المدرسة العليا للعتاد بالحراش - الصفحة 2

امين 2013 · 2013-03-12, 20:06

السلام عليكم ان واحد من لكملت السطاج في هدا مارس نقولكم ادا كان عنك حل باش ماتفوتهاش ماتفوتهاش و اذا كان ما عندكش حل الله غالب فوتها و خليها مادا اقول لكم غير خاوتي تكل على ربي و روح .
الكازرنا جايا في بوليو اذا كنت ماتعرفش دزاير ادي كورصا ب 30الف و تربح روحك و لا ادي طريق امنة و مليحة من خروبة ركب الى 5 ميزو حبس فيها و من تم سقسي على الحبس تاع الحراش في بلفور و كي توصل للحبس سقسي الشرطة يوصلك حتى للكازرنا .
الفائض راه مكانش حنا في دفعة سبتمبرجات 520 طلبوا 370 و حكموا 347 يعني ملحقوش الحساب و خرجوا 170 بسبب طبي .
1- دير الروطار و روح حتى 26 مارس .
يجب ان تاخد معك ميلتي بريز باش تشارجي البورتابل .
جوتابل تاع حفافة .
كادنة باش تقفل الكازي .
كثر الدراهم راه تستحقهم بزاف .
اخذ معك كتب للثقافة العامة .
كتر من ليزينيتي
و خاوتي لي عنده استفسار يسال و انا جاوبه قبل ماتكمل الاجازة نهار السبت

youcef0384 · 2013-03-11, 15:39

أن يوسف من الشلف رايح نفوتها تم 15/03
نروح 17/03

youcef0384 · 2013-03-11, 17:29

هل الثكنة بعيدة عن محطة القطار بالحراش
لأنني سأذهب بالقطار من العفرون الى الحراش
أفيدوني جزاكم الله خيرا

karimblida · 2013-03-11, 20:32

راهي في بو ليو
الله اعلم ....من سان ميزون cinq maison خير و تطلع ب 10 دينار يحطك قدام باراج فيكسي تم و مش بعيد بزاف
ممكن نتلاقو تم 17 ان شاء الله
يزيدو يجاوبوك ناس العاصمة

فيصل السطائفي · 2013-03-13, 09:38

أنا من عين ولمان - سطيف نتلاقو تم ان شاء الله

abdo87s · 2013-03-13, 13:26

السلام عليكم الاخ فيصل اي يوم راك رايح فيه انا من العلمة و رايح 23/او 24
ان شاء الله اذا ممكن نروحو مع بعض

abdo87s · 2013-03-13, 13:28

السلام عليكم الاخ فيصل اي يوم راك رايح فيه انا من العلمة و رايح 23/او 24
ان شاء الله اذا ممكن نروحو مع بعض

فيصل السطائفي · 2013-03-13, 13:52

اقتباس:

المشاركة الأصلية كتبت بواسطة abdo87s

السلام عليكم الاخ فيصل اي يوم راك رايح فيه انا من العلمة و رايح 23/او 24
ان شاء الله اذا ممكن نروحو مع بعض

للأسف لم أستلم الاستدعاء لحد اليوم .لكني وجدت اسمي عند الدرك .ربما غدا أستطيع الحصول عليه.لذلك لحد الان لا أعرف أي تاريخ سأذهب 15 أو 22 .

aissa8787 · 2013-03-13, 16:09

السلام عليكم انا أخوكم عيسى من بوسعادة أن شاء الله نتلاقاو تم انا نروح من 25 ولهيه

وليد غناي · 2013-03-22, 06:49

ربي يسهل للجميع

hamzabobino · 2013-03-23, 13:09

كيف هي الحالة الان في المدرسة انا ايضا بعتولي للمدرسة في الحراش 15*03*2013 بصح ماروحتش و عندي ملف طبي علي عيني ( نقص الرؤية ) 6/20 ممكن فيها امل يعطوهالي كي نروح و لا يحكموني و من بعد يطلقوني
ممكن افادة اخواني و من لديه معلومات عن الكزيرنة الان يفيدونا بها
و شكرا

DAHO_MATRIX · 2013-03-23, 16:46

عندي 2 من اصدقائي من بوسعادة راهم راحو لمدرسة العتاد بالحراش

وخلاوهم دخلو البورتابل وقالولي بلي راها المدرسة مليحة بزاف

والميتاسيون نتاعها 48 ولاية يعني انت وزهرك وين يميتوك

ربي يوفق الجميع إن شاء الله

nista90 · 2013-03-23, 20:59

السلام عليكم ورحمة الله انا راني فالحراش ( المدرسة العليا للعتاد )
اول حاجة دير في حسابك بلي اذا ما عندكش ملف طبي صحيح و ثقيل عرف بلي غادي تفوت 18 شهر
1- الطريق الى المدرسة من خروبة روح عند الطريق المزدوج تجد ممر فوق الطريق للراجلين قطع الطريق مع الممر ما تقطعش في وسط الطريق سيارات يجرو بزاف
ركب الى " سان ميزو " 15 دج
كي تنزل في سان ميزو حكم طريق لي تطلع على اليمين و كمل سقسي طريق " بوليو " تما يوروك المدرسة
طريق اخر اركب بومعطي و كي توصل لبومعطي ركب شراربة يحطك عند باب المدرسة
2- الدخول الى المدرسة تستنا عند الباب الحراسة حتى يجو يدوكم
اول حاجة تروح مكتب التجنيد تعطيهم الاستدعاء ثم الى العيادة هنا اللحظة الحاسمة اما مقبول او في انتظار
اذا كنت مقبول فاعلم ان 18 شهر ضمنت
اذا كنت في انتظار نتا و زهرك 50 بالمئة
من العيادة الى كتيبة الطلبة الضباط الاحتياطيين
في الكتيبة يغتوك كاس و ملعقة و زاورة و روح ترقد هاهاها
انتظر يوم لي تلبس فيه

وصية من اخ فوتها راجل و ختيك من الشكيمة لانك ستجد الشكامة بزاف

الله يسهل ووفقكم الله

norodz · 2013-03-24, 10:19

ربي يعاونكم أنا جانى استدعاء لعام لى فات مي ما رحتش

RedBull · 2013-03-24, 11:24

كشما يخصك لتم راني هنا خو
كي ما تلقاش وش دير اتصل بيا نجي نتلاقاو