من محاميـــــة الى خياطة؟؟.......

[jiji_"]

السلام عليكم
يا اختي الله يهديك ربي سبحانو رزقك بزوج حاب يصونك و يحافظ عليك متخميش بزاف و متتوسوسيش هذا غير الفراغ راهو يديرلك هكا سيي انشغلي بكاش حاجة و زيد واش دارو النسا الي راهم يخدمو الله يهديك
هذا انا نسميه التفكير السلبي الي مافيهش فايدة
تهلاي في ولادك و ربيهم مليح هذا هو الصح احمدي ربي و ربي يكون معاك ان شاء الله

[hadjira195]

المشاركة الأصلية كتبت بواسطة amani32

تزوجت منذ سنتين ورزقني الله بوليد قبل الزواج كنت موظفة لكن غير مرسمة
وانا محامية منذ سنة 2004 لكن ماكثة بالبيت
زوجي يرفض رفضا قاطعا ان امارس مهنة المحاماة او حتى العمل في اي وظيفة في الدولة هو مهندس معماي والحمد لله عنده مكتب واسم
لكن احيانا احس بتضايق واشمئزاز من حالتي لاني كانت عندي طموحات واحلام احيانا افكر في الطلاق لاستمر في تحقيق طموحاتي في المحاماة لكن لما نشوف وليدي قدامي نتراجع ونقول الحمد لله
انا راضية بقدري لكن دايما يغيضوني سنين عمري لي درستهم في الجامعة تمنيت نكون محامية
كيفاش ندير باش نتهنى من هاذ العذاب الداخلي؟؟؟؟؟

يا أختي ماراكيش و حدك أنا مهندسة دولة في الإعلام الآلي و كنت مرسمة با مرتب جيد و لكني ماكثة با البيت الآن

[nibrasse76]

الخلاصة من تجربتك ...انه على كل رجل يرفض عمل زوجته مثل حالة زوجك ....ان لا يرتبط من الاول بالجامعية او من كانت تعمل وتوقفت ....لانها دائما تعيش معه بالمقارنات ...والابتزاز المستمر ....ناس تأخذ نقود المراة وتزيد تحقرها وراضيين ....وناس اخرين كلشي يوصل لعندهم وهوما قاعدين ...ولا يحمدو النعمة ؟؟؟؟

[السي محمد]

لو كنتي زوجتي سأُطلقك بكل سرور و ادعك تحققين احلامك في المحاماة

فانا ارفض و اترفّع عن البقاء مع امراءة فكرت في الطلاق يومًا ما

[عبد الله 22]

المشاركة الأصلية كتبت بواسطة السي محمد

لو كنتي زوجتي سأُطلقك بكل سرور و ادعك تحققين احلامك في المحاماة

فانا ارفض و اترفّع عن البقاء مع امراءة فكرت في الطلاق يومًا ما

والله عندك الحق إحتمال راه يخمم ليل و نهار كيفش يسعدها و هي تقول نبدلوا هو ولد بالمحاماة و كلنا نعرف كما هو متعفن هذا المجال بالاموال القذرة و الله طعنته في الظهر وهو و لا على بالوا، الله يهدك

[منال 22]

اختي انا ضد المكوث في البيت انا ثاني محامية بصح مانيش فاتحة مكتب بصح راني نخدم في اطار عقود ما قبل التشغيل والحمد لله موفقة بين داري و عملي نقولك صح في هذا الوقت ولات لمرا لي قاعدة في دار يحقروها الناس انا قريت باه يكون عندي دور فعال في المجتمع وخدمة الدار ورعاية الاولاد نخدمها بلا مزيتي هذي دنيا واخرتها موت ما نقعدش في الدار وسنين عمري لي جوزتهم في لقراية اكيد مانيش رايحة نضيعهم
نعطيك مثال كن تسقسي طفلة صغيرة تقوليلها واش حابة تكوني كي تكبري اكيد رايحة تقولك طبيبة او محامية او معلمة و محال تقولك نقعد في الدار طفلة صغيرة و تحلم تكون عندها مكانة مرموقة في المجتمع
مع احتراماتي لكل الاراء

بصح جامي تخمي في الطلاق على جال الخدمة كن عينك في الخدمة كن شرطتيها قبل الزواج

[عائشة07]

التزمي بما اتفقتما عليه اختي
قال رسول الله صلى الله عليه وسلم:" " المسلمون على شروطهم ،إلا شرطاً حرم حلالاً أو أحل حراماً"

[ASKme]

وكانت جنتي وخرجت منها
المراة الماكثة في البيت تزدادا تالقا وتغلوا قيمة والنفوس اليها مشتاقة والقلوب تواقة ههههههه

[أسية24]

أحتي عندي صديقتي محامية قاتلي المحماة ليست أبدا مهنة للمرأة لأنها متعبة جدا والمرأة المتزوجة لا تستطيع التوفيق بين بيتها ومهنة المحاماة ولا أنصحك أبدا بالتفكير في الطلاق لهذا السبب لأنك في نعمة والنعمة إذا زالت بسبب عدم تقديرها لا تعود حاولي أن تبحثي غن عمل في الإدارة إذا كنت مصرة على العمل أفظل من المحاماة أرجو أن تتقبّلي مروري

[saadi-2008]

////////////////////////////////////

[maramelmess]

الرجل لي يقول لمرتو اقعدي في الدار يعزها و يحبها
ماشي يدلها
يذلها كي ما يصرفش عليها و يحقرها و يضربها
ولا يخليها تروح تخدم لي يسوا و مايساواش يزقي عليها و يعطيلها في الأوامر

ولا تقبلي تخدمي بزوج دورو يروح في الطريق
ختي احمدي ربي قريتي لعمرك و قرايتك عمرها ما تروح تقدري تخدمي في المنتدى عاوني الطلبة بالبحوث و كاش نهار تولي مشرفة

نعرف واحدة في الغربة تزوجت مع راجل النهار الاول قالها أنا ما نخدمش عليك شمري على يديك و خدمي نتي تشري الماكلة و أنا الدار و دركة مسكينة تلقت لاخاطرش ما يخليهاش مام با تسمع القران ولا يصلي و لا يصوم

[maiar]

يا اختي ربي يهديك و يهدينا انعلي الشيطان على تحققي حلمك تطلقي ؟؟؟؟؟؟؟؟؟؟ لالا اختي راكي محامية كيما قلتي و تعرفي توزني الامو وقبل كل شيء راكي ام و هل تستحق الوظيفة ان يتشتت ابنك بينك و بين زوجك
ربي يصلحلك بالك

[سدرةالمنتهى]

االسلام عليكم


اختي عدلي في مشكلتك هناك تناقض محامية تفكر في الطلاق
شكون قلك اصلا المراة لها عقل كامل و رزين كي تحكم بين الظالم و المظلوم ؟؟؟؟؟؟
هذا تفكير الغرب لكنه لم ينجح عند نساء العرب لان لنا واجبات نحو اسرنا و اولادنا و ازواجنا و
هم لاسف لا تملك حتى نصف اسرة سلبو منها حق الامومة و اصبحت تعمل ضعف الرجل لكي تاتي بلقمة العيش فقط
ديري في بالك المراة في الغرب مصنفة مع صنف الحيوانات .انتهى


تزوجت منذ سنتين ورزقني الله بوليد قبل الزواج كنت موظفة لكن غير مرسمة
وانا محامية منذ سنة 2004 لكن ماكثة بالبيت
زوجي يرفض رفضا قاطعا ان امارس مهنة المحاماة او حتى العمل في اي وظيفة في الدولة هو مهندس معماي والحمد لله عنده مكتب واسم
لكن احيانا احس بتضايق واشمئزاز من حالتي لاني كانت عندي طموحات واحلام احيانا افكر في الطلاق لاستمر في تحقيق طموحاتي في المحاماة لكن لما نشوف وليدي قدامي نتراجع ونقول الحمد لله
انا راضية بقدري لكن دايما يغيضوني سنين عمري لي درستهم في الجامعة تمنيت نكون محامية
كيفاش ندير باش نتهنى من هاذ العذاب الداخلي؟؟؟؟؟






يا اختي اذا كنت ذكية افصلي شخصيتك على 2
الشخصية 1 تخيلي انك محامية و مستقرة و عندك مكتب و اسم مرموق في المجتمع كم تدعو ن انتم

اتبعي معي الخطوات



جاءتك هذه المراة و قالت لك سيدتي المحامية انت ادرى بحلول مشاكلنا الاسرية انظري عندي مشكل و انا الان افكر في الطلاق او بالاحرى اريد الطلاق و اتحرر
الان تبدا الشخصية 2 بسرد مشكلتها عليك و انت مهمتك هي ابحثي لها عن الحل او انصحيها على الاقل
تزوجت منذ سنتين ورزقني الله بوليد قبل الزواج كنت موظفة لكن غير مرسمة
وانا محامية منذ سنة 2004 لكن ماكثة بالبيت
زوجي يرفض رفضا قاطعا ان امارس مهنة المحاماة او حتى العمل في اي وظيفة في الدولة هو مهندس معماي والحمد لله عنده مكتب واسم
لكن احيانا احس بتضايق واشمئزاز من حالتي لاني كانت عندي طموحات واحلام احيانا افكر في الطلاق لاستمر في تحقيق طموحاتي في المحاماة لكن لما نشوف وليدي قدامي نتراجع ونقول الحمد لله
انا راضية بقدري لكن دايما يغيضوني سنين عمري لي درستهم في الجامعة تمنيت نكون محامية
كيفاش ندير باش نتهنى من هاذ العذاب الداخلي؟؟؟؟؟
هذه مشكلتك انت بالذات لم اضف او انقض منها حرفا


الان يالشاطرة اعطيلنا انت الحل كيماهاك نعرفك صح قريتي و حابة تعاوني الناس في حل مشاكلهم
و لا تحوسي على المحاماة من اجل الاسم و اللافتخار امام الناس فلانة اكبر محامية في البلد فقط ؟؟؟؟؟؟؟؟؟؟؟؟؟؟؟؟

اتحداك ان تجدي لي الحل هنا ندعمك ان تتطلقي و تكملي دراسة المحاماة لانك عن جد اقنعتيني و كنت نعم المراة في المجتمع

انتظر الرد منك

[ميمنة الجزائر]

شوفي ما راكيش وحدك راهم كثييييييييييييييير منك المهم هو تربية ابنك تربية صالحة واحمدي ربك انك كل صباح تشوفي ابنك

قدامك يكبر يعني شفتي نهار مشا ونهار بدا ينطق ونهار يدخل للمدرسة يعني احسن خدمة هي خدمة بيتك

وما دام راجلك ماشي باخلك وعلاه التمرميد كل صباح انا كنت مهندسة معمارية يعني تعبت نضن اكثر منك تعرفي الهندسة واش فيها من مشاكل وطموحي اليوم الحمد الله ربي يحفظلي زوجي وابني لاغير والان راهو كثرو المغريات برا يعني حصني نفسك في بيتك احسن

ونحي الشيطان اللي راهو يوسوسلك وتاني ما تبعيش فلانة وفلانة يكذبو عليك جربت التمرميد برا والله يا الدار غير احسن وشنو ملاح الدراهم برك بصح بعد واش يجيو بعد التمرميد كل صباح اول وحدة نتي اللي تنوضي واول وحدة تخدمي دارك وبيتك وزوجك ولدك ووووو

خمي في الصح دك تشوفي واش راكي مراطية واستغفري كل صباح واحمديه وراكي لقيتي خدمة الخياطة والله احسن حاجة باه تعمري وقتك

[sarl02]

ليست المحاماة بالمجال الذي يجعلك تعيشين في هاته الوساوس وكانك استغنيت عن مشروع نهضوي في سبيل زواجك ومكوثك في البيت....يا اختي الرجال وكرهو من المحاماة وكل من ظهرت له وجهة اخرى لم يبق فيها دقيقة واحدة وانا شخصيا جربت العمل في هذا المجال واستغنيت عنه ....ليست المحاماة كايام زمان بقيمتها و70/100 منهم الان لا يستطيعون حتى على تكاليف ايجار المكتب ووفقك الله في حياتك اولزجية.