عاجل عاجل يا بنات الرجاء الدخول: وصفة للحروق - الصفحة 2

rimaas · 2013-04-17, 15:17

لاباس عليك اختي حتى انا ننصحك بزيت الضرو

فرح. · 2013-04-17, 15:53

استعملي هاد البوماطا
ان شاء الله تفيدك
scarwed

ساندي 28 · 2013-04-17, 16:12

علا سلامتك اختي الوهرانيه انا متعوده ندي ندير الماء مع الملح وندهن بيهم يحرق شويه لكن مفعولو اكيد وميخليش السيكاتغيز تطلع وتاني لاقلاص احكمي مكعب ومرريه على مكان الاصابه وتاني معجون الاسنان وربي يشافيك اختيييييييييي

هبة الله 26 · 2013-04-18, 16:20

الف سلامة اعليك يا الغالية
انا من عندي ان قولك اشري من عند الصيدلي بوماد وسمها بيافين وهي مضمونة يميدو فيها كامل الاطباء وتنفع حتى الحروق من الدرجة 2 داومي اعليها وراهي ارحيسة 200دج فقط
حافظي على نفسك

سعاد19 · 2013-04-19, 19:07

الله يحفضك ويشفيك شفاءا عاجلا وعليك بزيت الضرو ممكنتجديه في قالمة عنابةوسكيكدة

نور الهنا · 2013-04-19, 19:55

الله ياشافيك اختي عندها الحق الاخت اللي نصحاتك بمرهم بيفان ولما ترتاحي شوية استعملي وصفة الشمع الحر المدوب في زينت الزيتون ةالله لنتي العام الماصي سقطت في بيدون ماء غالي ونحرقت خرق الدرجة الثانية والحمد لله شفيت قالي حمالي طبيب امراص داخلية بوهران كي صغيرة الجلد يتبدل وصح راني نعمل الشمع والزيت راه تشفى الله يشافيك

إلهام07 · 2013-04-20, 11:43

على سلامتك حبيبتي ، يقول غالبا الحريق سببه عين ، والله راكي ماشاء الله فحلة وشاطرة والحروق رانا ديما بيهم انا العام هذا تحرقت 3 مرات بالكاراميل ، والله ستيرة ربي برك
المهم ديما ( قراتها ماما في الإسعافات الأولية ) الحريق كي تتحرقي أجري ديري المكان المحروق تحت ما بااااارد أو ثلج
ثم تشوفي الطبيب ، ماتخلطيش بزاف هذا صابون هذا جافيل هذي زبدة ، شوفي أختي مسكينة راهي بآثار حريق بشعة بسبب الجهل حكولها في يدها الصابون قعدتلها مسكينة سيكاتريس بشعة جدا وكبيرة في يدها ولات متعقدة حتى في الصيف تلبس اللباس بالأكمام
حذاري ديري الزبدة على الحريق ، هذا راهو خطأ شائع شفتها في حصة تلفزيونية مع طبيب ، الزبدة تخلي الحرق يتعفن ومايتنفسش حذاااارييي
أنا أختي صيدلية وقاتلي أن زيت الضرو راهو بصح لازم يكون ماشي مغشوش وراهو يتباع في الصيدليات
جربوه بنات معايا للحريق وراهي السيكاتريس اختفت تماما
ربي يشافيك كثرت عليك الهدرة

Nadjwa270 · 2013-04-17, 16:28

bchfa 3alik ya okhti
ma 3andak char
w nchallah zakat nafss

الوهرانية 1 · 2013-04-17, 16:34

اقتباس:

المشاركة الأصلية كتبت بواسطة silindz

ربي يحفضك ويشافيك اد مزال الحريق جديد اغسلي الجرح ديريلوا شوية جفال وابزيس ودريلوا زيت الضزو وانشاء الله تبراي

اقتباس:

المشاركة الأصلية كتبت بواسطة فرح.

استعملي هاد البوماطا
ان شاء الله تفيدك
scarwed

اقتباس:

المشاركة الأصلية كتبت بواسطة omnadjem.10

علا سلامتك اختي الوهرانيه انا متعوده ندي ندير الماء مع الملح وندهن بيهم يحرق شويه لكن مفعولو اكيد وميخليش السيكاتغيز تطلع وتاني لاقلاص احكمي مكعب ومرريه على مكان الاصابه وتاني معجون الاسنان وربي يشافيك اختيييييييييي

اقتباس:

المشاركة الأصلية كتبت بواسطة nadjwa270

bchfa 3alik ya okhti
ma 3andak char
w nchallah zakat nafss

شكرا حبيباتي الغاليات ربي يخليكم

Nadjwa270 · 2013-04-17, 16:29

je te conseille tachri ma3ine français
c'est sure had plat chinoi
rabi satrak

الوهرانية 1 · 2013-04-17, 16:37

اقتباس:

المشاركة الأصلية كتبت بواسطة nadjwa270

ballak les gents li kallabti bihoum le plat kanou bardine 3ala dak tartak?

اقتباس:

المشاركة الأصلية كتبت بواسطة nadjwa270

je te conseille tachri ma3ine français
c'est sure had plat chinoi
rabi satrak

حبيبتي لالا والله العلبة تاعو مكتوب عليها اسبانيا
وزيد خلصتو 1350دج
مابانش ليا ابدا بلي طايوان وميصلحش

Nadjwa270 · 2013-04-17, 16:30

ballak les gents li kallabti bihoum le plat kanou bardine 3ala dak tartak?

ام نسمة · 2013-04-17, 16:52

على سلامتك هادا وين سفت الموضوع صراحة انا نعرف غير بوماد فلامازين يحرق بزاف لكن عندو نتيجة وزيدي تاني ماديكاصول باش تروحلك السيكاتريس رب يشفيك عاجلا ان شاء الله

حواء الجزائر · 2013-04-17, 17:06

الحمد لله على سلامتك اختى وربى يشافيك والحمد لله ماجاتش فى الوجه

الوهرانية 1 · 2013-04-17, 17:08

اقتباس:

المشاركة الأصلية كتبت بواسطة زهورالفل

على سلامتك هادا وين سفت الموضوع صراحة انا نعرف غير بوماد فلامازين يحرق بزاف لكن عندو نتيجة وزيدي تاني ماديكاصول باش تروحلك السيكاتريس رب يشفيك عاجلا ان شاء الله

اقتباس:

المشاركة الأصلية كتبت بواسطة حواء الجزائر

الحمد لله على سلامتك اختى وربى يشافيك والحمد لله ماجاتش فى الوجه

شكرا لكما حبيباتي والله راني صح موجوعة الصهد يخرج منها