبني مكانش علاقة تخلو من المشاكل
متقولوليش ديته على الدراهم انا تاني في دارنا الحمدوله عايشين مليح وكامل في الدار نخدمو والله عجبني قبل ما نعرف هو شكون صح هو جارنا بصح كي بديت نهدر معاه ما عرفتش هو ابن شكون
على العموم انا غلطت كي جيت هنا وفرغت قلبي

اختي اسمحيلي بالاك انا تان كان ردي جارح لكن غضتيني و قلت كيفاش رايحة تسكني معاهم في دار وحدة لانو من جيهة راكي حكيتي غير السلبي في الموضوع الاول و ما فهمتيش بلي زوجك دارلك منزل وحدك و و و المهم منين عادت هكا حاولي حافضي على دارك و بعدي الضغوط الخارجية و مور الزواج اهلو خليهم بعاد عليك باش ميكونوش عندك مشاكل و ان شاء الله ربي يهنيك و يسعدك

[malak mimi star]

اختي بطلي درك احسن.مقيموكش درك و منبعد راكي تسوفري بزاف هو من المشاكل يكره و تعود حياتكم فيها الملل و المشاكل ميخلصوش.

[TOKYO]

صراحة
احسن زيدو اقعدو و تفاهمو مليح وشفو وين خلل و المشكل و كيف رايح يكون المستقبل وين تعيشو مع الدارهم او وحدك تفاهمو مع البعض
الزواج راه تضحيات و المشاكل و اخد و عطاء و عطاء اكثر منه اخد يلزم لواحد يكبر قلبه قد ما يقدر
يلزم تقعدو قعده باش تتفاهمو و اخطيك من تلفون ثم تلفون
ربي يجيب الخير ان شاء الله