مشكلتي

[ريمة07]

قصتك مؤثرة جداا ربي يفرج عليكم اختي

خليها على ربي لانو الزواج مكتوب ، اذا كان هاذا السيد مكتوبك رايح يجيك و يخطبك و اذا كان ماشي مكتوبك ما تقدري تديري والوا

خليها على ربي عيشي حياتك عادي و ما تخمميش بزاف ، اذا رجعلك مرحبا و اذا ما رجعلكش هو ادرى بحالتو ، و اذا و جاك خطيب غيره صلي الاستخارة و وافقي عليه و خليها على ربي ، و هك ما تخسريش علاقتك بربي و ما تخسريش العرسان الي ممكن يتقدمولك في هاذي الفترة

و ربي يفرج عليكم

[laraa]

إذا احببت قبل الزواج فاترك حبيبك حتى يجمعكما الله وهو راض عنكما، وإن لم يجمعكما فسيرزقك خيرًا لا تتوقعينه.

[المصدومة في الحياة]

يا ختي قسستينيي
قصتك كيما قصتي الفرق انو انا خاطبني وبعد عامين امو بدلت رايها ورفضت وراني معلقة مافهمت والو
ربي يفرج عليك وعليا يارب
كثري من الدعاء

[الملتزمة بالدين]

السلام عليكم
رايي ان اخطيك من هدي التخاريف السيد كان يتمسخر برك ما بيه والو
انا نقول للبنات يستناو مكتوبهم ما يعلقوش ارواحهم بعلاقات............. لي يحبك صح يجيك لدار
واسمحيلي ادا قسيت عليك مي علا بالي هدا هو الصح وربي يجيب الخير.

[imane-2020]

ربي يفرج عليك اختي ويكون معاك
اولا اختي انتي انقطعت كل اتصالتك بيه شوفي كاش واحد مقرب ليك ويتصل بدارهم ويطمنك عليه اذا راه مليح ولالا واذا كان ما لقيتيش اتصلي على اساس انك تدرسي معاه ولا
ثانيا اذا كان قدرتي تستخبري على صحتو غير سقسي والا اذا كان تعرفي كاش واحد من البلاصة لي يسكن فيها هو واذا لالا ما عليك غير تفويض امرك لله وادعي ربي يفرج عليك وخاصة في جوف الليلواذا كان ما قدرتيش انتي تهدري مع دارهم شوفي اختك ولا انسانة تقي فيها وهي تعيط لتسال عنه وعن صحتو لأنه ماعادش يبان في الجامعة وربي يسمعك خبر الخير ربي يكون معاك وان شاء الله احساسك يكون خاطيء ان شاء الله راها صحتو مليحة والظروف فقط لي خلاتو يبعد عليك وديري في بالك لي ماكتوب في الجبين ما تمحيه اليدين وانا والله اني حاسة بيك ربي يكون معاك ويفرج همك ويسمعك خبر خير في القريب العاجل يا رب

[مريم الصابرة]

السلام عليكم أختي
بداية نقولك ربي يبارك في تربيتك ونعم الفتاة وهذي هي البنت الأصيلة يعني تتحمل كل شي الفقر ما راه عيب ولا المرض عيب هو خمم فيك وما حبش يضيعك معاه وهذا دليل على حبو ليك يعني هو صح ظلم نفسو وظلمك من المفروض يخليها على ربي والمكتوب يجمع بيناتكم مي هو فضل العذاب لنفسو ولا يعذبك معاه ويا اختي هذا نعم الرجل إنت ماكان قدامك والو الآن إلا الصلاة لربي والدعاء يكون من نصيبك وكان مريض ربي يشفيه إنك تتصلي باهلو هذي لالا يعني راكي عارفة إنت فتاة وبالهم يروح بعيد خلي صروتك كيما عرفها فيك هو إنت حاولي توصليلو باي طريقة تسالي عليه وأكيد رقم التلفون يكون مخبيه إبعثي فيه مساج لأنو هو عارف هذيك هي الوسيلة الوحيدة يعني يجي نهار يقراه كان كا قدرتيش معليش دعي ربي وندعولك ربي يكون من نصيبك
ربي يلاقيكم فعلا قصتك والله مؤثرة ربي يلاقيكم يا رب