إقامة الكنّة في بيت حميها... بين مؤيد ومعارض - الصفحة 2

hayet04 · 2013-03-15, 14:10

خوفتوني انا في بالي المشاكل ديما يكونو مع السلفات لكن اما سلفاتي مزوجات و في ولايات بعيداااااااا علىنا و زوجي يروح لصحراء و يطول و اما مانقدرش نروح معاه والله حيرتوني ههههههههههههههههههه كونت نشوف فيها مليحة لكن ضرك تحيرت و راني خايفة

ملكة في بيتي · 2013-03-15, 14:32

اقتباس:

المشاركة الأصلية كتبت بواسطة hayet04

خوفتوني انا في بالي المشاكل ديما يكونو مع السلفات لكن اما سلفاتي مزوجات و في ولايات بعيداااااااا علىنا و زوجي يروح لصحراء و يطول و اما مانقدرش نروح معاه والله حيرتوني ههههههههههههههههههه كونت نشوف فيها مليحة لكن ضرك تحيرت و راني خايفة

في حالتك اختي صح صعب تسكني وحدك وزوجك بعيد لذا توكلي على ربي ولا تخافي وحتى وان سكنت مع اهل زوجك وحدثت مشاكل لا قدر الله بامكانك تطلبي بيت مستقل حينها .(اسفة ان كنت السبب في حيرتك وخوفك)

sali-sali · 2013-03-15, 15:45

اقتباس:

المشاركة الأصلية كتبت بواسطة hayet04

خوفتوني انا في بالي المشاكل ديما يكونو مع السلفات لكن اما سلفاتي مزوجات و في ولايات بعيداااااااا علىنا و زوجي يروح لصحراء و يطول و اما مانقدرش نروح معاه والله حيرتوني ههههههههههههههههههه كونت نشوف فيها مليحة لكن ضرك تحيرت و راني خايفة

هههههههه
وعلاه تخافي
اصلا مافيهاش خوف
مراكيش داخلة حرب
هدي اسمها حياة زوجية..واكيد اهل الزوج هم اهلك
عامليهم مثل ماتعاملي والديك وخلاص
وربي يباركلك

AMINA.Z · 2013-03-15, 14:56

السكن المنفرد احسن
لكن ان كان وحيد والديه و ليس له اخوة ذكور فساقبل بان اعيش مع العائلة

sali-sali · 2013-03-15, 15:47

اقتباس:

المشاركة الأصلية كتبت بواسطة amina.z

السكن المنفرد احسن
لكن ان كان وحيد والديه و ليس له اخوة ذكور فساقبل بان اعيش مع العائلة

شكرا لك على المرور

az@algerie · 2013-03-15, 18:59

اذا كانت عائلة كبيرة وهناك من يرعى والدين فمن افضل يكون هناك بيت مستقل اما في حالة ما اذا لم يوجد من يرعهما فمن واجب بقاء في بيت عائلي

sali-sali · 2013-03-15, 20:58

اقتباس:

المشاركة الأصلية كتبت بواسطة az@algerie

اذا كانت عائلة كبيرة وهناك من يرعى والدين فمن افضل يكون هناك بيت مستقل اما في حالة ما اذا لم يوجد من يرعهما فمن واجب بقاء في بيت عائلي

شكرا على المرور

hayet04 · 2013-03-15, 14:57

لالالالالالا يا اختي انا ندير براي والديا راني توكلت على ربي و درت النية و راح نروح بنيتي و نتعامل معاهم بنيتي و ربي معايا و ان شاء الله يقدرني و نلقى قدري و نعطيهم قدرهم ان شاء الله شكراااااااا لكم

عباس الدميري · 2013-03-15, 15:02

اقتباس:

المشاركة الأصلية كتبت بواسطة hayet04

لالالالالالا يا اختي انا ندير براي والديا راني توكلت على ربي و درت النية و راح نروح بنيتي و نتعامل معاهم بنيتي و ربي معايا و ان شاء الله يقدرني و نلقى قدري و نعطيهم قدرهم ان شاء الله شكراااااااا لكم

أنا درت معاهم النية داروفيا رايهم راجلي و قلبوه عليا و رانا في الطلاق ديري دارك وحدك خيييييييييييييييييييييييييير
أنا نهار ما عشتوش معاهم غي العسة

sali-sali · 2013-03-15, 15:48

اقتباس:

المشاركة الأصلية كتبت بواسطة عباس الدميري

أنا درت معاهم النية داروفيا رايهم راجلي و قلبوه عليا و رانا في الطلاق ديري دارك وحدك خيييييييييييييييييييييييييير
أنا نهار ما عشتوش معاهم غي العسة

الناس ماشي كيف كيف
الوحدة المهم تعرف تصرف..وحتى ادا هم عملوا مشاكل..هيا ماتكبرهاش
شكرا على المرور

ام نسمة · 2013-03-15, 20:33

اقتباس:

المشاركة الأصلية كتبت بواسطة hayet04

لالالالالالا يا اختي انا ندير براي والديا راني توكلت على ربي و درت النية و راح نروح بنيتي و نتعامل معاهم بنيتي و ربي معايا و ان شاء الله يقدرني و نلقى قدري و نعطيهم قدرهم ان شاء الله شكراااااااا لكم

كي يكملك ربي وتتزوجي ان شاء الله عاودي ادخلي واكتبي رءيك كامل كنا كيفيك قبل الزواج وكان لينا نفس الرءي لكن بعد الزواج شفنا العجب العجاب حظ موفق لكي اختي العزيزة

sali-sali · 2013-03-15, 20:57

اقتباس:

المشاركة الأصلية كتبت بواسطة yasmine sila

نفضل نعيش مع زوجي و لا تروقني فكرة العيش مع العائلة
تقبلي مروري

هدا رايك
شكرا لك على المرور

اقتباس:

المشاركة الأصلية كتبت بواسطة زهورالفل

كي يكملك ربي وتتزوجي ان شاء الله عاودي ادخلي واكتبي رءيك كامل كنا كيفيك قبل الزواج وكان لينا نفس الرءي لكن بعد الزواج شفنا العجب العجاب حظ موفق لكي اختي العزيزة

الواحدة تدخل بنية وخلاص
مش قبل ماتروح لاهل زوجها تبدا تفكر في الانفصال..لانو هدا التفكير بحد داته مشكلة

ام مريومة · 2013-04-18, 16:44

اقتباس:

المشاركة الأصلية كتبت بواسطة زهورالفل

كي يكملك ربي وتتزوجي ان شاء الله عاودي ادخلي واكتبي رءيك كامل كنا كيفيك قبل الزواج وكان لينا نفس الرءي لكن بعد الزواج شفنا العجب العجاب حظ موفق لكي اختي العزيزة

والله يااخني غير عندك الحق مئة بالمئة كيما يقولو سال المجرب و متسالش الطبيب مور الزواج و يعرفو انو العيش ببيت مستقل رح ينقص بزاف مشاكل و تدخلات من اهل الزوج مستحيل الزوجة تقبلهم حتى و تكون امها اللي راهي تدخل ماشي حتى حماتها
والله يهني كل وحدها و يعطيها على حساب نيتها

sali-sali · 2013-04-19, 09:33

اقتباس:

المشاركة الأصلية كتبت بواسطة خربشة ناعمة

اختي انا ضد الكنة تسكن مع اهل زجها .لانه حتى ادا تفاهموا اليوم اكيد راح يتخاسروا.و ما لازمش نضحكوا على رواحنا كل يوم رانا نشوفوا كمية المشاكل على امور تافهة راحت للطلاق.العجوزة وبناتها يشوفوا العروسة انها دخيلة عليهم و العروسة ما تقدرش تتصرف على طبيعتها وبحرية لانها تحس روحها مراقبة ومقيدة.و من حق الزوجة يكون لها سكن و هادا معروف فالشرع والدين.و الراجل لما يسكن وحدوا ليس معناه انه خلاص قطع والديه و لا يبر بهما.ابدا لانه كاين رجال ساكنين مع والدليهم وديما فالمشاكل وكاين اللي ساكن وحدوا وكريم مع والديه يسال عليهعم ويروح يشوفهم ويتفقد احوالهم.و نزيد نقولك انا عندي اخ زوجي تزوج عندو 6 اشهر فقط و 2 خاوتوا يخدموا في الصحراء يعني هو وزوجته والوالدين .صدقيني حماتي اصعب حماة فالدنيا هي ماعدهاش البنات.و العروسة موظفة و لما ترجع للبيت ما تلقاش الغدا هي و راجلها لانه العجوزة ماتطيبش مكرة فيهم مع انه حماتي ليست كبيرة بالعمر وصحتها جيدة و الكنة تخدم كامل الشغل .و لازم العشاء يتحط قدام عجوزتها وشيخها وين ما كانوا قاعدين ولما العروسة تكون عيانة او مريضة يا ويلها ما تطيبش العشاء.و تقول حماتي العروسة ملا زمش تروح بزاف لعند اهلها لازم 10 مرات في السنة فقط.و خلي الكلام اللي تسمعوا منها فالرايحة والجاية. و هي غير ساكتة ماتردلهاش الهدرة.حتى انا ساكنة بعيدة عليها و كي نروح فالعطلة نشوف العجب منها وثانني نسكت و تزعف على الزوج انتعي كي تسمع بي رحت ضيفة لدارنا مع اني نروح لعندهم مرة في 6 اشهر..مع اني والله نحبها وناخذ لها الهدايا.و دايما نصبر روحي ونقول مزية راني ساكنة وحدي.
يعني العروسة راهي رايحة تنفجر .من الضغط اللي عايشة فيه
و الله ما كانش كيما الكنة اللي تسكن وحدها هي و زوجها.

هنا على حساب الاهل و العايلة لي تروح عندهم الكنة
وتاني على حساب الكنة و طباعها
يا اختي كيما عندها اهلها تحبهم وتحتارمهم تاني يلزم تعامل اهل زوجها على انهم عائلتها

اقتباس:

المشاركة الأصلية كتبت بواسطة ام مريومة

والله يااخني غير عندك الحق مئة بالمئة كيما يقولو سال المجرب و متسالش الطبيب مور الزواج و يعرفو انو العيش ببيت مستقل رح ينقص بزاف مشاكل و تدخلات من اهل الزوج مستحيل الزوجة تقبلهم حتى و تكون امها اللي راهي تدخل ماشي حتى حماتها
والله يهني كل وحدها و يعطيها على حساب نيتها

يا اختي كاين لي عاشت في العايلة الكبيرة و تحب تبقى ديما عايلتها كبيرة
في حالة المشاكل تما عندها الحق في السكن
وكل واحد و رايه
شكرالك

يونس معبدي · 2013-03-15, 16:07

في مثل هاته المواضيع نطالب الزوجة بالصبر
وتحتسب الاجر عند رب العالمين