زوجة ثانية

[الأستاذة حياة]

ربي يقدر الخير لكن عليك ان تفكري جيدا وان لا تنسي ان تستخيري ا فما خاب من استخار الله

[شمس 15]

المشاركة الأصلية كتبت بواسطة مشكلتي

السلام عليكم
بعد قصة حب عنيفة و رفض الجميع لها و اولهم ابي نضرا لكون خطيبي متزوجا و اكبر مني بكثير رضخ الجميع لرغبتنا و قراو الفاتحة و عقدنا و قررنا انو العرس يكون في افريل لحد الان كل شيء جيد لكن المشكلة هي ضرتي التي اقامت الدنيا و لم تقعدها على الرغم من انني ما قستهاش و ماوصلتهاش كما انها السبب الرئيسي لجعل خطيبي يفكر باعادة الزواج لانها فضلت الغربة على الرجوع الى وطنها و كيما علابالكم الراجل لازملو لي يقوم بيه ثم هذا حقو و شرع الله ، كل هدا جعل خطيبي يؤجل العرس لبعد رمضان حتى تجي هنا و يقوللها بلي خلاص راهو تزوج باه ما ديرلوش مشاكل بزاف و تكون بين اهلها و ناسها ، انا ماقنعتنيش هدرتو و ركبت راسي و قتلو العرس لازم يكون كيما تفاهمنا لاني علابالي كي تجي ضرتي راح تعملي مشاكل بزاف مدام مازال ما درتش العرس . عاونوني بنصائحكم و الله مافهمت واش راح ندير حابة ندير العرس و مانيش حابة نقلق راجلي و خايفة من المشاكل اذا نأجلو
الله يخليكم انصحوني بدون تجريح لانو هذا شرع الله و حلال
وشكرا مسبقا

بسم الله.
أختي نصيحتي ليك أنك تأجلي العرس لأنك سمعتي من طرف واحد لي هو خطيبك و حكالك حكاية مراهيش حابة ترجع لبلاد؟؟؟؟؟؟؟؟؟؟ وأنا نعطيك الرسمي الجزائريات يحبو يرجعو لبلاد نسبة ضئيلة لي متحبش ترجع و لكن مع الوقت تحب تهرب ولادها ولا تحب تكمل حياتها بين أهلها و ناسها زيادة على ذلك و ما أدراكي بلي لوكان تجي و تسمعي من عندها عكس وش قالك.....
أنا كي راني نقولك مش معنتها رني ضدك شكون خير تصبري حتى تهبط و تعرسي و تفرحي براجلك و لا تعرسي بلا راجل بعد ما تهبط راهي رايحة تنقذ البابور سورتو إذا عندها دراري معاه و تكافح وتستعمل شتى أنواع الأسلحة و تقصف بالنووي هات برك ماتخليش زوجها و بابات ولادها يبعد على ولادو....
راكي تعرفي "إن كيدهن عظيم" متزوج و بعد رفض الجميع و كبير عليك بكثير كيما راكي تقولي و قراولكم الفاتحة........
و كيف فبالك حيكون ردة فعل الزوجة المسكينة لي حطت والديها و خاوتها وناسها و أهلها فكفة و فضلت كفة زوجها و تغربت معاه و شربت لحلو و المر و تعطيلك زوجها لعزيز ؟؟؟؟؟؟؟؟؟؟
أختك شمشومة عطاتلك مسألة جاوبيها...

[محمد جديدي التبسي]

المشاركة الأصلية كتبت بواسطة إيناس2005

مع احترامييييييييييي الشديد لك ياخي لانني من متتبعات كتاباتك القيمة الا انني صدمت في ردك اليوم
لانني لا اوافقك الراي عندما تري ان فتاة تقيم علاقة عاطفية مع متزوج امر عادي ثم انه ليس من الشرع
ان تبني امراة سعادتها على حساب سعادة الاخرين مهما كانت الظروف انتبه انت ياخي ان الاسلام جميل
واجمل بكثير مما تتصور ارجوك سامحني على التدخل كان ذلك غصبا عني والسلالالالالالالالالام عليكم

بارك لله فيك
الرد الأول في الموضوع وجّه ردي وأول ما قرأت المشكلة استوقفتني عبارة "قصة حب عنيفة" ولم أظن أن العلاقة كانت خارج إطار الخطبة في أول الأمر وردي كان على أساس أن صاحبة المشكلة مخطوبة وفي علاقة شرعية وهذا ما أظنه، أما حديثكم فكان بعيدا عن أساس المشكلة والله أعلم فالفتاة راضية بأن تكون زوجة ثانية وتريد تقليل المشاكل فحسب ولهذا تطلب نصيحتكم، كما أني لا أظن أن طريق الزواج من واحدة يخلو من مشاكل فما بالك بالزواج من ثانية سواء للرجل أو المرأة خاصة مع نظرة الكثيرات الغريبة تجاه ما أحله الله والحكم بالعاطفة في هكذا أمور ..

[mohaa47]

كما تدين تدان .............................بعد شهر أو شهور يتزوج الثالثة .................و يتركك ..................اتق الله لا تخطفي الرجال ...............

[بصمة قلم]

بسم الله الرحمن الرحيم

التعدد حق مشروع للرجل بشرط العدل بين الزوجات ولا يشترط فيه رضاء الزوجة الأولى أو حتى علمها (هذا بالنسبة لمن تحدث عن الخيانة)

اما بالنسبة لمشكلة الاخت صاحبة الموضوع فارجو منها اعادت التفكير جيدااااا في قصتها ولا يغرنّها قصة الحب المزيفة التي كانت بينهما (والتي ان نرجو ان تستغفر الله وتتوب منها)

قلتِ ان الزوجة الاولى اقامت الدنيا ولم تقعدها وهذا جعل زوجك يأجل العرس ، لذا لا تستبعدي ابداااا ان يلغي الزواج نهائيا اذا عادت زوجته وأثرت عليه

المشكلة ليست في التعدد ولا في فارق السن ، فالتعدد كما سبق الذكر حق مشروع وفارق السن اسطوانة مشروخة ، بل المشكل في الزوج والظروف المحيطة به ، اذا كان ضعيف الشخصية و زوجته الاولى متسلطة فالحياة ستكون جحيما ـ والله اعلم

[عُمرُ]

المشاركة الأصلية كتبت بواسطة إيناس2005

ثم انه ليس من الشرع



ان تبني امراة سعادتها على حساب سعادة الاخرين مهما كانت الظروف انتبه انت ياخي ان الاسلام جميل

السلام عليكم..
هل هي فتوى شرعية ما قدمت ؟؟؟؟؟
أرجو أن تفيدنا بمرجعك ومن أصدرها بارك الله فيك...

[اريج16]

انا نقلك حجى وحدة بك
كيما ديتلها رجلها
تجيك وحدة اخرى وتديه عليك
هو كيما غدر بزوجتو يقدر يغدر بيك ولي دارها مرى يدر يديرها الف مرى والحديث قياس