ساعدوا زوجي

[annaa]

و انا عندي قصة صرات ف الجزاير

واحدة جابت تلات بنات و راجلها ف ك مرة يزيد يزعف لما حملت للمرة الرابعة خافته
و قالت لوكان نجيب بنت يطلقني

امالا قالت نوجد طمينة فيها الرهج(السم)

و لما نولد و نلقاها بنت ناكلها و نموت و يهتم هو بالبنات


حطت الطمينة ف الفريجيدار و وصات بناتها ايااااكم و هاذ الطمينة تاع ماماكم كي تولد لازم تاكلها

وصات بنتها عندها 12 سنة تجيبهالها للصبيطار


امالا ولدت و جابت البنت الطمينة

و المفاجاة ان الام جابت ولد


كي قالولها ولد كمها كما الشوك غابت عن الوعي و هي نايضة يعني ودرت عقلها للفترة

الاب فررررح


لبنات يسقسو امهم يما ناكلو هاذي
ناكلو هاذي


كي صمطو ما شفتش فيهم خلاص قاتلهم ايه

كلاو الطمينة



ماتو مساكن

الام لما فاقت و قالولها بناتك ها واش صرالهم

قلبها حبس و ماتت في البلاص

و الاب هبل ولا يدور ف الزنق




و بقا الولد وحده

هاذي قصة حقيقية


و حكاتهالي وحدة على جارهم


احكيله هاذ الحكايات بالاك تضربه الشاهدة و يفيق و انتي ما تبكيش رب انعم عليك ببنية الله يسجيها و يجعلها نعم البنت

[mina18]

لاحول ولا قوة الا بالله انا قريبتي عندها 4 بنات ربي يحفظهملها ونورمال وكاين وحدة تاني نعرفها هوما 9 بنات والله معمرين دار بوهم قولو هدي مشيئة الله وانت عطاك ربي البنات احمد ربي والله كاين الي مالقاوش حتى وحدة وراهم خصرو مالهم وحهدهم وكاين حتى الي تطلقو على حال البحث على كلمة امي والا ابي ربي يهديه اختي وصبري او يسهل ربي

[yatoyato31]

ربي يعيشكم اخواتي راكم ريحتوني و ربي يجازيكم كل خير

[أنين المذنبين]

لما تلدي ستكون أحب البنات إليه

ويكون سعيد بها

وربي يبارك فيك وفي زوجك وأولادك

[bibicha]

شوفي اختي راجلك فكريه بنعمة لي عطاهالو ربي سبحانو راهم ناس حفاو رجليهم و نشفو دموعهم و مزال ما رزقهم ربي بالدراري
و زيد نتي راكي حاملة فقط الرجل هو المسؤؤل عن الذكر و الانثى و طفل ولا طفلة هاذي رحمة من عند ربي

[ام سارة 285]

ما تقلقيش روحك اختي هذي هي عقلية المجتمع انتاعنا ماشي غير راجلك كامل كيفكيف .... و نقولك ما تزعفيش ضرك ان شاء الله تزيد البنت و يعود يحبها يموت عليها لانو البنت حنينة و تحبب الناس فيها
انت حافظي على صحتك و صحة الجنين و كبري قلبك و كوني فحلة ما تستلميش و ما تهتميش بيه يعني زوجك كي يعود يهدرلك و يوجعلك في قلبك و في نفس الوقت ما تحقديش عليه
لازم تكون شخصيتك قوية لانو بناتك محتاجينك و اصبري و قولي الحمد لله .........
ربي يعينك

[ام البنوتة]

حنونة توكلي على ربي و راجلك ذكريه -فان الذكرى تنفع المؤمنين-
شوفي نحكيلك قصة سنة 2009 جابت مرت خويا طفلة اول مولود عندهم و لما رحنا نطلو عليها لقينا مرا زيدت معاها و جابت طفلة هاذيك المرا تبكي تبكي ياخاااه قطعت قلوبنا .بلعقل حتى هدنت شوية سقسيناها واش بيك قالت عندي 5 او 6 بنات و الله نسيت العدد و زدت جبت طفلة و راجلي هددني لوكان تجي طفلة ما يدخلنيش للدار.لوكان تشوفو حوايجها مقطعين ما يكسيهاش يعاقبها على البنات .تصوروا ما جاش يطل عليها و لا يجيبلها ماكلة و ما شرالهاش دوا ء ليها و للمولودة و الله خويا شرالها الدوا و الماكلة كيما مرتو و حتى لحوايج للبيبي لانها ماكانش حتى واش تلبسها الجلد تاعها ازرق من البرد .
لما جاء يديها راجلها راكب طونوبيل 406 اخر حطة باش قالتنا مرتو عندو حانوت تاع حرايج و لاباس عليه و ما حبش يدير دار عايشين في بيت و كوزينة و لما تكون في النفاس ما يقضيلهاش حتى يصدقوا عليها نسا خاوت راجلها لانها ما جابتلوش الولد و ربي هو يقهر فيها و ربي يقهر فيه و ما ورالوش الذكر
لما جاء يديها حكمتها هستيريا من الخوف نقسم بالله ماكانش لي ما بكاش كي شافها قالت لها اختي مديهالي نربيه الا ما يحتاجهاش فالت لها ما نقدرش نمد كبدتي.
رمضان لي فات مات هاذ الاب تهاوشو هو و خوه على القاراج راح الاخ هذا قتلو و بقاو هاذو البنات وحدهم
جامي في حياتي شفت قساوة كيما هكذا.
اختي درك تزيديها و تبدا تكبر و تضحك معاه ينسى و يحبها راهو يحس بخيبة الامل برك و من بعد رايح يفرح و يرضى بالنصيب

[BAROUD]

احمدي الله علئ كل حال
ناس تتمنئ مزيود مهما كان و باي ثمن و هو يتشرط
هذا الاسبوع فقط صادفت مزيود في وضع او في حالة عدم التعيين
يعني لا هو ولد و لا هو انثئ و بالتالي لازم عملية لتحديد جنسه

اذا اقتنعتي احمدي ربي و اشكروه