اختي الكريمة طبع الانانية شوية صعيب و يكون في النساء و في الرجال لازم تساعفو شوية و تكون انانية هي ثاني شوية ماشي تنحيها على فمها و تمدهالو و فيما يخص والديه راهي عندها اجر كبير كي خدمت عليهم و الحل اللي راني نشوف فيه انها تلقى مصدرللنقود خاص بيها مثلا تخيط او تخدم القاطو اي حاجة تقدر عليها و ما تتكلش عليه و تعيش حياتها لروحها و اولادها و تقوم بيه هو ثاني لانو واجبها و صدقيني كي يشوفها معتمدة على نفسها رايح يحاول يتقرب منها و يبين باللي راهو الراجل انتاع الدار و يهتم بيها و قوليلها تهتم بروحها و تعيش حياتها و ما تبقاش تخمم في الموضوع و تدعي ربي يهديه و يفرج عليها
واهم حاجة تقدري تديريها اسمعيلها و كي تعود تحكيلك قوليلها ماعليش مهما كان زوجك و اب اولادك على خاطر احيانا الاخوات يغيضهم الحال على اختهم ويبداو يهدرو علر الراجل و يسبو فيه على العكس هكذا رايحة تزيدي عليها بل حاولي تخفي علبها و اهدري على الايجابيات نتاعو و كذلك من الناحية المادية اذا قدرتو تعاونوها اشريولها هدايا تساعدها مثل الة الغسيل او الة عجن او اي شيء يكون في مقدوركم منها تفرحوها ومنها تعاونوها وربي يفرحها و يصبرها كان الله في عونها و عونكم
( تقرير عن مشاركة سيئة )، و الموجودة أسفل كل مشاركة .
2013-04-17, 14:35
العرض العادي
