اقتباس:
المشاركة الأصلية كتبت بواسطة الصمت حكمة
يا ختي أكبر غلطة درتيها خرجت من دارك، راكي ما زلتي جديدة لازم تتوقعي أنه هاذي العلاقات ما تتقطعش نهائي بسهولة ، غير بالصبر ، لو كان عينه فيها أصلا ما يتزوجكش انتي ، كان عندو أكبر اختيار و كان في الوسع لو كان كان يعرف باللي هي المراة اللي تهنيه بزواجه ما يخممش فيك أصلا أو لو كان يحبها صح، خاطر اللي يحب من قلبو لو كان تكون فيها لي ديفو نتاع الدنيا يقبل بيها غير هي، و لو كان ما عينوش فيك يحوس لك على أصغر و أول غلطة ديريها أو بلا ما تديريها و يلوحك لدار باباك، صدقيني أصبري، أصبري خاطر هادي الأمور غير بالصبر، أول فرصة أرجعي لدارك ما دام راكي وصفتيه على أنه على دين و خلوق، معناها يستاهل التضحية، هادي الغلطات قع تصرا صدقيني ، بالصح ما تتوقعيش باللي كل مراة تصرالها تجي تحكيها لك ما كيش عارفة واش راه صاير في النساء، اللي ننصحك بيها عليك بكثرة الإستغفار، و قيام الليل و ربي ينصر الحلال ما ينصرش الحرام، بتركك البيت راكي انتي اللي عطيتيها فرصة كبيرة ديري في بالك، ما تخليهلهاش هاك بسهولة و تتنازلي من أول مرة، توقعي أها العلاة رايحة تطول أكثر من هاك، بالصح أثبتي أنك أجدر إنسانة به و أنك أنت الوحيدة اللي يقدر ينجح زواجه معها، حاولي تتجاهلي الموضوع باه تتعبيش أكثر في عقليتك، و عيشي كالأميرة في دارك و عيشيه كالأمير مهما تكوني تبكي في الدم من الداخل حاولي إظهار السعادة، و جاهدي و حاولي تكوني جريئة نوعا ما بالصح في الحدود طبعا، و شوفي في النت أفكار كثيرة حاولي تطبقيها، في الأخير ننصحك فقط بالدعاء و الدعاء ثم الدعاء ربي الوحيد اللي قادر يرجعولك، و نتمنى من الله أن يرده لك الرد الجميل، أنت و كل زوجة تعاني من هاذا المشكل ........... آه نسيت باش نقولك مرة أخرى كي يجبدها هو ، ولي له باللي خلاص اللي راح راح بالاك ربي ما هوش شايف لك في الخير و حاولي تغيري الموضوع لموضوع مغاير تماما و بدون إنفعال التقلاق راه ما يدير لك والو، عيشي حياتك يجي النهار اللي تصبح في خبر كان بالصح كيما قتلك الصبر، الصبر........................ نتمنى لك التوفيق
|
انا رايي من راي الاخت صمت الحكمة فعلا هذا ما اردت قوله لك.لا تحاسبي زوجك بما لا يملك فالقلوب بين اصابع الرحمان يقلبها كيف يشاء عليك بالدعاء و اشعريه بالحب الذي تكنين له.
تجربتك او تجربة اخرى مغايرة في التفاصيل لكنها في الاخير حوادث تكدر صفو الحياة الزوجية لكن لا يجب الاستسلام من اول مشكل.كوني صيورة فالحياة الزوجية تخفي الكثير من المفاجات السارة و غير السارة.
( تقرير عن مشاركة سيئة )، و الموجودة أسفل كل مشاركة .
2013-04-22, 16:01
العرض العادي
