هل أنت راض عن الدراسة في الجزائر؟؟؟

[old young miss]

vrmt أنا مارانيش راضية


psk نشفا على روحي من يوم بديت نقرا جامي درنا تجربة

نحكو عليهم كي التاريخ و خلاص

مي و علاش

نتفكر في السيام قريت الموسيقى

مي انا مانعرفش الناي

و مانعرفش قطعة موسيقية شوالا

زعما غي نحكو و صايي

مام في العلوم جامي درنا تجربة

جامي

مام في الفيزيك

éssentiel الحمد لله على كل حال

على خاطر رانا نقراو

و وصلنا لواش رانا فيه اليوم

كاين ناس اسمها و ماتعرفش تكتبو

الحمد لله

تحياتي

ريــــــــــــــــــــــان

[soumaya08]

السلام عليكم

موضوع مهم يستحق النقاش

انا اجبت ب لا فالمدرسة الجزائرية عانت ولا تزال تعاني و ستظل كذلك من مشاكل لا حصر لها

فلو نظرنا من الناحية المادية وهي الاهم في نظري نجد قلة الهياكل التعليمية مقارنة بعدد الطلبة لهذا نرى مشكل الاكتظاظ ليصل الى 50 تلميذ في قاعة واحدة وقد يزيد على ذلك مما يشكل عائق امام التلميذ لاستيعاب الدرس وامام الاستاذ حتى يشرح درسه

ومن ناحية اخرى نجد عدم تحلي اغلب ان لم اقل كل ادارات المؤسسات و الاساتذة بالمسؤولية اقصد بذلك التعامل ب "المعرفة"و شعار "صاحبي صاحبك" و ايضا ضعف المستوى لدى اساتذة (طبعا اغلبية وليس الكل) امور من المؤسف ان توجد في "مجتمع اسلامي" ! ربي يهدينا

وبالرغم من هذا فالتعليم المجاني في الجزائر ساهم في تقليص نسبة الامية بشكل كبير ولله الحمد

ان شاء الله تتحسن وضعية التعليم عن قريب والله الموفق

[❀مَلِيْكَة❀]

المشاركة الأصلية كتبت بواسطة مهدي نوميديا

انا منيش راضية
لانو نقراو من 8 الى 12 ونزيدو من1:30 الى 5:30 وشمن استيعاب رايحين نستوعبوه فوق هذا كل يزيدو يعطيوك تمارين في الدار
الحصص من 2:30 حتى 5:30 مناش حطين مع الاستاذ اصلا لي نعسان ولي تعبان ولي يخمم كيفاه يروح ...........الخ
بزاف علينا يحوسوا يخرجونا عباقرة ولا

كيما قلت والله غيرميزيرية في بلادنا بالرغم من ان التعليم مجاني
ارواح للمدير والرقابة واحد ميديرلك قيمة وما يستعرفوش بيك خلاص

[سماح 2]

لست راااضيه ابدا ا
اولاا عدم توووفر الوسااائل في الليسيااات
ثاانيا ا لعدم المسااواااه بين التلاااميد
البيستوو مدااير حااله خخخخ
الله غاالب

[fares_sms]

oui c vrai makach l vide ga3

[algerie34]

لا لست راضية

[سآجدْ للهْ]

السّلام عليكم
هم مقصّرون ونحن كذلك
فلذلك لا أدري !

[ZINA DZ]

نوعا ما

لكن كنت دائما أتمنى أن تتحسن

[ZINA DZ]

المشاركة الأصلية كتبت بواسطة mr_abdoo

انا موالف بالقرايا في اليابان مقدرتش نتاقلم معا الجو هنا

يا لا الروعة

ممكن تهدرلنا شوي باليابانية :d

[عبد الرؤوف_2]

مشكورين على التفاعل
حقا الدراسة ليست في المستوى لكن الحمد لله على كل حال

[ريان 7]

انا اخترت لا
لانو الحاجة الوحيدة الايجابية في نظري هي مجانية التعليم
الاساتذة غير اكفاء عادو هوما يشجعونا نهربو من القسم
الكتب ثقيلة و الكراريس كثيرة و الراس فارغ الا من رحم ربي
البرنامج مكثف و التجارب العلمية نتخيلوها سواء في الفيزياء او العلوم .

الحمد لله على كل حال
كي نزيد نتفكر نرجع

[ZINA DZ]

لكن لو تلاحظون فهي ليست متغيرة كثيرا عن الدراسة في فرنسا فبرنامجنا متطابق مه برنامجهم نسبيا

و الحمد لله رانا خير من دول أخرى

[amelmimi94]

السلام عليكم و رحمة الله و بركاته
اما بعد
حقيقة أنا غير راضية عن التعليم في الجزائر لعدة اسباب منها :
-1-المعارف فقد اثرت هذه الظاهرة على عدد كبير من التلاميذ لان الاساتذة و ليس كلهم يعتمدون على قانون (نحط لولد فلان و شكون انت باش نحطلك )
-2-العدد الكبير للتلاميذ في القسم : فبعض الاقسام تحتوي على عدد يفوق 50 تلميذ في القسم الواحد و هذا ما يسبب تشويش في القسم و منه عدم استوعاب الدروس
-3-نقص المرافق و المنشآت
-4- نقص تكوين الاساتذة ( خبرة و كفاءة عالية)
-5-عدم احترام التلميذ للاستاذ او العكس
..............
و غيرها من الاسباب التي ادت الى عدم تطور التعليم في الجزائر و انما انحطاطه
وارجوا في الاخير ان يتحسن المستوى

[Mimizan]

المشاركة الأصلية كتبت بواسطة مهدي نوميديا

انا منيش راضية
لانو نقراو من 8 الى 12 ونزيدو من1:30 الى 5:30 وشمن استيعاب رايحين نستوعبوه فوق هذا كل يزيدو يعطيوك تمارين في الدار
الحصص من 2:30 حتى 5:30 مناش حطين مع الاستاذ اصلا لي نعسان ولي تعبان ولي يخمم كيفاه يروح ...........الخ
بزاف علينا يحوسوا يخرجونا عباقرة ولا

بارك الله فيك اختي
نفس الملاحظة لي راح نقولها سبقتيني ليها
كفى كفى
تعبت كثيراااا والشئ المحير انني عندما استيقظ من النوم اجد نفسي متعبه هههه

[abderraouf515]

انا لا تعجبني الداسة لدينا نهائيا نضرا لكثرة الدروس وعندما يقومون بحذف دروس مفيدة ونحتاجها في المستقبل وايضا الاساتدة معدوش حبين يقريو كيما اللول والتلاميد واحد فيهم محاب يقر لقراية عندنا متخليكش متشوقة كما الخارج والخليج بكل اختصار سوء التنظيم عندنا هو السبب بااااااااااااااااااااااااااااي